ທະຫານຂອງລັດຖະບານຊີເຣຍ ແລະພວກກະບົດໄດ້ປະທະກັນ ທີ່ເມືອງ Aleppo ນະຄອນຫຼວງການຄ້າຂອງປະເທດ ໃກ້ໆບໍລິເວນສະໜາມບິນທີ່ລັດຖະບານຄວບຄຸມຂອງເມືອງດັ່ງກ່າວ ໃນຂະນະທີ່ການສູ້ລົບກັນ ພວມໜັກໜ່ວງຂຶ້ນຕື່ມ ກ່ອນໜ້າການໄປຢ້ຽມຢາມຂອງທູດພິເສດນາໆຊາດປະຈໍາຊີເຣຍຄົນໃໝ່ນັ້ນ.
ກຸ່ມສິ້ງຊອມສິດທິມະນຸດໃນຊີເຣຍທີ່ມີສໍານັກງານຢູ່ລອນດອນ ແລະພວກນັກເຄື່ອນໄຫວຈຸອື່ນໆ ເວົ້າວ່າ ການສູ້ລົບກັນຢ່າງໜັກໄດ້ລະເບີດຂຶ້ນໃນຕອນຂ້ອນແຈ້ງຂອງວັນພຸດມື້ນີ້ ທີ່ເຂດ Nayrab ປະມານຫ້າກິໂລແມັດຫ່າງຈາກສະໜາມບິນ Aleppo.
ສະຖານທີ່ດັ່ງກ່າວ ທີ່ໂຮມທັງຄ້າຍທະຫານແຫ່ງນຶ່ງ ເປັນບ່ອນທີ່ລັດຖະ ບານໃຊ້ເພື່ອຖິ້ມລະເບີດໃສ່ເຂດທີ່ຄວບຄຸມໂດຍພວກກະບົດ. ຕະຫຼອດໄລຍະຫຼາຍອາທິດຜ່ານມານີ້ ພວກກະບົດໄດ້ໂຈມຕີສະໜາມບິນນ້ອຍໆຫຼາຍແຫ່ງຂອງລັດຖະບານເພື່ອພະຍາຍາມປ້ອງກັນບໍ່ໃຫ້ຝ່າຍລັດຖະບານໃຊ້ເປັນບ່ອນໂຈມຕີທາງອາກາດ ໃນຂະນະທີ່ສະຖານທາງການຄ້າຕ່າງໆບໍ່ໄດ້ຖືກລົບກວນເລີຍ.
ຈົນເທົ່າເຖິງປັດຈຸບັນນີ້ຄວາມພະຍາຍາມເພື່ອເປີດການເຈລະຈາທາງການທູດ ກໍບໍ່ສາມາດທີ່ຈະຢຸດການສູ້ລົບຢ່າງນອງເລືອດໃນຊີເຣຍລົງໄດ້ ແຕ່ທ່ານ Lakhdar Brahimi ທູດພິເສດຄົນໃໝ່ຂອງສະຫະປະຊາຊາດແລະສັນນິບາດອາຣັບ ມີແຜນການຈະໄປຢ້ຽມຢາມຊີເຣຍໃນອາທິດນີ້ ເພື່ອພະ ຍາຍາມເກ້ຍກ່ອມພວກເຂົາເຈົ້າ ໃຫ້ຟື້ນຟູການເຈລະຈາກັນໃໝ່.
ທ່ານ ພັນ ຄີມູນ ເລຂາທິການໃຫຍ່ສະຫະປະຊາຊາດກ່າວວ່າ ທູດພິເສດ Brahimi ຈະເຈລະຈາກັບປະທານາທິບໍດີ Bashar al-Assad ເວລາທ່ານໄປຢ້ຽມຢາມຊີເຣຍເທື່ອທໍາອິດຢ່າງເປັນທາງການນັ້ນ ເຖິງແມ່ນຍັງບໍ່ໄດ້ກໍານົດວັນເວລາໃນການຢ້ຽມຢາມທີ່ຄັກແນ່ໃນເວລານີ້ເທື່ອກໍຕາມ.
ທ່ານ Brahimi ໄດ້ເຂົ້າຮັບຕຳແໜ່ງແທນທູດພິເສດ ໂກຟີ ອັນນັນ ຜູ້ທີ່ບໍ່ສາມາດເກ້ຍກ່ອມ ໃຫ້ບັນລຸຂໍ້ຕົກລົງຢຸດຍິງຢູ່ໃນຊີເຣຍໄດ້ ແລະເປີດການເຈລະຈາກ່ຽວກັບລັດຖະບານໃນໄລຍະຂ້າມຜ່ານ.
ເຈົ້າໜ້າທີ່ສະຫະປະຊາຊາດກ່າວວ່າ ການສູ້ລົບກັນໃນຊີເຣຍມາເທົ່າປັດຈຸ ບັນນີ້ ໄດ້ເຂັ່ນຂ້າປະຊາຊົນໄປແລ້ວປະມານ 20,000 ຄົນ ໃນຈໍານວນນັ້ນເກືອບວ່າທັງໝົດເປັນພົນລະເຮືອນ ແລະໄດ້ບັງຄັບໃຫ້ອີກຫຼາຍກວ່ານຶ່ງລ້ານຄົນ ພັດພາກຈາກບ້ານຢູ່ອາໄສຂອງພວກເຂົາເຈົ້າ.
