ອະດີດຈອມຜະເດັດການເຮຕີ ທ່ານ Jean-Claude
"Baby Doc" Duvalier ໄດ້ຮັບຮູ້ວ່າໃນໄລຍະທີ່ທ່ານ
ປົກຄອງປະເທດເປັນເວລາ 15 ປີນັ້ນ “ປະຊາຊົນໄດ້
ຖືກລອບສັງຫານ, ຖືກບີບຄໍໃຫ້ຕາຍ, ຖືກນຳໄປສອບ
ຖາມຂູ່ເຂັນ” ແລະກໍ “ຖືກຈູດເຜົາໂດຍຢາງຕີນລົດຜູກ
ໃສ່ຄໍ”
ທ່ານ Duvalier ກ່າວໃນວັນສຸກວານນີ້ວ່າ ທ່ານຮູ້ສຶກ
"ເສຍໃຈເປັນທີ່ສຸດ" ສຳລັບເພື່ອນຮ່ວມຊາດຂອງທ່ານ
ທີ່ຖືວ່າເຂົາເຈົ້າໄດ້ຕົກເປັນຜູ້ໄດ້ຮັບເຄາະຮ້າຍຢ່າງແທ້ຈິງ
ຈາກການປົກຄອງຂອງລັດຖະບານທ່ານ.
ທ່ານ Duvalier ໄດ້ເດີນທາງກັບຄືນໄປຍັງບ້ານເກີດ
ເມືອງນອນຂອງທ່ານແບບບໍ່ຄາດຝັນ ຫຼັງຈາກໄດ້ໄປ
ລີ້ໄພຢູ່ປະເທດຝຣັ່ງເປັນເວລາ 25 ປີ.
ທ່ານ ເວົ້າວ່າ ທ່ານກັບຄືນມາຍັງເຮຕີເພື່ອສະແດງຄວາມເປັນນໍ້ານຶ່ງໃຈດຽວກັບປະຊາຊົນ
ໃນປະເທດໃນຍາມທີ່ປະເທດປະສົບກັບຄວາມຫຍຸ້ງຍາກສັບສົນໃນຂະນະທີ່ເຮຕີພະຍາ
ຍາມຟື້ນໂຕຄືນຈາກໄພແຜ່ນດິນໄຫວຮ້າຍແຮງທີ່ເກີດຂຶ້ນໃນ ນຶ່ງປີກ່ອນໜ້ານີ້.
ພວກເຈົ້າໜ້າທີ່ເຮຕີ ໄດ້ເລີ້ມທຳການສອບສວນເບິ່ງໂທດກຳທີ່ໄດ້ກໍ່ຂຶ້ນໃນໄລຍະທີ່ທ່ານ
Duvalier ປົກຄອງປະເທດຢູ່. ພວກເຈົ້າໜ້າທີ່ໃນເຮຕີ ໄດ້ກ່າວຫາທ່ານວ່າມີຄວາມຜິດ
ໃນຖານສໍ້ລາດບັງຫລວງ ແລະຍັກຍອກເງິນຫລວງ, ພ້ອມດຽວກັນນັ້ນ ຊາວເຮຕີຫລາຍ
ຄົນກໍໄດ້ດຳເນີນການຟ້ອງຮ້ອງທາງກົດໝາຍ ໃນຂໍ້ຫາວ່າທ່ານໄດ້ລະເມີດສິດທິມະນຸດ
ໃນໄລຍະທີ່ທ່ານໄດ້ປົກຄອງຢູ່ນັ້ນ.
