ກອງທັບຢູເຄຣນ ກ່າວວ່າ ພວກກະບົດທີ່ໄດ້ຮັບການໜຸນຫຼັງ
ຈາກຣັດເຊຍ ບໍ່ປະຕິບັດຕາມຂໍ້ຕົກລົງຢຸດຍິງ ທີ່ມີວັດຖຸປະສົງ
ເພື່ອຍຸດຕິການສູ້ລົບກັນໃນພາກຕາເວັນອອກຂອງຢູເຄຣນ
ນັ້ນ ແລະກຳລັງເພີ້ມທະວີການໂຈມຕີຂຶ້ນໃນເມືອງ Debalt
seve ຊຶ່ງເປັນເມືອງທາງລົດໄຟທີ່ສຳຄັນ.
ກອງທັບຢູເຄຣນ ກ່າວໃນວັນຈັນມື້ນີ້ວ່າ ຈຳນວນການໂຈມຕີ
ຕໍ່ເມືອງ ດັ່ງກ່າວໄດ້ເພີ້ມທະວີຂຶ້ນ ເມື່ອສົມທຽບໃສ່ກັບຫຼາຍມື້
ກ່ອນໜ້ານີ້ໂດຍທີ່ພວກກະບົດໄດ້ນຳໃຊ້ ອາວຸດໃນທຸກແບບ.
ຜູ້ສື່ຂ່າວ Reuters ໃນເມືອງ Vuhlehirsk ຊຶ່ງຕັ້ງຢູ່ຫ່າງຈາກ
ເມືອງ Debaltseve ໄປທາງທິດຕາເວັນຕົກ ປະມານ 10 ຫຼັກກິໂລແມັດ ລາຍງານວ່າ
ມີການລະດົມຍິງປືນໃຫຍ່ຢ່າງໜັກໃນເຂດອ້ອມແອ້ມເມືອງ ແລະມີສຽງດັງລະເບີດຂຶ້ນ ປະມານໃນທຸກໆ 10 ວິນາທີ.
ການສູ້ລົບກັນສ່ວນຫຼາຍໃນເດືອນນີ້ ໃນພາກຕາເວັນອອກຂອງຢູເຄຣນ ໄດ້ເກີດຂຶ້ນຢູ່ໃນເມືອງ Debaltseve ບ່ອນທີ່ເຊື່ອກັນວ່າ ພວກ ທະຫານຂອງຢູເຄຣນຫຼາຍພັນຄົນ ໄດ້ຖືກພວກກະບົດປິດລ້ອມໄວ້ນັ້ນ.
ການຖອນພວກອາວຸດໜັກ ອອກຈາກເຂດແນວໜ້າໃນຢູເຄຣນ ກຳນົດຈະເລີ້ມຂຶ້ນໃນວັນຈັນມື້ນີ້ ພາຍໃຕ້ເງື່ອນໄຂທີ່ບົ່ງໄວ້ໃນຂໍ້ຕົກລົງຢຸດຍິງ.