ປະມານວ່າມີຊາວຊີເຣຍຫຼາຍກວ່າ 250,000 ຄົນໄດ້ພາກັນຫຼີບໜີໄປອາໄສຢູ່ໃນປະເທດຈໍແດນ ອີຣັກ ເລບານອນ ແລະເທີກີ. ອົງການອົບພະ ຍົບສະຫະປະຊາຊດ ເອີ້ນບັນຫາດ້ານມະນຸດສະທໍາ ທີ່ເກີດຈາກເສີກສົງ ຄາມນັ້ນວ່າ ເປັນວິກິດການທີ່ໃຫຍ່ທີ່ສຸດຂອງຕົນ.
ກຸ່ມສິ້ງຊອມສິດທິມະນຸດໃນຊີເຣຍທີ່ມີສໍານັກງານຢູ່ລອນດອນ ແລະພວກນັກເຄື່ອນໄຫວຈຸອື່ນໆ ເວົ້າວ່າ ການສູ້ລົບກັນຢ່າງໜັກໄດ້ລະເບີດຂຶ້ນໃນຕອນຂ້ອນແຈ້ງຂອງວັນພຸດມື້ນີ້ ທີ່ເຂດ Nayrab ປະມານຫ້າກິໂລແມັດຫ່າງຈາກສະໜາມບິນ Aleppo.
ສະຖານທີ່ດັ່ງກ່າວ ທີ່ໂຮມທັງຄ້າຍທະຫານແຫ່ງນຶ່ງ ເປັນບ່ອນທີ່ລັດຖະ ບານໃຊ້ເພື່ອຖິ້ມລະເບີດໃສ່ເຂດທີ່ຄວບຄຸມໂດຍພວກກະບົດ. ຕະຫຼອດໄລຍະຫຼາຍອາທິດຜ່ານມານີ້ ພວກກະບົດໄດ້ໂຈມຕີສະໜາມບິນນ້ອຍໆຫຼາຍແຫ່ງຂອງລັດຖະບານເພື່ອພະຍາຍາມປ້ອງກັນບໍ່ໃຫ້ຝ່າຍລັດຖະບານໃຊ້ເປັນບ່ອນໂຈມຕີທາງອາກາດ ໃນຂະນະທີ່ສະຖານທາງການຄ້າຕ່າງໆບໍ່ໄດ້ຖືກລົບກວນເລີຍ.
ຈົນເທົ່າເຖິງປັດຈຸບັນນີ້ຄວາມພະຍາຍາມເພື່ອເປີດການເຈລະຈາທາງການທູດ ກໍບໍ່ສາມາດທີ່ຈະຢຸດການສູ້ລົບຢ່າງນອງເລືອດໃນຊີເຣຍລົງໄດ້ ແຕ່ທ່ານ Lakhdar Brahimi ທູດພິເສດຄົນໃໝ່ຂອງສະຫະປະຊາຊາດແລະສັນນິບາດອາຣັບ ມີແຜນການຈະໄປຢ້ຽມຢາມຊີເຣຍໃນອາທິດນີ້ ເພື່ອພະ ຍາຍາມເກ້ຍກ່ອມພວກເຂົາເຈົ້າ ໃຫ້ຟື້ນຟູການເຈລະຈາກັນໃໝ່.
ທ່ານ ພັນ ຄີມູນ ເລຂາທິການໃຫຍ່ສະຫະປະຊາຊາດກ່າວວ່າ ທູດພິເສດ Brahimi ຈະເຈລະຈາກັບປະທານາທິບໍດີ Bashar al-Assad ເວລາທ່ານໄປຢ້ຽມຢາມຊີເຣຍເທື່ອທໍາອິດຢ່າງເປັນທາງການນັ້ນ ເຖິງແມ່ນຍັງບໍ່ໄດ້ກໍານົດວັນເວລາໃນການຢ້ຽມຢາມທີ່ຄັກແນ່ໃນເວລານີ້ເທື່ອກໍຕາມ.
ທ່ານ Brahimi ໄດ້ເຂົ້າຮັບຕຳແໜ່ງແທນທູດພິເສດ ໂກຟີ ອັນນັນ ຜູ້ທີ່ບໍ່ສາມາດເກ້ຍກ່ອມ ໃຫ້ບັນລຸຂໍ້ຕົກລົງຢຸດຍິງຢູ່ໃນຊີເຣຍໄດ້ ແລະເປີດການເຈລະຈາກ່ຽວກັບລັດຖະບານໃນໄລຍະຂ້າມຜ່ານ.
ເຈົ້າໜ້າທີ່ສະຫະປະຊາຊາດກ່າວວ່າ ການສູ້ລົບກັນໃນຊີເຣຍມາເທົ່າປັດຈຸ ບັນນີ້ ໄດ້ເຂັ່ນຂ້າປະຊາຊົນໄປແລ້ວປະມານ 20,000 ຄົນ ໃນຈໍານວນນັ້ນເກືອບວ່າທັງໝົດເປັນພົນລະເຮືອນ ແລະໄດ້ບັງຄັບໃຫ້ອີກຫຼາຍກວ່ານຶ່ງລ້ານຄົນ ພັດພາກຈາກບ້ານຢູ່ອາໄສຂອງພວກເຂົາເຈົ້າ.
ປະມານວ່າມີຊາວຊີເຣຍຫຼາຍກວ່າ 250,000 ຄົນໄດ້ພາກັນຫຼີບໜີໄປອາໄສຢູ່ໃນປະເທດຈໍແດນ ອີຣັກ ເລບານອນ ແລະເທີກີ. ອົງການອົບພະ ຍົບສະຫະປະຊາຊດ ເອີ້ນບັນຫາດ້ານມະນຸດສະທໍາ ທີ່ເກີດຈາກເສີກສົງ ຄາມນັ້ນວ່າ ເປັນວິກິດການທີ່ໃຫຍ່ທີ່ສຸດຂອງຕົນ.