ລິ້ງ ສຳຫລັບເຂົ້າຫາ

ທ່ານ Hagel ເຕືອນສະພາ ກ່ຽວກັບ ການປິດ ລັດຖະບານ (ວີດີໂອ)


ທ່ານ Chuck Hagel ລມຕ ປ້ອງກັນປະເທດສະຫະລັດ ວ່າ ການປິດກິດຈະການລັດຖະບານ ຖືວ່າຂາດຄວາມຮັບຜິດຊອບຢ່າງຮ້າຍແຮງ
ທ່ານ Chuck Hagel ລັດຖະມົນຕີ​ປ້ອງ​ກັນ​ປະ​ເທດ​ສະຫະລັດ ​ເຕືອນ​ບັນດາ​ສະມາຊິກ​ສະພາ ​ທີ່​ລົງ​ຄະ​ແນນ​ສຽງ​ເມື່ອ​ຕອນເຊົ້າ ມືດວັນ​ອາທິດ​ມື້​ນີ້​ ທີ່​ເຮັດ​ໃຫ້​ລັດຖະບານ​ເຄື່ອນ​ໃກ້​ເຂົ້າ​ໄປຫຼາຍຂຶ້ນ ທີ່​ຈະ​ປິດ​ກິດຈະການ​ລົງ ກ່ຽວ​ກັບ​ຜົນ​ຮັບ​ຂອງ​ການ​ເຄຶ່ອນ​ໄຫວ​ຂອງ​ເຂົາ​ເຈົ້ານັ້ນ ​ໂດຍ​ກ່າວ​ວ່າ ຖ້າຫາກ​ວ່າ ການ​ປະ​ເຊີນ​ໜ້າ​ກັນ​ ຢູ່ໃນ​ລັດຖະສະພາ​ຍັງ​ດຳ​ເນີນ​ຕໍ່​ໄປ​ແລ້ວ ສະຫະລັດ ​ຈະ​ກາຍ​ເປັນ​ປະ​ເທດ​ທີ່​ປົກຄອງ​ກັນ​ບໍ່​ໄດ້.

ບັນດາ​ສະ​ມາ​ຊິກ​ສະພາ​ ສັງກັດພັກຣີພັບ​ບລິ​ກັນໄດ້​ທວງ​ໃຫ້ເລື່ອນເວລາ​ໃນ​ການຈັດຕັ້ງ ປະຕິບັດ​ໂຄງການ​ຮັກສາ​ສຸ​ຂະ​ພາບ​ ຂອງ​ປະທານາທິບໍດີ​ໂອ​ບາ​ມ​າ ອອກ​ໄປ​ນຶ່ງ​ປີ ເພື່ອ ແລກ​ກັບ​ການ​ອະນຸມັດ​ງົບປະມານ ໃຫ້​ເງິນ​ສະໜັບສະໜຸນ​ ການປະຕິບັດ​ການຂອງ​ລັດ ຖະບານ.

ທ່ານ Hagel ອະດີດ​ສະມາຊິກ​ສະພາ​ສູງ​ພັກຣີພັບ​ບລິ​ກັນ ຈາກ​ລັດ Nebraska ​ເວົ້າ​ກັບ​ພວກ​ນັກ​ຂ່າວ​ ເວ​ລາ​ກໍາລັງ​ເດີນທາງ​ໄປ​ຍັງ​ກຸງ​ໂຊ​ລ ​ເກົາຫຼີ​ໃຕ້ ​ເພື່ອເຂົ້າຮ່ວມວັນ​ຄົບຮອບ 6​0 ປີ​ ​ໃນ​ການ​ສ້າງຕັ້ງ​ພັນທະມິດ ດ້ານ​ປ້ອງ​ກັນ​ປະ​ເທດ​ລະຫວ່າງ​ສະຫະລັດ​ແລະ​ເກົາຫຼີ​ໃຕ້​ ຊຶ່ງ​ທ່ານ Hagel ​ເວົ້າ​ວ່າ ທ່ານ​ບໍ່​ພໍ​ໃຈ​ປານ​ໃດ​ກັບຍຸດ​ທະ​ສາດການ​ເມືອງ​ສະພາຕໍ່າ​ພັກຣີພັບ​ບລິກັນ ທີ່​ມອງ​ເຫັນ​ການໃກ້​ ຢ່າງ​ເປັນ​ອັນຕະລາຍ​ນັ້ນ.

ຝ່າຍ​ທໍານຽບຂາວ ກໍ​ເວົ້າ​ວ່າ ຕົນ​ຈະ​ໃຊ້​ສິດ​ຍັບ​ຍັ້ງ ຫຼືວີ​ໂຕ້​ຮ່າງ​ກົດໝາຍ​ດັ່ງກ່າວຂອງ​ພັກຣີພັບ​ບລິ​ກັນ.

​ຂະນະ​ດຽວ​ກັນ ບັນດາສະມາຊິກ​ສະພາ​ຕໍ່າ ​ກໍໄດ້ອະນຸມັດ​ມາດ​ຕະການ​ນຶ່ງ ​ເພື່ອສືບ​ຕໍ່​ຈ່າຍ​ເງິນໃຫ້​ແກ່ພວກ​ທະຫານ ຖ້າ​ຫາກ​ລັດຖະບານ​ປິດ​ຈິດຈະ​ການ​ລົງ. ​ແຕ່​ແນວ​ໃດ​ກໍ​ດີ ປະມານ​ເຄິ່ງນຶ່ງ ຂອງ​ພວກ​ຄົນ​ງາ​ນພົນລະ​ເຮືອນ 800,000 ຄົນ ຂອງ​ກະຊວງຈະ​ຖືກ​ຈັດ​ຢູ່​ໃນ​ບັນຊີ​ພັກ ບໍ່​ໄດ້​ເງິນ ຖ້າ​ຫາກ​ສະພາ​ ບໍ່​ສາມາດ​ຕົກລົງ​ກັນ​ໄດ້​ໃນເລື່ອງງົບປະມາ​ນ​ໃໝ່ ​ເວລາ​ງົບປະມານ​ປີ​ສິ້ນ​ສຸດ​ລົງ ​ໃນ​ວັນ​ຈັນ​ມື້​ອື່ນ​ນີ້.

ອົງການ​ຕ່າງໆ​ຂອງ​ລັດຖະບານ​ກາງ ​ໄດ້​ຕຽມ​ວາງ​ແຜນອະນຸຍາດ​ໃຫ້ພວກ​ພະນັກງານ​ທີ່​ບໍ່​ຖືກ​ຈັດ​ຢູ່ໃນ​ໜ້າ​ທີ່​ຈໍາ​ເປັນ ພັກ​ການ​ໄດ້ ​ເລີ່​ມ​ແຕ່​ວັນ​ອັງຄານ​ເປັນ​ຕົ້ນ​ໄປ ຊຶ່ງ​ເປັນມື້​ທໍ​າອິດ​ຂອງ​ງົບປະມານ​ປີ 2014 ​ຍົກ​ເວັ້ນ​ແຕ່​ມີການ​ລົງ​ຄະ​ແນນ​ສຽງ ​ຂອງ​ທັງ​ສອງ​ສະພາ​ ​ເພື່ອ​ອະນຸມັດ​ງົບປະມານ​ໃຫ້​ເງິນ​ລັດ​ຖະບານໃຊ້ຈ່າຍ ກາຍຕອນ​ແລງວັນ​ຈັນ​ໄປນັ້ນ.

XS
SM
MD
LG