ສານອາຍານາໆຊາດ ພິຈາລະນາ ຈະດຳເນີນຄະດີ ອະດີດ ຜູ້ບັນຊາການ ກຳລັງຕໍ່ຕ້ານ ຂອງພະເຈົ້າ ຫຼືບໍ່

ສານ​ອາຍາ​ນາໆ​ຊາດ ເລີ້ມ​ຮັບ​ຟັງ​ຄຳໃຫ້ການເປັນ​ເວລາ​ຫຼາຍໆ​
ມື້ໃນ​ວັນພະຫັດ​ມື້​ນີ້ ​ເພື່ອ​ພິຈາລະນາ​ເບິ່ງວ່າ ຕົນ​ຄວນ​ຈະສືບ​ຕໍ່
ດຳ​ເນີນ​ຄະດີ​ ຜູ້​ບັນຊາ​ການກອງ​ກຳລັງ​ຕໍ່ຕ້ານ​ ຂອງ​ພະເຈົ້າ ຫຼື
Lord’s Resistance Army ທ່ານ Dominic Ongwen ຫຼືບໍ່.

ທ່ານ​ໄດ້​ປະ​ເຊີນ​ໜ້າ​ກັບ​ຂໍ້​ຫາ 70 ກະ​ໂທ​ງ ​ໃນ​ການ​ກໍ່​ອາຊະ​ຍາ​ກຳ​ສົງຄາມ ​ແລະ​ກໍ່​ໂທດ​ກຳ ຕ້ານມະນຸດສະທຳ ຮວມທັງການ​ສັງຫານ ການຈັບ​ມາ​ເປັນຂ້າ​ທ​າດ ການປຸ້ນ​ສະດົມ ​ແລະ​ການທໍລະ​ມານ​ພົນລະ​ເຮືອນ​ນຳ. ຫຼັງ​ຈາກໄດ້​ຮັບ​ຟັງ​ຄຳ​ຖະ​ແຫຼງຂອງຄະນະໄອ​ຍະ​ການ​ແລະ​ຄຳ​ໃຫ້ການ​ຂອງທະນາຍຄວາມ​ຝ່າຍ​ຈຳ​ເລີຍ ​ຊຶ່ງ​ຄາດ​ວ່າຈະ​ໃຊ້​ເວລາ​ປະມານ 5 ມື້ນັ້ນ ຜູ້​ພິ ພາກສາ​ ຈຶ່ງຈະຕັດສິນ​ວ່າ ມີ​ຫຼັກ​ຖານ​ພຽງພໍ​ຫຼືບໍ່ ທີ່​ຈະ​ດຳ​ເນີນ​ຄະດີ​ຄວາມຜູ້ກ່ຽວ. ​

ທ່ານ Ongwen ​ໄດ້​ເຂົ້າ​ມອບ​ຕົວ ນຶ່ງ​ປີ​ມາແລ້ວ ຕໍ່​ກອງ​ກຳລັງ​ພິ​ເສດຂອງ​ສະຫະລັດ ​ໃນ​ສາທາລະນະ​ລັດ ອາ​ຟຣິກາ​ກາງ ​ເຮັດ​ໃຫ້ການ​ດຳ​ເນີນ​ຄວາມ​ພະຍາຍາມມາ​ເປັນ 10 ປີ​ທີ່​ຈະເອົາ​ຜູ້ກ່ຽວ​ມາ​ດຳ​ເນີນ​ຄະດີລົງ​ໂທດ ກ່ຽວ​ກັບ​ການ​ກໍ່​ໂທດ​ກຳ​ຂອງກຳລັງ​ຕໍ່ຕ້ານ​ຂອງ​ພະ ​ເຈົ້າຫຼື Lord’s Resistance Army ສິ້ນສຸດ​ລົງ. ກຸ່ມ​ດັງ​ກ່າວໄດ້​ຖືກ​ກ່າວ​ຫາວ່າ ສັງຫານ ​ແລະ​ລັກ​ພາ​ຕົວປະຊາຊົນຫຼາຍສິບ​ພັນ​ຄົນ ​ໃນທົ່ວ​ປະ​ເທດ Uganda ​ແລະ 3 ປະ​ເທດ​ໃກ້​ຄຽງ ​ໃນ​ຮອບ 30 ປີທີ່​ຜ່ານ​ມານີ້.

ກຸ່ມ​ສິດທິ​ມະນຸດ Human Right Watch ​ໄດ້​ກ່າວ​ວ່າ ຂັ້ນ​ຕອນ​ການ​ພິຈາລະນາ​ຄະດີ​ໃນ
​ໃນ​ວັນ​ພະຫັດ​ມື້ນີ້ ເປັນ​ບາດກ້າວ​ສຳຄັນ ​ໃນ​ການ​ນຳເອົາ​ຕົວ​ຜູ້​ກໍ່​ການມາ​ລົງ​ໂທດ ​ກ່ຽວ​ກັບ ​ໂທດ​ກຳ​ຕ່າງໆ ທີ່​ຜູ້ກ່ຽວ​ໄດ້​ກະທຳ ໃນຢູການ​ດາ.