ກຸ່ມນິກາຍ Shi’ite Hezbollah ທີ່ມີຫ້ອງການຢູ່ເລບານອນ
ກ່າວວ່າ ການໂຈມຕີທາງອາກາດຂອງອິສຣາແອລ ໃນເຂດ
ພູພຽງ ດ້ານຊີເຣຍ ຂອງພູພຽງໂກລລັນໄຮຕ໌ ໄດ້ສັງຫານ
ນັກຕໍ່ສູ້ຂອງຕົນ 6 ຄົນ ລວມທັງຜູ້ບັນຊາການສູງສຸດ ແລະ
ລູກຊາຍ ຂອງຜູ້ບັນຊາການທະຫານ ທີ່ຖືກລອບສັງຫານ
ແລ້ວນັ້ນ.
ກອງທັບອິສຣາແອລ ປະຕິເສດທີ່ຈະໃຫ້ຄຳເຫັນ ແຕ່ແຫລ່ງຂ່າວ
ຂອງທະຫານ ໄດ້ຢືນຢັນ ການໂຈມຕີນັ້ນ ກັບອົງການຂ່າວຕ່າງໆ
ຂອງຝ່າຍຕາເວັນຕົກ ແລະ ຂອງອິສຣາແອລ.
ແຫລ່ງຂ່າວແຫ່ງໜຶ່ງ ກ່າວວ່າ ການໂຈມຕີທາງອາກາດ ແມ່ນແນໃສ່ ພວກກໍ່ການຮ້າຍ
Hezbollah ຜູ້ທີ່ກຳລັງວາງແຜນທີ່ຈະໂຈມຕີອິສຣາແອລ. ແຫລ່ງຂ່າວນີ້ກ່າວອີກວ່າ
ເຮລິຄອບເຕີອິສຣາແອລ ໄດ້ຍິງຈະຫລວດ 2 ລູກ ໃກ້ກັບ Quneitra ທີ່ຕິດກັບເສັ້ນ
ແບ່ງແຍກສ່ວນໜຶ່ງຂອງເຂດພູພຽງ ໂກລລັນໄຮຕ໌ ຂອງຊີເຣຍ ຈາກເຂດປົກຄອງຂອງ
ອິສຣາແອລ.
Hezbollah ກ່າວວ່າ ໜຶ່ງຄົນໃນ ຈຳນວນນັກຕໍ່ສູ້ ທີ່ຖືກຂ້າຕາຍນັ້ນ ແມ່ນ Mohammad
Issa ຊຶ່ງເປັນຜູ້ບັນຊາການກຸ່ມ Hezbollah ທີ່ຮັບຜິດຊອບການປະຕິບັດງານຕ່າງໆ ສຳ
ຫລັບຊີເຣຍ ແລະ ອີຣັກ.
ຜູ້ຖືກຂ້າຕາຍຜູ້ນ່ຶງກໍແມ່ນ Jidah Mughniyeh ຊຶ່ງເປັນລູກຊາຍຂອງມື້ລາງ Imad
Mughniyeh ຜູ້ນຳທະຫານ Hezbollah ທີ່ຖືກລອບສັງຫານ ໃນປີ 2008 ດ້ວຍລົດ
ລະເບີດ ໃນຊີເຣຍ ແລະໄດ້ຖິ້ມໂທດໃສ່ອິສຣາແອລນັ້ນ.
