ທະຫານເລບານອນກ່າວໃນວັນເສົາມື້ນີ້ວ່າ ຕົນໄດ້ເລີ້ມການປະຕິບັດງານທາງທະຫານ
ເພື່ອກວດລ້າງພວກຫົວຮຸນແຮງລັດອິສລາມອອກຈາກເຂດຊາຍແດນທາງພາກຕາເວັນ
ອອກສຽງເໜືອຂອງປະເທດ ທີ່ຕິດກັບຊີເຣຍ.
ກຸ່ມ Hezbollah ຂອງເລບານອນ ແລະທະຫານຊີເຣຍ ກໍໄດ້ກ່າວໃນວັນເສົາມື້ນີ້ວ່າ ພວກ
ຕົນກໍເລີ້ມຂັບໄລ່ກຸ່ມລັດອິສລາມ ຫລື IS ອອກຈາກເຂດຊາຍແດນເບື້ອງຊີເຣຍ.
ຕໍ່ມາ ໃນກອງປະຊຸມຖະແຫຼງທາງໂທລະພາບ ໂຄສົກຂອງກອງທັບເລບານອນ ໄດ້ກ່າວ
ຢ່າງຈະແຈ້ງວ່າ ເລບານອນບໍ່ໄດ້ປະສານງານ ການປະຕິບັດງານດັ່ງກ່າວ ກັບກຸ່ມ Hez-
bollah ຫລືທະຫານຊີເຣຍ ແຕ່ຢ່າງໃດ.
ທະຫານເລບານອນ ໄດ້ເພີ້ມການປະຕິບັດງານເພື່ອກວດລ້າງ ຢູ່ໃນເຂດຊາຍແດນທີ່ຕິດ
ກັບຊີເຣຍ ໃນຂະນະທີຊີເຣຍພວມດິ້ນລົນຕໍ່ສູ້ກັບສົງຄາມກາງເມືອງທີ່ໂຫດຮ້າຍຢູ່ນັ້ນ.
