ລິ້ງ ສຳຫລັບເຂົ້າຫາ

ວັນສຸກ, ໒໔ ພຶດສະພາ ໒໐໒໔

ຍົນຕົກ ທີ່ Guyana


ຍົນສາຍການບິນ Caribbean Airlines ປະສົບອຸບັດເຫດ ທີ່ເດີນຍົນ ນານາຊາດ Cheddi Jagan ປະເທດ Guyana ເມື່ອຕອນເດິກວັນເສົາ ທີ່ 30 ກໍລະກົດນີ້.
ຍົນສາຍການບິນ Caribbean Airlines ປະສົບອຸບັດເຫດ ທີ່ເດີນຍົນ ນານາຊາດ Cheddi Jagan ປະເທດ Guyana ເມື່ອຕອນເດິກວັນເສົາ ທີ່ 30 ກໍລະກົດນີ້.

ຍົນໂດຍສານຂອງສາຍການບິນ Caribbean Airlines ລໍານຶ່ງ ປະສົບອຸບັດເຫດເວລາ ແລ່ນລົງເດີ່ນທີ່​ປະ​ເທດ​ໄກ​ຢານາ (Guyana) ​ໃນ​ຕອນ ກ່ອນຂ້ອນແຈ້ງເມື່ອວັນເສົາວານນີ້ ແຕ່ຜູ້ໂດຍສານທັງ​ໝົດ 163 ຄົນ ໜີອອກຈາກຍົນມາໄດ້ ​ໂດຍ​ບໍ່​ໄດ້​ຮັບ​ບາດເຈັບສາຫັດ​ແຕ່​ຢ່າງ​ໃດ.

ພວກເຈົ້າໜ້າທີ່ກ່າວວ່າ ຍົນໄອພົ່ນໂດຍສານລໍາດັ່ງກ່າວໄດ້ແລ່ນເຈືອກ ກາຍທາງ​ແລ່ນອອກ​ໄປ ຍ້ອນຝົນຕົກ ທີ່ສະໜາມບິນນານາຊາດ Cheddi Jagan ຂອງເມືອງ Georgetown. ຍົນໄອພົ່ນໂບອິ້ງ 737 ລໍາ​ນັ້ນ ໄດ້ ແລ່ນ​ໄປ​ຢຸດຢູ່ທົ່ງ​ ໃກ້ໆ​ແຄມ​ເຫວ ທີ່ເລິກ 60 ແມດ ​ແລ້ວແຕກຫັກອອກ ເປັນສອງປ່ຽງ.

ພວກນັກສືບສວນສອບສວນຈາກສະຫະລັດແລະ​ໄກຢານາ ຈະກວດ​ເບິ່ງຂໍ້ມູນກ່ຽວ​ກັບຖ້ຽວບິນ ແລະຟັງເຄຶ່ອງອັດສຽງ ເພື່ອວິເຄາະເຖິງສາເຫດທີ່ພາ ໃຫ້ຍົນດັ່ງກ່າວປະສົບອຸບັດເຫດນັ້ນ.

ຖ້ຽວບິນ 523 ໄດ້ບິນອອກຈາກນີວຢ໊ອກ ແລະລົງຢຸດແວ່ເປັນເວລາສັ້ນໆທີ່ເກາະ Trinidad ກ່ອນ​ເດີນທາງ​ໄປເມືອງຫລວງຂອງ​ໄກຢານາ.

ປະທານາທິບໍດີ Bharrat Jagdeo ຂອງ​ໄກຢານາ ໄດ້ເດີນທາງ​ໄປຍັງສະໜາມບິນບ່ອນ ເກີດເຫດ ແລະກ່າວວ່າ ທ່ານຮູ້ສຶກຂອບອົກ​ຂອບໃຈ ແລະປື້ມໃຈຫລາຍທີ່ບໍ່ມີຜູ້ໃຜເສຍ ຊີວິດ.

ພວກເຈົ້າໜ້າທີ່ກ່າວວ່າ ການກູ້ໄພ​ໄດ້ດໍາເນີນໄປຢ່າງລໍາບາກ​ຍ້ອນຝົນຕົກ ແລະຄວາມມືດ. ພວກໂດຍສານບາງຄົນໄດ້ຖືກສົ່ງໄປປິ່ນປົວຢູ່ໂຮງໝໍ ​ໃກ້ໆບ່ອນເກີດເຫດ ແຕ່ອາກາ​ນບາດ ເຈັບສາຫັດທີ່​ສຸດນັ້ນ ​ເບິ່ງ​ຄື​ວ່າ​ເປັນ​ພຽງຂາຫັກ.

XS
SM
MD
LG