ສານສາກົນ ທີ່ນະຄອນ Hague ໄດ້ຕັດສິນຄັດຄ້ານຕໍ່ຈີນ ແລະ
ເຫັນພ້ອມກັບ ຟິລິບປີນ ໂດຍຕົກລົງທີ່ຈະຮັບຟັງຄະດີ ທີ່ໄດ້ຍື່ນ
ໂດຍມະນີລາ ກ່ຽວກັບບັນຫາໂຕ້ແຍ້ງ ທີ່ມີມາເປັນເວລາດົນ
ນານ ເລື້ອງເຂດນໍ້າແດນດິນ ຢູ່ທະເລຈີນໃຕ້.
ສານຖາວອນທີ່ຕັດສິນຊີ້ຂາດ ໄດ້ລົງຄວາມເຫັນໃນວັນພະຫັດ
ວານນີ້ ກ່ຽວກັບຄະດີທີ່ພົວພັນກັບການຕົກລົງກັນບໍ່ໄດ້ ໃນການ
ຕີຄວາມໝາຍຂອງສັນຍາສະຫະປະຊາຊາດ ກ່ຽວກັບກົດໝາຍ
ທາງທະເລ (UNCLOS) ຊຶ່ງເປັນຄຳຖາມທີ່ກ່ຽວກັບວ່າ ສານຍຸ
ຕິທຳໃດ ມີສິດອຳນາດໃນການຕັດສິນເລື້ອງດັ່ງກ່າວ.
ຈີນ ກ່າວອ້າງວ່າ ການໂຕ້ແຍ້ງໄດ້ເນັ້ນໜັກເປັນການສະເພາະ ກ່ຽວກັບເລື້ອງ ອະທິປະໄຕ
ເໜືອບັນດາໝູ່ເກາະ ໃນທະເລຈີນໃຕ້ ຊຶ່ງເປັນບັນຫາວ່າ ສານບໍ່ໄດ້ມີສິດອຳນາດນັ້ນ. ນັກ
ການທູດອາວຸໂສຈີນຄົນໜຶ່ງ ໃນວັນສຸກມື້ນີ້ ໄດ້ປະກາດ ກ່ຽວກັບທ່າທີຂອງປັກກິ່ງຄືນໃໝ່
ວ່າ ຈະບໍ່ເຂົ້າຮວມໃນຄະດີນີ້ ຫລືບໍ່ຮັບເອົາຜົນຂອງການຕັດສິນຂອງສານ.
ຫົວໜ້າຄະດີທະນາຍຄວາມ ຟິລິບປີນ ທ່ານ Florin Hilbay ໄດ້ຍິນດີຕໍ່ການຕັດສິນຂອງ
ສານ ແລະຮ້ອງວ່າ “ເປັນບາດກ້າວທີ່ສຳຄັນໄປໜ້າໃນການຊອກຫາຊ່ອງທາງຂອງ ຟິລິບ
ປີນ ເພື່ອແກ້ໄຂແບບສັນຕິ ບໍ່ເຂົ້າຂ້າງອອກຂາຕໍ່ບັນຫາຂັດ ແຍ້ງລະຫວ່າງພັກຝ່າຍ ແລະ
ໃຫ້ຄວາມກະຈ່າງແຈ້ງຕໍ່ສິດທິຂອງເຂົາເຈົ້າພາຍໃຕ້ ສົນທິສັນຍາ UNCLO.”
ວໍຊິງຕັນ ກໍໄດ້ສະແດງຄວາມຍິນດີ ຕໍ່ການຕັດສິນຂອງສານ ອີງຕາມເຈົ້າໜ້າທີ່ ຂັ້ນສູງຄົນ
ນຶ່ງຂອງກະຊວງປ້ອງກັນປະເທດສະຫະລັດ.
