ພວກມືປືນ ຍີງເຮືອແພ ຂົນສົ່ງ ສະບຽງອາຫານ ສປຊ ໃນ ຊູດານໃຕ້

ຄະນະປະຕິບັດງານຂອງອົງການສະຫະ​ປະຊາ​ຊາດ ໃນ
ຊູ​ດານ​ໃຕ້ ກ່າວ​ວ່າ ສີ່​ຄົນ​ໄດ້​ຮັບ​ບາດ​ເຈັບ​ໃນ​ວັນ​ພະຫັດ
ວານ​ນີ້ ​ເວລາ​ພວກ​ມື​ປືນ​ໄດ້​ໂຈມ​ຕີ​ເຮືອ​ແພທີ່​ນຳເອົາ​ສະ
ບຽງອາຫານ ໄປໃຫ້ຄ້າຍຂອງສະຫະ​ປະຊາ​ຊາດ.

ນີ້​ເປັນ​ເທຶ່ອທີ​ສອງ​ໃນ​ເດືອນ​ນີ້ ທີ່​ຄະນະປະຕິບັດ​ງານ​
ຂອງສະຫະ​ປະຊາ​ຊາດ​ໃນຊູ​ດານ​ໃຕ້ໄດ້ຕົກ​ເປັນ​ເປົ້າ​
ຫລັງ​ຈາກ​ຝູງຊົນຈຸນຶ່ງ ໄດ້ໂຈມ​ຕີ​ຄ້າຍ ຂອງສະຫະ​ປະ
ຊາ​ຊາດຢູ່​ທີ່​ເມືອງ Bor ​ໃນ​ວັນ​ທີ 18 ​ເມສາຜ່ານມານີ້.

ຄະນະປະຕິບັດ​ງານສະຫະ​ປະຊາ​ຊາດ ກ່າວ​ວ່າ ການ​ໂຈມ​
ຕີ​ໃນ​ວັນ​ພະຫັດວານ ນີ້​ເກີດ​ຂື້ນ​ໃນ​ຂະນະ​ທີ່​ເຮືອ​ແພ​ສີ່​ລຳ​ ພວມ​ລ່ອງໄປຍັງ​ທາງຕາ​
ເວັນ​ອອກ ຕາມລຳ​ແມ່​ນຳ້ Nileໂດຍໄດ້ບັນທຸກ​ອາຫານ ​ແລະ​ນຳ້ມັນ ​ໄປໃຫ້ຄ້າຍຂອງ
ສະຫະ​ປະຊາ​ຊາດ ທີ່​ເມືອງMalakal ໃນລັດ Upper Nile ບ່ອນ​ທີ່​ພົນລະ​ເຮືອນ
​ຫລາຍ​ພັນ​ຄົນ ພາກັນໄປຫລົບລີ້ຄວາມ​ຮຸນ​ແຮງນັ້ນ.

ຄະນະ​ປະຕິບັດ​ງານສະຫະປະຊາຊາດ​ກ່າວ​ວ່າ ທັງໂຄສົກ ຂອງລັດຖະບານ​ຊູ​ດານ
​ແລະ​ກຳລັງ​ຂອງ​ພວກ​ກະບົດ ​ຕ່າງກໍໄດ້​ປະຕິ​ເສດ​ວ່າ ບໍ່ແມ່ນຕົນເປັນຜູ້​ ​ຮັບຜິດຊອບ.

ສະພາຄວາມ​ໝັ້ນຄົງສະຫະ​ປະຊາ​ຊາດ ກຳລັງ​ພິຈາລະນາ​ລົງ​ໂທດ​ຕໍ່ບັນດາ​ຜູ້ນຳ ທີ່​
ເຊື່ອວ່າ​ຊຸກຍູ້​ໃຫ້ມີການກໍ່ຄວາມ​ຮຸນ​ແຮງ​ໃນຊູ​ດານ​ໃຕ້ ບ່ອນ​ທີ່ລັດຖະບານ ​ແລະ ກຳ
ລັງ​ພວກ​ກະບົດໄດ້​ທຳ​ການ​ສູ້​ລົບ​ກັນ​ຕັ້ງ​ແຕ່​ເດືອນ​ທັນວາ​ປີກາຍນີ້ເປັນຕົ້ນ​ມາ.