ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມືປືນ 2 ຄົນ ຖືກຂ້າຕາຍ ໃນການໂຈມຕີ ກົງສຸນອິນເດຍ ຢູ່ເມືອງ Herat (ວີດີໂອ)


ກຳລັງຮັກສາຄວາມປອດໄພ ອັຟການິສຖານ ປະຕິບັດງານ ຢູ່ ກົງສຸນອິນເດຍ ທີ່ເມືອງ Herat.
ກຳລັງຮັກສາຄວາມປອດໄພ ອັຟການິສຖານ ປະຕິບັດງານ ຢູ່ ກົງສຸນອິນເດຍ ທີ່ເມືອງ Herat.
ບັນດາ​ເຈົ້າໜ້າ​ທີ່ ໃນ​ພາກ​ຕາ​ເວັນ​ຕົກ ​ຂອງອັ​ຟກາ​ນິສ
ຖານ ກ່າວ​ວ່າ ກຳລັງ​ຮັກ ສາ​ຄວາມ​ປອດ​ໄພ ​ໄດ້​ສັງຫານ
​ມື​ປືນ​ສອງ​ຄົນ ​ທີ່​ໄດ້​ໂຈມ​ຕີກົງສຸນ​ອິນ​ເດຍຢູ່​ເມືອງ Herat.

ພວກ​ເຈົ້າ​ໜ້າ​ທີ່ ​ກ່າວ​ວ່າ ຢ່າງ​ໜ້ອຍມືປືນ​ສາມ​ຄົນ​ ທີ່ຕິດ
ອາວຸດເຕັມອັດຕາ ​ໄດ້​ເປີດ​ສາກ​ຍິງ​ລະດົມຍິງໃສ່ກົງສຸນ
​ໃນ​ຕອນ​ເຊົ້າວັ​ນສຸກ​ມື້​ນີ້. ບໍ່​ມີ​ບັນດາ​ເຈົ້າ​ໜ້າ​ທີ່​ກົງສຸນ​ໄດ້
​ຮັບ​ບາດ​ເຈັບ​ຈາກ​ການ​ໂຈມ​ຕີແຕ່ຢ່າງໃດ.​

ກົງ​ສຸນ ທີ່ເມືອງ Herat ​ໄດ້​ຖືກ​ຍາມ​ປ້ອງ​ກັນ ​ໂດຍກຳລັງຕຳ
ຫຼວດ​ຊາຍ​ແດນອິນເດຍທິ​ເບ​ດ ​ແລະກຳລັງອັ​ຟກາ​ນິສຖານ.
ຍັງ​ບໍ່​ທັນ​ມີ​ກຸ່ມໃດອ້າງ​ເອົາ​ຄວາ​ມຮັບ​ຜິດ​ຊອບ​ເທື່ອ.

ອິນ​ເດຍ ​ໄດ້​ລົງທຶນ 2 ພັນ​ລ້ານ​ໂດ​ລາ ​ໃນ​ການຊ່ວຍ​ເຫລືອ​ເພື່ອບູລະນະສ້າງສາ ອັ​ຟ
ກາ​ນິສຖານ.

​ເມືອງ Herat ຕັ້ງ​ຢູ່​ໃນບໍລິເວນຊາ​ຍ​ແດນ​ອັຟກາ​ນິສຖານ ຕິດກັບອີຣ່ານ.

ຄວາມ​ຮຸນ​ແຮງ​ເກີດ​ຂື້ນ ​ໃນ​ຂະນະ​ທີ່ກຸ່ມທາລີບານ​ໄດ້​ເລີ້ມ​ບຸກໂຈມ​ຕີ ໃນລະດູ​ບານໃໝ່​
ປະຈຳປີ ​ໂດຍ​ໃຫ້​ຄຳ​ໝັ້ນ​ສັນຍາ​ທີ່​ຈະເພີ້​ມທະວີການ​ໂຈມຕີ​ ຕໍ່ກຳລັງ​ຮັກສາ​ຄວາມ​ປອດ​
ໄພອັຟກາ​ນິສຖານ ​ໃນຄວາມພະຍາຍາມເພື່ອບ່ອນທຳລາຍ ຕໍ່ລັດຖະບານທີ່ໄດ້ຮັບ
ການໜຸນຫລັງຈາກ​ຕາ​ເວັນ​ຕົກ. ກຸ່ມ​ກໍ່​ການ​ຮ້າຍທາ​ລິ​ບານ ຍັງ​ໄດ້​ປະກາດ​ທີ່​ຈະ​ກໍ່ກວນ​
ການ​ປ່ອນ​ບັດ ​ໃນ​ຂະນະ​ທີ່ຊາວອັຟກາ​ນິສຖານ ພວມຕຽ​ມການ​ເລືອກຕັ້ງປະທານາທິ
ບໍດີ ຮອບ​ທີສອງ​ ໃນ​ເດືອນ​ໜ້າ​ນີ້.

ອັຟກາ​ນິສຖານ ກຳລັງ​ປະເຊີນກັບການໂຈມຕີເພີ້ມຂຶ້ນຂອງພວກ​ກະບົດ​ ໃນ​ຂະນະ​ທີ່
​ກຳລັງ​ທະຫາ​ນນາໆ​ຊາດ ຕຽ​ມຈະຖອນ​ອອກ​ຈາກ​ປະ​ເທດ​ດັ່ງກ່າວ ໃນ​ທ້າຍ​ປີ​ນີ້.
AFGHANISTAN INDIA CNPK
please wait

No media source currently available

0:00 0:01:44 0:00
XS
SM
MD
LG