ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ໂຣກອະຫິວາທີ່ Haiti ເຮັດໃຫ້ 2600 ຄົນ ລົ້ມປ່ວຍ


ພວກແມ່ຍິງພາກັນເອົາຜ້າອັດປາກແລະອັດດັງ ໃນຂະນະທີ່ລໍຖ້າເອົາລູກ ທີ່ມີອາການຕິດໂຣກອະຫິວາ ເຂົ້າປິ່ນປົວໃນໂຮງໝໍ, ວັນທີ 23 ຕຸລາ 2010.
ພວກແມ່ຍິງພາກັນເອົາຜ້າອັດປາກແລະອັດດັງ ໃນຂະນະທີ່ລໍຖ້າເອົາລູກ ທີ່ມີອາການຕິດໂຣກອະຫິວາ ເຂົ້າປິ່ນປົວໃນໂຮງໝໍ, ວັນທີ 23 ຕຸລາ 2010.

ບັນດາພະນັກງານສາທາລະນະສຸກ​ໃນ Haiti ແລະບັນ
ດາກຸ່ມຊ່ອຍເຫລືອດ້ານມະນຸດສະທໍາ ກໍາລັງຕໍ່ສູ້ກັບການ
ລະບາດຂອງໂຣກອະຫິວາເທື່ອທໍາອິດໃນເຂດຊົນນະບົດ ຂອງ Haiti ໃນຮອບນຶ່ງສັດຕະວັດ.

ພວກພະນັກງານເຫລົ່ານີ້ຫວັງວ່າ ຈະຄວບຄຸມບໍ່ໃຫ້ພະ
ຍາດດັ່ງກ່າວ ລະບາດໄປເຖິງຄ້າຍອົບພະຍົບທີ່ເປິະເປື້ອນ
ແຫ່ງຕ່າງໆຂອງພວກທີ່ລອດຊີວິດຈາກໄພແຜ່ນດິນໄຫວ ໃນນະຄອນຫລວງ Port-au-Prince ນັ້ນ.

ບັນດາເຈົ້າໜ້າທີ່ສາທາລະນະສຸກກ່າວວ່າ ຈໍານວນຜູ້ເສຍ
ຊີວິດຍ້ອນການລະບາດຂອງໂຣກດັ່ງກ່າວ ມີຢ່າງນ້ອຍ 208 ຄົນແລ້ວ ຮວມທັງນັກໂທດໃນຄຸກ 50 ຄົນ.

ເຈົ້າໜ້າທີ່ກ່າວວ່າ ມີຄົນລົ້ມປ່ວຍໄປແລ້ວຫລາຍກວ່າ
2600 ຄົນ ຊຶ່ງສ່ວນຫລາຍ​ແມ່ນ​ຢູ່ໃນຂົງເຂດ Artibonite ໃນພາກກາງຂອງ Haiti.
ມີການສົງໄສກັນວ່າ ແມ່ນໍ້າທີ່ເປິະເປື້ອນເປັນພິດສາຍ​ນຶ່ງ ເປັນແຫລ່ງທີ່ມາຂອງການ ລະບາດຂອງພະຍາດດັ່ງກ່າວ.

ບັນດາເຈົ້າໜ້າທີ່ສາທາລະນະສຸກຢ້ານວ່າ ການລະບາດຢ່າງແຜ່ຫລາຍໃນນະຄອນຫລວງ
ຈະເປັນໄພຫາຍະນະສໍາລັບປະຊາຊົນຫລາຍແສນຄົນ ທີ່ຂາດບ່ອນເພິ່ງພາອາໄສ ຍ້ອນໄພ
ແຜ່ນດິນໄຫວໃນເດືອນມັງກອນຜ່ານ​ມາ ຊຶ່ງເວລານີ້ກໍາລັງພາກັນອາໄສຢູ່ໃນສູນອົບພະຍົບ ທີ່ຂາດອະນາໄມນັ້ນ.

ບັນດາເຈົ້າໜ້າທີ່ສາທາລະນະສຸກໄດ້ຢືນຢັນວ່າ ມີຄົນເປັນໂຣກອະຫິວາ 5 ລາຍ​ແລ້ວ ໃນ
ນະຄອນຫລວງ Port-au-Prince ​ແຕ່ເຂົາເຈົ້າກ່າວວ່າ ພວກຄົນເຫລົ່ານີ້​ໄດ້ຕິດເຊື້ອໂຣກ
ດັ່ງກ່າວໃນເຂດ Artibonite ກ່ອນແລ້ວ ​ກ່ອນເດີນທາງໄປຍັງເມືອງຫລວງ ​ແລະພາກັນ ລົ້ມປ່ວຍລົງ.

XS
SM
MD
LG