ຂະນະນີ້ ກໍາລັງຮັກສາຄວາມປອດໄພເຄນຢາ ກໍາລັງສືບຕໍ່ປະຕິບັດງານ ເພື່ອຈັບກຸມພວກມືປືນ ທີ່ໄດ້ຍິງສັງຫານ ຢ່າງໜ້ອຍ 59 ຄົນແລະບາດ ເຈັບອີກຫຼາຍກວ່າ 175 ຄົນ ຢູ່ທີ່ສູນການຄ້າ ທີ່ແອອັດແຫ່ງນຶ່ງ ໃນນະ ຄອນຫຼວງໄນໂຣບີ ປະເທດເຄັນຢາ ນັ້ນ.
ບັນດາເຈົ້າໜ້າທີ່ເຄັນຢາເວົ້າວ່າ ການປະຕິບັດການເພື່ອຈັບກຸມ ພວກມືປືນ ແລະຊ່ວຍ ພວກທີ່ຖືກຈັບເປັນຕົວປະກັນທີ່ຍັງບໍ່ຮູ້ວ່າມີຈັກຄົນນັ້ນ ຍັງດໍາເນີນຕໍ່ໄປ ໃນຕອນທ່ຽງຂອງວັນອາທິດມື້ນີ້ ພາຍໃນບໍລິເວນສູນການ ຄ້າ Westgate ຄືປະມານ 24 ຊົ່ວໂມງ ຫຼັງຈາກການໂຈມຕີດັ່ງກ່າວ ເລີ້ມຂຶ້ນ.
ລັດຖະມົນຕີກະຊວງພາຍໃນຂອງເຄນຢາ ທ່ານ Joseph Ole Lenku ກ່າວວ່າ ມາຮອດເວລານີ້ ມີຫລາຍກວ່າ 1,000 ຄົນ ໄດ້ຖືກຊ່ວຍອອກ ມາໄດ້ຈາກສູນການຄ້າດັ່ງ ກ່າວ ແລະເອີ້ນສະຖານະການວ່າ ຫຼໍ່ແຫຼມຫຼາຍ.
ທ່ານເວົ້າວ່າ ເຈົ້າໜ້າທີ່ເຊື່ອວ່າ ມີພວກໂຈມຕີລະຫວ່າງ 10 ຫາ 15 ຄົນ ພົວພັນນຳເຫດຮ້າຍຄັ້ງນີ້ ແລະກ່າວວ່າ ພວກເຂົາຈະຖືກລົງໂທດຢ່າງໜັກ ຕາມຂອບເຂດຂອງກົດໝາຍ.
![ພາບ ການໂຈມຕີ ສູນການຄ້າ ຢູ່ ເຄນຢາ]()
Photo Gallery:
ກຸ່ມກໍ່ການຮ້າຍ al-Shabab ຂອງໂຊມາເລຍ ໄດ້ອ້າງເອົາຄວາມຮັບຜິດຊອບ ໃນການໂຈມຕີນີ້ແລ້ວ ໂດຍກ່າວວ່າ ເປັນການໂຈມຕີເພື່ອແກ້ແຄ້ນ ຕໍ່ການແຊກແຊງທະຫານຂອງເຄັນຢາໃນໂຊມາເລຍ. ໂຄສົກຂອງກຸ່ມ al-Shabab ເວົ້າຢູ່ໃນຂໍ້ຄວາມນຶ່ງທີ່ບັນທຶກສຽງໄວ້ນັ້ນວ່າ ເຄັນຢາຈະຕ້ອງເລືອກເອົາວ່າ ຈະບໍ່ແຊກແຊງປະເທດເຮົາ ຫຼືບໍ່ດັ່ງນັ້ນກໍຈະຖືກໂຈມຕີແບບນີ້ໄປເລື້ອຍໆ.
ກໍາລັງທະຫານເຄັນຢາ ໄດ້ບຸກເຂົ້າໄປໃນໂຊມາເລຍ ເມື່ອສອງປີຜ່ານມາ ເພື່ອສູ້ລົບກັບກຸ່ມຫົວຮຸນແຮງ al-Shabab ທີ່ມັກຂ້າມຊາຍແດນ ເຂົ້າໄປ ທໍາການໂຈມຕີຢູ່ໃນເຄັນຢານັ້ນ.
ສະພາຄວາມໝັ້ນຄົງ ແລະທ່ານ ພັນ ຄີມູນ ເລຂາທິການໃຫຍ່ອົງການສະຫະປະຊາຊາດ ໄດ້ປະນາມຢ່າງຮຸນແຮງຕໍ່ການໂຈມຕີຄັ້ງນີ້. ທ່ານພັນ ຄີມູນ ເອີ້ນເຫດການນີ້ວ່າ ເປັນພຶດຕິກໍາທີ່ໄດ້ວາງແຜນໄວ້ລ່ວງໜ້າ ແລະໜ້າປະນາມຫຼາຍທີ່ສຸດ ທີ່ແນເປົ້າໝາຍໃສ່ພວກປະຊາຊົນທີ່ບໍ່ມີອາວຸດຕໍ່ສູ້ນັ້ນ.
