ລິ້ງ ສຳຫລັບເຂົ້າຫາ

ວັນຈັນ, ໒໔ ມິຖຸນາ ໒໐໒໔

ການບໍລິການດ້ານສາທາລະນະສຸກ ທີ່ຍັງຕ້ອງເພີ້ມການຍົກລະດັບ ເພື່ອໃຫ້ທຽບເທົ່າປະເທດເພື່ອນບ້ານ


ແມ່ ແລະເດັກ ຢູ່ທີ່ສຸກສາລາແຫ່ງນຶ່ງ ໃນບາງຂົງເຂດຂອງ ສປປ ລາວ.
ແມ່ ແລະເດັກ ຢູ່ທີ່ສຸກສາລາແຫ່ງນຶ່ງ ໃນບາງຂົງເຂດຂອງ ສປປ ລາວ.

ທີ່ຜ່ານມາ ພວກເຮົາມັກຈະໄດ້ຍິນຂ່າວ ກ່ຽວກັບການໃຊ້ບໍລິການດ້ານສາທາ ລະນະສຸກຂອງປະຊາຊົນລາວ ເຊິ່ງສ່ວນຫຼາຍ ສໍາລັບຜູ້ທີ່ມີເງື່ອນໄຂແດ່ ຈະພາກັນໄປໃຊ້ບໍລິການດ້ານນີ້ຢູ່ໃນປະເທດເພື່ອນບ້ານ, ເນື່ອງຈາກພວກເຂົາເຈົ້າເຊື່ອວ່າ ນັ້ນເປັນທາງເລືອກສຸດທ້າຍ, ດັ່ງທີ່ປະຊາຊົນລາວທ່ານນຶ່ງ ທີ່ອາໄສຢູ່ເມືອງສີໂຄດຕະບອງ ກໍາແພງນະຄອນຫຼວງວຽງຈັນ ກ່າວໃຫ້ VOA ຟັງວ່າ:

“ການປິ່ນປົວ ໃນໄລຍະທໍາອິດທີ່ລູກເຮົາປ່ວຍ ເຮົາກະເຊື່ອໝັ້ນໃຫ້ເພິ່ນປິ່ນປົວ, ແລ້ວຫຼັງຈາກນັ້ນເຮົາກໍເລີຍຕັດສິນໃຈກັບຄອບຄົວ ລົມກັນແລ້ວ ກໍເລີຍເອົາໄປປົວຢູ່ປະເທດໃກ້ຄຽງ, ມາທຽບໃສ່ໄລຍະນຶ່ງເດືອນທີ່ເພິ່ນໄປປົວ ຄືວ່າອາການຂອງເພິ່ນໄຄຂຶ້ນ ເລີ້ມດີຂຶ້ນເປັນລໍາດັບ, ແລ້ວເຮັດໃຫ້ເຮົາກັບຄືນມາເບິ່ງການປິ່ນປົວຂອງແພດໝໍບ້ານເຮົານີ້ ຖືວ່າຢາກໃຫ້ເພິ່ນຫັ້ນຍົກລະດັບຂຶ້ນຕື່ມອີກ ໃຫ້ມັນທຽບເທົ່າລະດັບຂອງສາກົນ.”

ເຖິງແມ່ນທາງພາກສ່ວນທີ່ກ່ຽວຂ້ອງຈະມີການຍົກລະດັບຄຸນນະພາບເລື້ອງການບໍລິການ ແລະໃຫ້ການອົບຮົມແກ່ບັນດາບຸກຄະລາກອນທັງຫຼາຍແລ້ວ, ແຕ່ບາງຄັ້ງ ເລື້ອງຄວາມສາມາດໃນດ້ານການປິ່ນປົວ ການເອົາໃຈໃສ່ ຫຼືໃສ່ໃຈໃນລາຍລະອຽດ ໂດຍສະເພາະເລື້ອງຄວາມສາມາດ ຍັງຕ້ອງການການພັດທະນາຫຼາຍ, ຖ້າບໍ່ດັ່ງນັ້ນແລ້ວ ສາທາລະນະສຸກພາຍໃນປະເທດເອງກໍຈະເສຍປຽບ ແລະຈະບໍ່ສາມາດກ້າວທັນປະເທດໃກ້ຄຽງໄດ້.

XS
SM
MD
LG