ແຫລ່ງຂ່າວ ຈາກບັນດາເຈົ້າໜ້າທີ່ ແລະໂຮງໝໍ ແຈ້ງວ່າ ການ
ໂຈມຕີດ້ວຍອາວຸດປືນແລະລະເບີດ ທີ່ມະຫາວິທະຍາໄລແຫ່ງ
ນຶ່ງຢູ່ທາງພາກ ຕາເວັນຕົກສຽງເໜືອ ຂອງປາກິສຖານ ໃນວັນ
ພຸດມື້ນີ້ ເຮັດໃຫ້ມີຜູ້ເສຍຊີວິດ ຢ່າງໜ້ອຍ 25 ຄົນ ແລະ ໄດ້ຮັບ
ບາດເຈັບຫລາຍສິບຄົນ.
ເຈົ້າໜ້າທີ່ກ່າວວ່າ ພວກກໍ່ການຮ້າຍກຸ່ມນຶ່ງຈຳນວນ 4 ຄົນໄດ້
ບຸກເຂົ້າໄປໃນມະຫາວິທະຍາໄລ Bacha Khan ຢູ່ໃນເມືອງ
Charsadda ປະມານ 9 ໂມງເຊົ້າແລະໄດ້ເປີດສາກລະດົມຍິງ
ເຂົ້າໃສ່ພວກນັກສຶກສາແລະອາຈານສອນ ຢູ່ທີ່ນັ້ນ.
ຮອງຜູ້ບັນຊາການຕຳຫລວດປະຈຳຂົງເຂດ ທ່ານ Saeed Wazir Khan ກ່າວວ່າ ຢ່າງ
ໜ້ອຍມີຜູ້ວາງລະເບີດສະລະຊີບສອງຄົນ ຮວມຢູ່ໃນພວກທີ່ທຳການໂຈມຕີ.
ໂຄສົກຂອງກຸ່ມຕາລິບານໃນປາກິສຖານ ທ້າວ Mohammad Kho-rasani ກ່າວວ່າ ກຸ່ມ
ດັ່ງກ່າວບໍ່ມີສ່ວນພົວພັນໃດໆກັບການໂຈມຕີ ທີ່ ມະຫາວິທະຍາໄລ ແລະກ່າວເພີ້ມອີກວ່າ
ບໍ່ມີສະຖາບັນ ທີ່ບໍ່ແມ່ນທະ ຫານໃດໆຢູ່ໃນລາຍຊື່ເປົ້າໝາຍຂອງການໂຈມຕີ. ຢູ່ໃນຖະ
ແຫລງການທີ່ສົ່ງມາໃຫ້ວີໂອເອນັ້ນ ທ້າວ Khorasani ໄດ້ປະກາດກ່ຽວກັບການໂຈມຕີ
ໃນວັນພຸດມື້ນີ້ວ່າແມ່ນຂັດຕໍ່ກົດໝາຍ ‘Shariah ຂອງອິສລາມ.”
ໂຄສົກກອງທັບປາກິສຖານ ທ່ານ Asim Bajwa ກ່າວວ່າ ກອງທະ ຫານ ຮວມທັງໜ່ວຍ
ກ້າຕາຍ ໄດ້ສັງຫານຜູ້ໂຈມຕີສີ່ຄົນ ແລະພວມທຳ ການປະຕິບັດງານກວດຄົ້ນ ເປັນ
ເຂດໆໄປ ຢູ່ໃນມະຫາວິທະຍາໄລດັ່ງ ກ່າວ.