ພວກເຫັນເຫດການເວົ້າວ່າ ພວກມືປືນ ສວມໜ້າກາກ ແລະໄດ້ແກວ່ງ ລູກລະເບີດ ຫລາຍໆລູກ ໃສ່ບໍລິເວນສູນການຄ້າ ໃນຊົ່ວໂມງທີ່ມີຄົນແອອັດນັ້ນ. ພວກເດັກນ້ອຍ ກໍໂຮມຢູ່ໃນຈໍານວນຜູ້ໄດ້ຮັບບາດເຈັບນັ້ນນໍາ.
ເບິ່ງວີດີໂອ:
ບັນດາເຈົ້າໜ້າທີ່ເຄັນຢາເວົ້າວ່າ ການປະຕິບັດການເພື່ອຈັບກຸມ ພວກມືປືນ ແລະຊ່ວຍ ພວກທີ່ຖືກຈັບເປັນຕົວປະກັນທີ່ຍັງບໍ່ຮູ້ວ່າມີຈັກຄົນນັ້ນ ຍັງດໍາເນີນຕໍ່ໄປ ໃນຕອນທ່ຽງຂອງວັນອາທິດມື້ນີ້ ພາຍໃນບໍລິເວນສູນການ ຄ້າ Westgate ຄືປະມານ 24 ຊົ່ວໂມງ ຫຼັງຈາກການໂຈມຕີດັ່ງກ່າວ ເລີ້ມຂຶ້ນ.
ລັດຖະມົນຕີກະຊວງພາຍໃນຂອງເຄນຢາ ທ່ານ Joseph Ole Lenku ກ່າວວ່າ ມາຮອດເວລານີ້ ມີຫລາຍກວ່າ 1,000 ຄົນ ໄດ້ຖືກຊ່ວຍອອກ ມາໄດ້ຈາກສູນການຄ້າດັ່ງ ກ່າວ ແລະເອີ້ນສະຖານະການວ່າ ຫຼໍ່ແຫຼມຫຼາຍ.
ທ່ານເວົ້າວ່າ ເຈົ້າໜ້າທີ່ເຊື່ອວ່າ ມີພວກໂຈມຕີລະຫວ່າງ 10 ຫາ 15 ຄົນ ພົວພັນນຳເຫດຮ້າຍຄັ້ງນີ້ ແລະກ່າວວ່າ ພວກເຂົາຈະຖືກລົງໂທດຢ່າງໜັກ ຕາມຂອບເຂດຂອງກົດໝາຍ.
ພາບ ການໂຈມຕີ ສູນການຄ້າ ຢູ່ ເຄນຢາ
ກຸ່ມກໍ່ການຮ້າຍ al-Shabab ຂອງໂຊມາເລຍ ໄດ້ອ້າງເອົາຄວາມຮັບຜິດຊອບ ໃນການໂຈມຕີນີ້ແລ້ວ ໂດຍກ່າວວ່າ ເປັນການໂຈມຕີເພື່ອແກ້ແຄ້ນ ຕໍ່ການແຊກແຊງທະຫານຂອງເຄັນຢາໃນໂຊມາເລຍ. ໂຄສົກຂອງກຸ່ມ al-Shabab ເວົ້າຢູ່ໃນຂໍ້ຄວາມນຶ່ງທີ່ບັນທຶກສຽງໄວ້ນັ້ນວ່າ ເຄັນຢາຈະຕ້ອງເລືອກເອົາວ່າ ຈະບໍ່ແຊກແຊງປະເທດເຮົາ ຫຼືບໍ່ດັ່ງນັ້ນກໍຈະຖືກໂຈມຕີແບບນີ້ໄປເລື້ອຍໆ.
ກໍາລັງທະຫານເຄັນຢາ ໄດ້ບຸກເຂົ້າໄປໃນໂຊມາເລຍ ເມື່ອສອງປີຜ່ານມາ ເພື່ອສູ້ລົບກັບກຸ່ມຫົວຮຸນແຮງ al-Shabab ທີ່ມັກຂ້າມຊາຍແດນ ເຂົ້າໄປ ທໍາການໂຈມຕີຢູ່ໃນເຄັນຢານັ້ນ.
ສະພາຄວາມໝັ້ນຄົງ ແລະທ່ານ ພັນ ຄີມູນ ເລຂາທິການໃຫຍ່ອົງການສະຫະປະຊາຊາດ ໄດ້ປະນາມຢ່າງຮຸນແຮງຕໍ່ການໂຈມຕີຄັ້ງນີ້. ທ່ານພັນ ຄີມູນ ເອີ້ນເຫດການນີ້ວ່າ ເປັນພຶດຕິກໍາທີ່ໄດ້ວາງແຜນໄວ້ລ່ວງໜ້າ ແລະໜ້າປະນາມຫຼາຍທີ່ສຸດ ທີ່ແນເປົ້າໝາຍໃສ່ພວກປະຊາຊົນທີ່ບໍ່ມີອາວຸດຕໍ່ສູ້ນັ້ນ.
ພວກເຫັນເຫດການເວົ້າວ່າ ພວກມືປືນ ສວມໜ້າກາກ ແລະໄດ້ແກວ່ງ ລູກລະເບີດ ຫລາຍໆລູກ ໃສ່ບໍລິເວນສູນການຄ້າ ໃນຊົ່ວໂມງທີ່ມີຄົນແອອັດນັ້ນ. ພວກເດັກນ້ອຍ ກໍໂຮມຢູ່ໃນຈໍານວນຜູ້ໄດ້ຮັບບາດເຈັບນັ້ນນໍາ.
ເບິ່ງວີດີໂອ:
