ລິ້ງ ສຳຫລັບເຂົ້າຫາ

ການປະທ້ວງຕໍ່ຕ້ານ ສປຊ ໃນເຮຕີ

  • ໄພສານ ວໍຣະຈັກ

ແມ່ຍິງຄົນນຶ່ງ ອັດໜ້າບໍ່ຢາກຫາຍໃຈເອົາຄວັນ ຈາກການຈູດຢາງລົດ ຂອງພວກປະທ້ວງທີ່ເມືອງ Port-au-Prince (15 ພະຈິກ 2010)

ມີຜູ້ເສຍຊີວິດຢ່າງນ້ອຍ 1 ຄົນ ທີ່ປະເທດເຮຕີ ໃນການ
ປະທ້ວງຢ່າງຮຸນແຮງຕໍ່ຕ້ານກຳລັງຮັກສາສັນຕິພາບຂອງ
ອົງການສະປະຊາຊາດທີ່ພວກປະທ້ວງໄດ້ຖິ້ມໂທດໃສ່ວ່າ
ເປັນສາເຫດພາໃຫ້ເກີດການລະບາດຂອງໂຣກອະຫິວາ.

ມີຜູ້ປະທ້ວງຄົນນຶ່ງຖືກຍິງຕາຍ ໂດຍກຳລັງຮັກສາສັນຕິ
ພາບສະຫະປະຊາຊາດໃນວັນຈັນວານນີ້ທີ່ເມືອງ Quar
tier-Morin ໃກ້ໆເມືອງ Cap-Haitien ຫົວເມືອງໃຫຍ່
ສຸດອັນດັບ 2 ຂອງເຮຕີ.

ກຳລັງຮັກສາສັນຕິພາບຂອງອົງການສະຫະປະຊາຊາດຈາກເນປາລ ທີ່ພວກເດີນຂະບວນ
ໄດ້ຖິ້ມໂທດໃສ່ວ່າເປັນຜູ້ນຳເອົານໍ້າທີ່ມີເຊື້ອອະຫິວາມາສູ່ເຮຕີບ່ອນທີ່ມີ 917 ຄົນໄດ້ເສຍ
ຊີວິດ ແລະຫຼາຍກວ່າ 14,000 ຄົນ ໄດ້ລົ້ມປ່ວຍ ແລະເຂົ້າຮັບການພະຍາບານ ຢູ່ທີ່ໂຮງ
ໝໍນັບແຕ່ມີລາຍງານເປັນເທື່ອທຳອິດວ່າໂຣກອະຫິວາໄດ້ລະບາດ.

ໜ່ວຍປະຕິບັດງານຂອງອົງການສະຫະປະຊາຊາດໃນເຮຕີກ່າວວ່າ ການປະທ້ວງທີ່ວ່ານີ້
ໄດ້ຈັດໃຫ້ມີຂຶ້ນ ໂດຍພວກຍຸແຍ່ທາງການເມືອງ ກ່ອນໜ້າການເລືອກຕັ້ງປະທານາທິບໍດີ
ແລະລັດຖະສະພາໃນວັນທີ 28 ເດືອນນີ້.

ຫົວໜ້າປະສານງານທາງດ້ານມະນຸດສະທຳຂອງອົງການສະຫະປະຊາຊາດທ່ານ Nigel
Fisher ກ່າວຕໍ່ພວກ ນັກຂ່າວໃນມື້ວັນຈັນວານນີ້ວ່າ ໂຣກອະຫິວາໄດ້ຖືກກວດພົບຢູ່ໃນ
ທຸກໆແຂວງຂອງເຮຕີ.

XS
SM
MD
LG