ລິ້ງ ສຳຫລັບເຂົ້າຫາ

ພວກມຸສລິມ ຫົວແຂງກະດ້າງ ປະທ້ວງ ຢູ່ນອກ ສຳນັກງານ ເຟສບຸກ ໃນ ອິນໂດເນເຊຍ


ພວກມຸສລິມຫົວແຂງກະດ້າງ ປະທ້ວງ ທີ່ສຳນັກງານເຟສບຸກ ໃນນະຄອນຫຼວງຈາກາຕ້າ ປະເທດອິນໂດເນເຊຍ. (12 ມັງກອນ 2018)

ຊາວມຸສລິມປະມານ 200 ຄົນ ໄດ້ໂຮມຊຸມນຸມກັນຢູ່ນອກສຳນັກງານໃຫຍ່ຂອງເຟສ
ບຸກ ທີ່ນະຄອນຫຼວງຈາກາຕ້າປະເທດອິນໂດເນເຊຍ ໃນວັນສຸກວານນີ້ເພື່ອປະທ້ວງ
ຕໍ່ການທີ່ອົງການສື່ສັງຄົມດັ່ງກ່າວ ຂັດຂວາງບໍ່ໃຫ້ຜູ້ຄົນເຂົ້າເຖິງເຟສບຸກຂອງກຸ່ມຫົວ
ຮຸນແຮງຈັດ ທີ່ມີການກ່າວຫາວ່າຊຸກຍູ້ໃຫ້ເກີດຄວາມກຽດຊັງນັ້ນ.

ການປະທ້ວງ ຊຶ່ງຈັດຕັ້ງກັນໂດຍກຸ່ມຫົວແຂງກະດ້າງແນວໂຮມປົກປ້ອງອິສລາມທີ່
ເອີ້ນຫຍໍ້ວ່າ FPI ພາກັນເດີນຂະບວນ ຈາກວັດອິສລາມແຫ່ງນຶ່ງໄປຍັງສຳນັກງານ
ໃຫຍ່ຂອງເຟສບຸກ ຊຶ່ງໄດ້ຖືກຂັດຂວາງໂດຍຕຳຫຼວດຫຼາຍໆຮ້ອຍຄົນ. ບາງຄົນພາ
ກັນຖືປ້າຍທີ່ອ່ານວ່າ “ຢ່າໄດ້ປະຫັດປະຫານຊາວມຸສລິມ” ແລະກະລຸນາຢ່າຕັດສິນ
ຖານະຂອງພວກເຮົາທາງເຟສບຸກ.”

ໂຄສົກຂອງກຸ່ມ FPI ທ່ານສລາເມ ມາຣີຟ ກ່າວວ່າ ພວກປະທ້ວງ ຢາກຮູ້ວ່າ ເປັນ
ຫຍັງເຟສບຸກຈຶ່ງຂັດຂວາງບັນຊີເຫຼົ່ານັ້ນໃນຂະນະທີ່ອະນຸຍາດໃຫ້ກຸ່ມອື່ນປະນາມ
ພວກຜູ້ນຳຂອງຕົນ ແລະສາສະໜາອິສລາມ​ ຢູ່ຕໍ່ມາ.

ທ່ານມາຣີບ ເວົ້າວ່າ “ພວກເຮົາຕ້ອງການຄວາມຍຸຕິທຳ ແລະບໍ່ໃຫ້ມີການຈຳແນກ
ກີດກັນອີກຕໍ່ໄປຕໍ່ບັນຊີຂອງກຸ່ມຫົວແຂງກະດ້າງອິສລາມ.”

ໂຄສົກຂອງເຟສບຸກ ຍານາງປູຕຣີ ອາຣີອານີ ກ່າວວ່າ ທາງບໍລິສັດໄດ້ອະນຸຍາດ
ໃຫ້ຜູ້ຖືບັນຊີ ໃຊ້ຕາໜ່າງດັ່ງກ່າວ ເພື່ອສະແດງການຄັດຄ້ານແລະສ້າງຄວາມຕື່ນ
ຕົວ ແຕ່ໄດ້ລຶບຂໍ້ຄວາມທີ່ຊຸກຍູ້ໃຫ້ເກີດຄວາມກຽດຊັງແລະຄວາມຮຸນແຮງ.

ອ່ານຂ່າວນີ້ຕື່ມເປັນພາສາອັງກິດ

ຄວາມເຫັນຂອງທ່ານ

ສະແດງຄວາມເຫັນໃຫ້ເບິ່ງ

XS
SM
MD
LG