ພວກມືປືນໄດ້ໂຈມຕີ ໂຮງແຮມທີ່ຫລູຫລາແຫ່ງໜຶ່ງ ໃນນະຄອນ
ຫລວງ Mali ຈັບເອົາບັນດາແຂກທີ່ພັກເຊົາປະມານ 140 ຄົນ
ພ້ອມດ້ວຍພະນັກງານອີກ 30 ຄົນ ເປັນໂຕປະກັນ.
ສະຖານທູດ ສະຫລັດ ໃນ Mali ໄດ້ກ່າວຢູ່ຖະແຫລງການໃນ
ວັນສຸກມື້ນີ້ວ່າ “ສະຖານທູດ ຮູ້ດີກ່ຽວກັບການໂຈມຕີ ທີ່ດຳ
ເນີນ ຢູ່ໃນໂຮງແຮມ Radison Hotel ນັ້ນ."
ສະຖານທູດ ໄດ້ຮຽກຮ້ອງໃຫ້ ຜູ້ຄົນສັນຊາດສະຫະລັດ ແລະ
ພະນັກງານສະຖານທູດ ໃຫ້ “ພາກັນຫາບ່ອນລີ້ຊ້ອນ ຢູ່.”
ຍັງບໍ່ເປັນທີ່ຈະແຈ້ງໃນທັນໃດເທື່ອວ່າ ໄດ້ມີຕົວປະກັນໃດໆ ໄດ້ຖືກສັງຫານ ຫລືໄດ້ຮັບບາດເຈັບ.
ແຫລ່ງຂ່າວຄວາມປອດໄພ ກ່າວຕໍ່ ອົງການຂ່າວຝຣັ່ງວ່າ ພວກມືປືນຢູ່ຊັ້ນທີເຈັດ ຂອງໂຮງແຮມ Radison Blu ໃນນະຄອນ Bamako. ແລະວ່າ “ພວກ Jihadists ຍິໄດ້ເປີດສາກຍິງຢູ່ທາງຢ່າງ.”
ການໂຈມຕີ ໄດ້ສ້າງຄວາມຂົ່ມຂູ່ຈາກ ພວກຫົວຮຸນແຮງລັດອິສລາມ ຜູ້ທີ່ຍັງເຄຶ່ອນໄຫວຢູ່ພາກເໜືອ ແລະ ພາກກາງຂອງ Mali ເຖິງແມ່ນວ່າໄດ້ມີການມີໜ້າຂອງໜ່ວຍພິທັກສັນຕິພາບ ສະຫະປະຊາຊາດ ຢູ່ທີ່ນັ້ນ ກໍຕາມ.
ກຳລັງທະຫານທີ່ນຳພາໂດຍຝຣັ່ງ ໄດ້ຂັບໄລ່ບັນດາກຸ່ມລັດອິສລາມອອກຈາກ ອຳນາດຢູ່ພາກເໜືອ Mali ໃນປີ 2013. ບັນດາກຸ່ມດັ່ງກ່າວໄດ້ຍຶດອຳນາດຢູ່ພາກເໜືອ ຫລັງຈາກ ທະຫານໄດ້ກໍ່ລັດຖະປະຫານຂຶ້ນ ໃນນະຄອນ Bamako ໃນປີ 2012.
ການ ໂຈມຕີໃນນະຄອນຫລວງໃນເດືອນມີນາຜ່ານມາ ຢູ່ຮ້ານອາຫານ ທີ່ນິຍົມຂອງພວກນັກທ່ອງທ່ຽວນັ້ນ ຍັງຜົງໃຫ້ມີຜູ້ເສຍຊີວິດຫ້າຄົນ.
