ຫຼາຍຄົນຍັງຫາຍສາບສູນ ແລະຢ້ານວ່າເສຍຊີວິດແລ້ວ ໃນເຂດພູ
ເຂົາຫິມມະໄລ ຂອງເນປາລ ຫຼັງຈາກທີ່ມີຫິມະຕົກຢ່າງໜັກ ແລະ
ເກີດເຫດຫິມະເຈື່ອນ ທີ່ໄດ້ສັງຫານຜູ້ຄົນ ຢ່າງນ້ອຍ 20 ຄົນ
ຊຶ່ງຮວມທັງ ນັກເດີນພູຊາວຕ່າງຊາດ 8 ຄົນນຳ.
ພາຍຸຫິມະແລະຫິມະເຈື່ອນ ໄດ້ເກີດຂຶ້ນຈາກຄວາມຊື້ນຂອງອາກາດ
ທີ່ຫຼົງເຫຼືອມາຈາກ ພາຍຸໄຊໂຄລນທີ່ຮ້າຍແຮງລູກນຶ່ງ ທີ່ປະທະອິນເດຍ ເມື່ອຫຼາຍໆມື້ຜ່ານມານີ້.
ບັນດາເຈົ້າໜ້າກ່າວວ່າ ໄດ້ພົບເຫັນສົບຂອງ ຊາວໂປໂລຍ 2 ຄົນ ຊາວອິສຣາແອລ ນຶ່ງຄົນ ແລະ ຊາວເນປາລ ນຶ່ງຄົນ ໃກ້ໆກັບເສັ້ນທາງເດີນພູທີ່ນິຍົມກັນ ຢູ່ອ້ອມພູ Annapuma ທີ່ຮວມຢູ່ໃນບັນດາ 10 ພູທີ່ສູງທີ່ສຸດຂອງໂລກ.
ເຈົ້າໜ້າທີ່ລັດຖະບານໄດ້ກ່າວໃນວັນພຸດວານນີ້ວ່າ ພວກນັກເດີນພູ 14 ຄົນໄດ້ຖືກ
ຊ່ອຍຊີວິດໄວ້ແລ້ວ ແຕ່ມີຄວາມຢ້ານກົວກັນວ່າ ຈຈຳນວນຜູ້ເສຍຊີວິດຈະເພີ້ມຂຶ້ນ ຍ້ອນສະພາບອາກາດບໍ່ດີໄດ້ສົ່ງຜົນກະທົບຕໍ່ການສື່ສານ ຊຶ່ງເຮັດໃຫ້ເປັນການຍາກຍິ່ງຂຶ້ນ ໃນການຊອກຄົ້ນຫາພວກທີ່ໄດ້ຕິດຄ້າງຢູ່ເທິງ ໃນຫິມະ ແລະຕາມຈ້າຍພູທີ່ທຸລະກັນ ດານນັ້ນ.
ໄພພິບັດຄັ້ງນີ້ເກີດຂຶ້ນ ໃນຊ່ວງທີ່ສຳຄັນທີ່ສຸດຂອງລະດູການປີນພູ ທີ່ນິຍົມກັນຫລາຍນັ້ນ ເພາະເປັນຊ່ວງທີ່ທ້ອງຟ້າສົດໃສແລະແຈ້ງສະຫວ່າງ ແລະອາກາດເຢັນສະບາຍ.
ປະຊາຄົມຂອງນັກເດີນພູຊາວເນປາລ ໄດ້ພົບກັບຄວາມຫາຍະນະຢ່າງໃຫຍ່ຫຼວງ ໃນຕົ້ນ
ປີນີ້ ຕອນທີ່ຫິມະເຈື່ອນໃນເດືອນເມສາ ໃກ້ໆກັບຄ້າຍພັກຢູ່ຕີນພູ Everest ໄດ້ສັງຫານ ຄົນນຳພາປີນພູຊາວເນປາລ 16 ຄົນ.
