ທ່ານນາງ Hillary Clinton ຈັດການໂຄສະນາຫາສຽງ ຄັ້ງໃຫຍ່
ເທື່ອທຳອິດ ເພື່ອເຂົ້າສະໝັກແຂ່ງຂັນ ເອົາຕຳແໜ່ງໃນທຳນຽບ
ຂາວ ດ້ວຍການກ່າວຄຳປາໄສ ແບບຄຶກຄື້ນ ມ່ວນຊື່ນແກມຕະລົກ
ແລະ ເປັນສ່ວນຕົວ ທີ່ໄດ້ເວົ້າເຖິງນະໂຍບາຍກ້າວໜ້າ ໂດຍໃຫ້
ຄຳໝັ້ນສັນຍາວ່າ ຈະສົ່ງເສີມໂອກາດທາງດ້ານວຽກງານ ທີ່ສະເໝີ
ພາບ ແລະ ຈະຕໍ່ສູ້ເພື່ອຊົນຊັ້ນກາງ ທີ່ຕົກຢູ່ໃນສະພາບຂາດເຂີນນັ້ນ.
ໃນການກ່າວຄຳປາໄສ ຢູ່ເກາະ Roosevelt ໃນລັດ New York
ທີ່ຖ່າຍທອດອອກທາງໂທລະພາບທົ່ວປະເທດນັ້ນ ທ່ານນາງ
Clinton ກ່າວຕໍ່ຜູ້ສະໜັບສະໜຸນ ຫຼາຍພັນຄົນວ່າ ທ່ານນາງ
ເຂົ້າສະໝັກເປັນປະທານາທິບໍດີ ແມ່ນເພື່ອຊາວອາເມຣິກັນໝົດທຸກຄົນ ລວມທັງພວກ
ທີ່ໄດ້ຖືກປ່ອຍປະລະເລີຍ ຫຼັງຈາກພາວະຖົດຖອຍດ້ານເສດຖະກິດ.
ທ່ານນາງ ຄລິນຕັນ ກ່າວຕໍ່ຜູ້ສະໜັບສະໜຸນຈຳນວນຫຼວງຫຼາຍ ທີ່ພາກັນຮ້ອງເຊຍ
“Hillary Hillary” ຢູ່ນັ້ນ ວ່າ “ອາເມຣິກາ ບໍ່ສາມາດປະສົບຜົນສຳເລັດໄດ້ ເວັ້ນ
ເສຍແຕ່ ພວກທ່ານປະສົບຄວາມສຳເລັດ ອັ້ນນັ້ນແມ່ນເຫດຜົນ ທີ່ຂ້າພະເຈົ້າ
ລົງສະໝັກເປັນປະທານາທິບໍດີ ສະຫະລັດ.”
ທ່ານນາງກ່າວຕໍ່ໄປວ່າ “ຄວາມຈະເລີນຮັ່ງມີ ບໍ່ແມ່ນພຽງແຕ່ເປັນຂອງ ພວກຜູ້ບໍລິ
ຫານ ແລະ ພວກຜູ້ຈັດການເງິນທຶນເພື່ອຫາຜົນກຳໄລເຫຼົ່ານັ້ນ. ປະຊາທິປະໄຕ
ບໍ່ແມ່ນມີໄວ້ ພຽງແຕ່ສຳຫລັບມະຫາເສດຖີເທົ່ານັ້ນ. ຄວາມຈະເລີນຮັ່ງມີ ແລະ
ປະຊາທິປະໄຕ ແມ່ນສ່ວນນຶ່ງຂອງຂໍ້ຕໍ່ລອງພື້ນຖານ ຂອງພວກທ່ານເຊັ່ນກັນ.”
ທ່ານນາງ Clinton ທີ່ສັງກັດພັກເດໂມແຄຣັດ ໄດ້ເປີດສາກໂຈມຕີຢ່າງເຈັບແສບຕໍ່ ພັກ
ຣີພັບບລີກັນ ໂດຍກ່າວເຖິງບັນດາຜູ້ສະໝັກລົງແຂ່ງຂັນ ວ່າ ບໍ່ຮູ້ຈັກສະພາບການໂຕຈິງ
ກ່ຽວກັບຜູ້ມີສິດອອກສຽງເລືອກຕັ້ງ ທີ່ມີຄວາມຫຼາກຫຼາຍນັ້ນ.
ທ່ານນາງກ່າວອ້າງອີງເຖິງບັນດາພະຍາບານ ທີ່ເຮັດວຽກໃນຮອບກາງຄືນ ບັນດາຊ່າງ
ແປງທໍ່ນ້ຳ ກະເສດຕະກອນ ບັນດາທະຫານຜ່ານເສິກ ແລະ ເຈົ້າຂອງທຸລະກິດຂະໜາດ
ນ້ອຍ ວ່າ “ຂ້າພະເຈົ້າສະໝັກແຂ່ງຂັນ ເພື່ອເຮັດໃຫ້ເສດຖະກິດ ທຳງານເພື່ອພວກ
ທ່ານ ແລະ ສຳຫລັບຊາວອາເມຣິກັນໝົດທຸກຄົນ.”
ນອກນັ້ນ ທ່ານນາງຍັງໄດ້ປະຕິຍານວ່າ “ຈະຍຸດຕິການລັ່ງໄຫລຢ່າງບໍ່ສິ້ນສຸດຂອງເງິນ
ແບບລັບໆ ແລະຂາດຄວາມຮັບຜິດຊອບ ທີ່ໄດ້ເຮັດໃຫ້ການເລືອກຕັ້ງ ຂອງພວກມີການບິດເບືອນ” ຖ້າວ່າມີຄວາມຈຳເປັນ ທ່ານນາງ Clinton ກ່າວວ່າ ທ່ານນາງຈະໃຫ້
ການສະໜັບສະໜຸນ ຕໍ່ ແກ້ໄຂລັດຖະທຳມະນູນ ເພື່ອໃຫ້ຕ່າວປີ້ນ ຄຳຕັດສິນຂອງສານສູງສຸດ ທີ່ໄດ້ຍົກເລີກ ຂໍ້ຈຳກັດເງິນທຶນ ໃນການໂຄສະນາຫາສຽງ ທີ່ເອີ້ນວ່າ Citizens United.
