ປ. ສຫລ ທ່ານ ບາຣັກ ໂອບາມາ ໄດ້ປະນາມ ອັນທີ່ທ່ານເອີ້ນວ່າ
“ການໂຈມຕີ ທີ່ໜ້າອະໜາດ” ຂອງພວກກໍ່ການຮ້າຍ ທີ່ໂຮງ
ແຮມໃນນະຄອນຫຼວງຂອງມາລີ ທີ່ເອົາຊິວິດຜູ້ຄົນໄປ 25 ຄົນ
ແລະປະຕິຍານວ່າ ຈະຕິດຕາມຫາຕົວພວກຄາຕກອນເຫຼົ່າ
ຢ່າງບໍ່ລົດລະ.
ໃນການກ່າວຢູ່ທີ່ກອງປະຊຸມສຸດຍອດຂອງຜູ້ນຳຂົງເຂດ ໃນນະ
ຄອນຫຼວງຂອງມາເລເຊຍນັ້ນ ທ່ານ ໂອບາມາເວົ້າວ່າ ການໂຈມ
ຕີນະຄອນຫຼວງບາມາໂກ ແມ່ນຈະເພີ້ມທະວີ ການຕັດສີນໃຈ
ເດັດດ່ຽວຂຶ້ນ ຂອງ ສຫລ ທີ່ຈະເຮັດສົງຄາມກັບລັດທິກໍ່ການ
ຮ້າຍນີ້.
ທ່ານ ໂອບາມາກ່າວຢູ່ໃນນະຄອນຫຼວງກົວລາລຳເປີໃນຂະນະທີ່ເຂົ້າຮ່ວມກອງປະຊຸມ
ປະຈຳປີຂອງສະມາຄົມບັນດາປະຊາຊາດເອເຊຍອາຄະເນ ຫຼືອາຊ່ຽນ ວ່າ “ເຊັ່ນດຽວກັນ
ກັບ ການໂຈມຕີທີ່ໂຫດຫ້ຽມປ່າເຖື່ອນທີ່ພວກເຮົ່ໍາເຫັນຢູ່ປາຣີແລະການໂຈມຕີຢູ່ແຫ່ງ
ອື່ນໆເປັນປະຈຳນັ້ນ ຄັ້ງນີ້ ແມ່ນເປັນການເຕືອນຄວາມຊົງຈຳອັນສະຫຍົດສະຫຍອງ
ທີ່ລັດທິກໍ່ການຮ້າຍສ້າງຂຶ້ນກັບປະເທດຊາດຕ່າງໆຂອງພວກເຮົາ”.
ທ່ານກ່າວວ່າ ສຫຣ ພ້ອມດ້ວຍພັນທະມິດ ແລະຄູ່ຮ່ວມງານທັງຫຼາຍ ແມ່ນມີຄວາມເດັດ
ດ່ຽວທີ່ຈະປົກປ້ອງປະຊາຊົນຂອງຕົນ ປັດເຂ່ຍອຸດົມການກຽດຊັງທີ່ຝັງຢູ່ໃນສະໝອງຂອງ
ລັດທິກໍ່ການຮ້າຍໃຫ້ໝົດສິ້ນໄປ”ແລະຖອນກົກຖອນຮາກຕານ່າງພວກກໍ່ການຮ້າຍຕ່າງໆ.
ພວກຫົວຮຸນແຮງສອງກຸ່ມໃນອັຟຮິກາຕາເວັນຕົກ ຄືອານໄກດາໃນອິສລາມິກ ມາກເຣັບ ຫຼື ອາກິມ ແລະເຄືອຂ່າຍຂອງເຂົາຄື ແອລ ມູຣາບິຕູໄດ້ອ້າງເອົາຄວາມຮັບຜິດຊອບຮ່ວມກັນ
ໃນການໂຈມຕີດ່າງກ່າວ. ເຈົ້າໜ້າທີ່ທ່ານນຶ່ງຂອງ ສຫຣ ເອີ້ນ ອາກິມວ່າ ເປັນຜູ້ຕ້ອງສົງ
ໄສຂັ້ນນຳໜ້າໃນການໂຈມຕີດັ່ງກ່າວ.
ຕາມຄຳເວົ້າຂອງພວກເຈົ້າໜ້າທີ່ມາລີແມ່ນວ່າ ນອກນັ້ນ ຕົວປະກັນ 25 ຄົນ ກໍຖືກຂ້າ ແລະ ມືປືນສອງຄົນ ແມ່ນເສຍຊິວິດເວລາກຳລັງພິເສດຂອງມາລີບຸກເຂົ້າຈູ່ໂຈມທົ່ວ
ໂຮງແຮມດັ່ງກ່າວ.
ນັກສື່ຂ່າວຂອງວີໂອເອທີ່ບາມາໂກເວົ້າວ່າ ບໍ່ເປັນທີ່ແຈ້ງຂາວວ່າ ມີມືປືນຄົນທີສາມຫຼືບໍ່ ຢູ່ໃນການໂຈມຕີດັ່ງກ່າວ. ນາງກ່າວວ່າ ການສັນລະສູດຊາກສົບຍັງພວມດຳເນີນໄປຢູ່
ໃນໂຮງແຮງໃນຄໍ່າຄືນຂອງວັນສຸກວານນີ້.
