ພວກມືປືນທີ່ບໍ່ຊາບຝ່າຍ ເປີດສາກຍິງເຂົ້າໃສ່ປ້ອມຍາມແຫ່ງໜຶ່ງ
ຢູ່ໃນແຫຼມ Sinai ທີ່ວຸ້ນວາຍຂອງອີຈິບ ໂດຍໄດ້ສັງຫານເຈົ້າໜ້າ
ທີ່ຕຳຫຼວດ 5 ຄົນ ອີງຕາມກະຊວງພາຍໃນຂອງປະເທດ.
ກະຊວງພາຍໃນຂອງອີຈິບກ່າວວ່າ ຕຳຫຼວດອີກ 3 ຄົນຍັງໄດ້ຮັບ
ບາດເຈັບ ໃນການໂຈມຕີເມື່ອຕອນແລງວັນພຸດວານນີ້ ຢູ່ໃຈກາງ
ເມືອງ El-Arish ຊຶ່ງເປັນເມືອງໃຫຍ່ທີ່ສຸດໃນແຫຼມ Sinai.
ຍັງບໍ່ມີຜູ້ໃດ ອ້າງເອົາຄວາມຮັບຜິດຊອບເທື່ອ ໃນການໂຈມຕີ
ດັ່ງກ່າວ.
ອີຈິບ ໄດ້ຕໍ່ສູ້ກັບການກໍ່ກະບົດ ຕັ້ງແຕ່ພວກທະຫານໄດ້ຂັບໄລ່ ປະທານາທິບໍດີ Mohammed
Morsi ທີ່ນິຍົມສາສະໜາອິສລາມຢ່າງເຄັ່ງຄັດເມື່ອປີ 2013 ເປັນຕົ້ນມາ. ກຸ່ມໜຶ່ງທີ່ເປັນ
ເຄືອຂ່າຍກັບກຸ່ມລັດອິສລາມ ໄດ້ອ້າງເອົາຄວາມຮັບຜິດຊອບໃນການໂຈມຕີ ຫຼາຍຄັ້ງ
ທີ່ຜ່ານມາ.
ການໂຈມຕີຄັ້ງຫຼ້າສຸດນີ້ ມີຂຶ້ນໃນບໍ່ເທົ່າໃດມື້ ກ່ອນວັນຄົບຮອບ 5 ປີ ໃນວັນຈັນຈະມານີ້ີ້
ໃນການລຸກຮືຂຶ້ນຂອງປະຊາຊົນອີຈິບເພື່ອໂຄ່ນລົ້ມອະດີດປະທານາທິບໍດີ Hosni Mu-
barak ທີ່ດຳລົງຕຳແໜ່ງກ່ອນໜ້າທ່ານ Mosi.
