ລິ້ງ ສຳຫລັບເຂົ້າຫາ

ການປ່ຽນແປງ ແບບແຜນ ການດໍາລົງຊີວິດ ສາມາດ ຊ່ວຍປ້ອງກັນ ໂຣກຫົວໃຈໄດ້ (ເບິ່ງວີດີໂອ ລາວ-ອັງກິດ)

  • Carol Pearson
  • ດາຣາ ບັກຄໍາ
  • ທອງປານ ເທບວົງສາ
  • ບົວສະຫວັນ

ທ່ານນາງ ໄອຣີນ ໂພລລິນ (Irene Pollin) ທີ່ຈັດຕັ້ງອົງການ ເວົ້າສູ່ເອື້ອຍສູ່ນ້ອງຟັງ ຫລື Sister to Sister ເພື່ອໃຫ້ການສຶກສາແກ່ແມ່ຍິງ ກ່ຽວກັບ ພະຍາດຫົວໃຈ

ໂຣກຫົວໃຈເປັນໂຕການອັນດັບນຶ່ງ ໃນການ​ເອົາຊີວິດຄົນຢູ່ໃນໂລກ. ໂດຍ​ສ່ວນ​ໃຫຍ່​ແລ້ວ ພະຍາດ​ນີ້​​ແມ່ນ​ປ້ອງ​ກັນ​ໄດ້ ແຕ່ວ່າ ເພື່ອທີ່​ຈະຫລຸດຜ່ອນການຕາຍຍ້ອນ​ໂຣກຫົວ​ໃຈລົງໄດ້ນັ້ນ ກໍຈະຕ້ອງໄດ້ມີການປ່ຽນແປງ​ໃນແບບແຜນດໍາລົງຊີວິດ ແລະນະໂຍບາຍຂອງລັດຖະບານ ພ້ອມທັງໃຫ້ມີໂຄງການສ້າງ​ຄວາມຕື່ນຕົວຮັບຮູ້ ກ່ຽວກັບບັນຫານີ້ ໃນໝູ່ປະຊາຊົນທົ່ວໄປໃຫ້ ດີຂຶ້ນກວ່າເກົ່າ. ຜູ້ຍິງແມ່ນມີຄວາມສ່ຽງສູງຕໍ່ການເປັນໂຣກຫົວໃ ຈຫລາຍກວ່າພວກຜູ້ຊາຍ. ທັງນີ້ ສ່ວນນຶ່ງກໍເປັນຍ້ອນວ່າ ການວິນິດ​ໄສພະຍາດນີ້ໃນ​ພວກຜູ້ຍິງນັ້ນແມ່ນຍາກກວ່າຜູ້ຊາຍ. ນາງແຄຣອລ ເພຍ​ເສິນ ຜູ້ສື່ຂ່າວຂອງວີໂອເອ ມີລາຍງານກ່ຽວກັບການດໍາເນີນຄວາມພະຍາ ຍາມ ໃນການຫລຸດຜ່ອນຄວາມສ່ຽງດັ່ງກ່າວເຫລົ່ານັ້ນ ແລະຊ່ວຍພວກຜູ້ຍິງໃຫ້ຫລີກລ່ຽງ ຈາກການເປັນໂຣກຫົວໃຈໄດ້ ຊຶ່ງດາຣາມີລາຍລະອຽດ ມາສະເໜີທ່ານ.

ເບິ່ງວີດິໂອລາຍງານຂ່າວນີ້ເປັນພາສາລາວ

ເວລາຜູ້ຊາຍເປັນໂຣກຫົວໃຈວາຍ ຫລືຫົວໃຈລົ້ມ​ເເຫລວ ສ່ວນໃຫຍ່ມັກ ເປັນຍ້ອນເສັ້ນ
ເລືອດໃຫຍ່ຕີບຫລື​ອຸດຕັນ. ການສ່ອງໄຟຟ້າ ຫລື X-Ray ເບິ່ງເສັ້ນເລືອດ ທີ່​ເອີ້ນ​ວ່າ
angiogram ນັ້ນ ປົກກະຕິແລ້ວ ແມ່ນສາມາດມອງເຫັນການອຸດຕັນ​ໃນ​ເສ້ນ​ເລືອດ
ທີ່ເກີດຈາກການກໍ່ຕົວຂຶ້ນຂອງ​ໄຂມັນ. angiogram ​ແມ່ນການສ່ອງ​ໄຟຟ້າ ​ໂດຍ​ການ
ແຫຍ່ທໍ່ນ້ອຍໆບາງໆ ເຂົ້າໄປໃນເສັ້ນເລືອດຂອງຄົນເຈັບ.

