ລິ້ງ ສຳຫລັບເຂົ້າຫາ

ວັນອາທິດ, ໐໓ ມີນາ ໒໐໒໔

ປະທານາທິບໍດີເຮຕີ ສາບານໂຕຮັບຕຳແໜ່ງ


ທ່ານ Michel Martelly ທີ່ຈະສາບານໂຕເຂົ້າເປັນປະທານາທິບໍດີຄົນໃໝ່ຂອງເຮຕີ ໃນວັນເສົາມື້ນີ້
ທ່ານ Michel Martelly ທີ່ຈະສາບານໂຕເຂົ້າເປັນປະທານາທິບໍດີຄົນໃໝ່ຂອງເຮຕີ ໃນວັນເສົາມື້ນີ້

ນັກດົນຕີ Michel Martelly ຈະສາບານໂຕ ເຂົ້າຮັບຕຳ
ແໜ່ງເປັນປະທານາທິບໍດີຄົນໃໝ່ຂອງເຮຕີໃນວັນເສົາມື້ນີ້.

ພິທີສາບານໂຕຈະມີຂຶ້ນຢູ່ຕໍ່ໜ້າທຳນຽບແຫ່ງຊາດ ທີ່ໄດ້
ຮັບຄວາມເສຍຫາຍ ຈາກໄພແຜ່ນດິນໄຫວ ຢູ່ທີ່ນະຄອນ
ຫຼວງ Port-Au-Prince.

ພວກທີ່ບໍ່ມີບ່ອນຢູ່ອາໄສ ຈຳນວນຫຼາຍພັນຄົນຍ້ອນໄພ
ແຜ່ນດິນໄຫວ ໃນເດືອນມັງກອນ ປີກາຍນີ້ ພ້ອມໆກັບ
ແຂກຜູ້ມີກຽດຄົນສຳຄັນໆ ຮວມທັງອະດີດປະທານາທິບໍ
ດີສະຫະລັດທ່ານ Bill Clinton ຊຶ່ງເປັນຜູ້ນຳພາຄະນະ
ຜູ້ແທນຂອງສະຫະລັດນັ້ນ ກໍຈະເຂົ້າຮ່ວມເປັນສັກຂີພະ
ຍານໃນພິທີສາບານໂຕເຂົ້າຮັບຕຳແໜ່ງຂອງ ທ່ານ Martelly.

ທ່ານ Martelly ຈະປະເຊີນກັບພາລະກິດໃນການບູລະ
ນະສ້າງສາໂຄງລ່າງພື້ນຖານຂອງເຮຕີ. ທ່ານຕ້ອງໄດ້ດຳ
ເນີນງານ ຮ່ວມກັບສະພາແຫ່ງຊາດ ທີ່ຄວບຄຸມໂດຍພັກ
ຝ່າຍຄ້ານ ຂອງປະທານາທິບໍດີທີ່ພວມຈະພົ້ນຈາກຕຳແໜ່ງທ່ານ Rene Preval.

ບັນດາປະເທດຕ່າງໆຍັງໂຈະການຊ່ອຍເຫຼືອຂອງຕົນຕໍ່ເຮຕີເປັນມູນຄ່າຫຼາຍພັນລ້ານໂດ
ລາຈົນກວ່າລັດຖະບານຊຸດໃໝ່ ສາມາດອອກນະໂຍບາຍແກ້ໄຂບັນຫາຄວາມທຸກຍາກທີ່
ຮ້າຍແຮງຂອງປະເທດ ໂຄງລ່າງພື້ນຖານທີ່ໄດ້ຮັບຄວາມເສຍຫາຍ ຈາກໄພແຜ່ນດິນໄຫວ ແລະການແຜ່ລະບາດຂອງໂຣກອະຫິວາ.

ເຮຕີໄດ້ດີ້ນຮົນ ເພື່ອທຳການບູລະນະສ້າງສາປະເທດ ລຸນຫຼັງທີ່ໄດ້ເກີດແຜ່ນດິນໄຫວທີ່
ເຮັດໃຫ້ມີຜູ້ເສຍຊີວິດຫຼາຍກວ່າ 200,000 ຄົນແລະອີກ 1 ລ້ານຄົນບໍ່ມີບ່ອນພັກພາອາ
ໄສ. ໃນເວລານີ້ ຍັງມີຫຼາຍຮ້ອຍພັນຄົນຍັງອາໄສຢູ່ຕາມຕູບຜ້າຕັ້ງໃນສູນຕ່າງໆ.

XS
SM
MD
LG