ແຕ່ວ່າ ການສ່ອງ​ໄຟຟ້າ​ໂດຍ​ໃຊ້​ທໍ່​ນ້ອຍໆ​ແບບ​ນີ້ ບໍ່ສາມາດທີ່ຈະມອງ ເຫັນບັນຫາຢູ່ໃນ ເສັ້ນເລືອດຂອງຜູ້ຍິງສະເໝີໄປ. ສະນັ້ນ ມັນຈຶ່ງເຮັດໃຫ້ຜູ້ຍິງຕົກຢູ່ໃນສະພາບ ທີ່ມີຄວາມ
ສ່ຽງຕໍ່ການເປັນໂຣກຫົວໃຈ ສູງ​ກ່ວາຜູ້ຊາຍ. ອົງການອະນາໄມໂລກ ຫລື WHO ລາຍ
ງານວ່າ ພະຍາດຫົວໃຈເອົາຊີວິດຂອງຜູ້ຍິງໄປ 18 ລ້ານຄົນ ຢູ່ໃນທົ່ວໂລກ ໃນແຕ່ລະປີ. ແລະມັນກໍເປັນພະຍາດທີ່ບໍ່ພຽງແຕ່ມີຜົນກະທົບ ຕໍ່ສະ​ເພາະແຕ່ພວກຜູ້ຍິງທີ່ອາຍຸແກ່ເທົ່າ
ນັ້ນ. ນາງ ແຄຣີ ວິນເຊັນ (Carrie Vincent) ແມ່ນເປັນໂຣກຫົວໃຈຫລົ້ມ​ເເຫລວຂະໜາ​ດ
ແຮງ ລຸນຫລັງ ທີ່ລາວເກີດລູກຜູ້ທໍາອິດ. ນາງເວົ້າວ່າ:

ໂອ້! ຂ້ອຍມີອາຍຸໄດ້ 31 ປີເທົ່ານັ້ນ, ຄົນອາຍຸ 31 ປີ ເຂົາບໍ່ເປັນໂຣກຫົວໃຈຫລົ້ມ
ເຫລວກັນ.

ເວລານີ້ ນາງ ວິນເຊັນ ພະຍາຍາມນໍາເອົາຂ່າວອັນນີ້ ໄປ​ເຜີຍ​ແຜ່​ແກ່ພວກຜູ້ຍິງຢູ່ເຮືອນ
ຂອງພວກເຂົາເຈົ້າ ເພື່ອໃຫ້ເຂົາເຈົ້າຕື່ນ​ໂຕ. ນາງ ໄອຣີນ ໂພລລິນ (Irene Pollin) ​ເຄື່ອນ​
ໄຫວ​ທັນທີ ຫລັງ​ຈາກລາວ​ໄດ້ຮູ້ຂໍ້ມູນກ່ຽວກັບເລື້ອງນີ້. ນາງເວົ້າວ່າ:

“ໂຣກຫົວໃຈເປັນໂຕການອັນດັບນຶ່ງ ທີ່ ເອົາຊີວິດຜູ້ຍິງ.”

ນາງ ໂພລລິນ ໄດ້ຈັດຕັ້ງອົງການນຶ່ງຂຶ້ນທີ່ມີຊື່ວ່າ ເວົ້າສູ່ເອື້ອຍສູ່ນ້ອງຟັງ ຫລື Sister to
Sister ເພື່ອໃຫ້ການສຶກສາແກ່ແມ່ຍິງ ກ່ຽວກັບ ພະຍາດຫົວໃຈ. ນາງໄດ້ຊຸກຍູ້ໃຫ້ແມ່ຍິງ
ຮຽນຮູ້ກ່ຽວກັບຄວາມດັນເລືອດ ສູງ, ລະດັບຄໍແຣສ​ເຕີຣອລ ແລະປັດ​ໃຈອື່ນໆ ທີ່ພາໃຫ້
ສ່ຽງຕໍ່ການເປັນໂຣກຫົວໃຈ. ນາງອະທິບາຍວ່າ:

“ເປົ້າໝາຍ ແທ້ໆ​ແລ້ວ ກໍຄື ການປ້ອງກັນ ຄືເຮັດໃຫ້ຄົນເຂົ້າໃຈເຖິງ ຄວາມສ່ຽງຂອງ ເຂົາເຈົ້າໃນການເປັນພະຍາດນີ້ ໃຫ້ຮູ້ວ່າ ພວກເຂົາເຈົ້າ ຄວນພະຍາຍາມ ໄປກວດຫາ
ພະຍາດ​ນີ້
, ໃຫ້ຮູ້ຈັກໂຕ​ເລກ​ຫລື​ລະດັບ​ຂອງ​ປັດ​ໃຈ​ສ່ຽງ​ຕ່າງໆ ແລະຈາກນັ້ນ ກໍຫາວິ
ທີ່ເຮັດຢ່າງໃດຢ່າງນຶ່ງ
ເພື່ອ​ປ້ອງ​ກັນພະຍາດນີ້.”

ນາງໂພລລິນ ໄດ້​ເຂົ້າຮ່ວມ​ເຮັດ​ວຽກ​ນີ້ກັບພວກແພດຊ່ຽວຊານດ້ານໂຣກຫົວໃຈ ທີ່ໂຮງໝໍ
ບຣິກກໍາ ແລະແມ່ຍິງ ຫລື Brigham and Women’s Hospital ຢູ່ນະຄອນບັອສເຕິນ
ລັດແມ​ສຊາ​ຈູ​ແຊ​ສ ບ່ອນທີ່ ດຣ. ໂຈ​ແອນ ຟູດດີ (Dr. Joanne Foody) ສຸມ​ຄວາມ​ສົນ
​ໃຈ ​ໃສ່​ວິທີການປ້ອງກັນ. ດຣ. ຟູດດີ ກ່າວວ່າ:

“ຂ່າວດີກໍຄືວ່າ 95% ຂອງໂຣກຫົວໃຈ ແມ່ນສາມາດປ້ອງກັນໄດ້ ໂດຍການຫລຸດຄວາມ
ສ່ຽງຕໍ່
ການເປັນພະຍາດນີ້ລົງ.”

ນັ້ນກໍໝາຍຄວາມວ່າ ເຊົາສູບຢາ ຫລືສືບຕໍ່ເປັນຄົນບໍ່ສູບຢາ ຄວບຄຸມຫລືຫລີກລ່ຽງ ຈາກການເປັນໂຣກເບົາຫວານ, ຮັກສານໍ້າໜັກໃຫ້ຢູ່ໃນເກນ ທີ່ມີສຸຂະພາບສົມບູນດີ,
ກິນອາຫານທີ່ຖືກຕ້ອງ, ອອກກໍາລັງກາຍ 30 ນາທີເກືອບທຸກມື້ ແລະຄວບຄຸມຫລື
ຫລຸດຜ່ອນຄວາມ
ເຄ່ງຄຽດ.

ໂຣກຫົວໃຈ ແມ່ນມີຜົນກະທົບຕໍ່ພວກຜູ້ຍິງຢູ່ໃນບັນດາປະເທດກໍາລັງພັດທະນາ ເພີ້ມຂຶ້ນນັບ
ມື້. ແພດຊ່ຽວຊານດ້ານຫົວໃຈ ດຣ. ດາຣີອຸສ ໂມຊາຟາຣຽນ (Dr. Dariush Mozaffarian)
ໄດ້ຖິ້ມ​ໂທດໃສ່ການແຜ່ລະບາດຂອງໂຣກອ້ວນພີຈົນເກີນໄປຢູ່ໃນທົ່ວໂລກ ວ່າ​ເປັນສາ​ເຫດ​ໃຫຍ່.
ທ່ານກ່າວວ່າ:

“ຜູ້ຄົນເປັນພະຍາດຊໍາເຮື້ອ ບໍ່ແມ່ນຍ້ອນວ່າກິນຫລາຍໂພດ ແຕ່ເປັນຍ້ອນວ່າກິນ
ອາຫານທີ່ບໍ່ເປັນປະໂຫຍດຕໍ່ຮ່າງກາຍ. ສິ່ງທີ່ພວກເຂົາ
ເຈົ້າບໍ່ກິນນັ້ນ ສ່ວນໃຫຍ່
ແມ່ນພາໃຫ້ເປັນອັນຕະລາຍແກ່ຮ່າງກາຍຂອງ
ພວກເຂົາເຈົ້າ.”

ດຣ. ໂມຊາຟາຣຽນແນະນໍາວ່າ ໃຫ້ເພີ້ມການກິນປາ, ອາຫານປະເພດເມັດທີ່ບໍ່ໄດ້ຂັດສີ
ອອກຈົນກ້ຽງ, ຜັກ, ນໍ້າມັນພືດ, ເມັດຖົ່ວຕ່າງໆ,
ກິນເກືອ​ໃຫ້ໜ້ອຍລົ.

ທ່ານໝໍທັງສອງທ່ານໄດ້ແນະນໍາໃຫ້ລັດຖະບານ​ເຮັດ​ໃຫ້​ເລື້ອງ​ນີ້ ​ເປັນນະໂຍບາຍສາທາລະນະ ທີ່ສົ່ງເສີມການຮັກສາສຸຂະພາບຂອງຫົວໃຈ, ແລະ ແນ່ນອນ, ການກວດຫາພະ​ຍາດ​ນີ້ ແລະ
ໃຫ້ການສຶກສາອົບຮົມ ​ແບບດຽວກັນກັບ ທີ່ນາງໄອຣີນ ໂພລລິນ ແລະນາງແຄຣີ ວິນເຊັນ
ເຮັດຢູ່ເປັນເທື່ອລະງານໄປ.

ເບິ່ງວີດິໂອລາຍງານຂ່າວນີ້ເປັນພາສາອັງກິດ

XS
SM
MD
LG