ບັນດາເຈົ້າໜ້າທີ່ອັຟການິສຖານ ກ່າວວ່າ ພວກມຶຶປືນໄດ້ສັງ
ຫານຢ່າງໜ້ອຍ 13 ຄົນ ໃນການໂຈມຕີເມື່ອຕອນເດິກຂອງ
ຄືນແລ້ວນີ້ ຕໍ່ຜູ້ໂດຍສານທີ່ເດີນທາງໄປມາ ຢູ່ໃນທາງຫລວງ
ສາຍນຶ່ງ ໃນພາກກາງຂອງອັຟການິສຖານ.
ທ່ານ Attahullah Khogyani ໂຄສົກຂອງເຈົ້າແຂວງ Wardak
ກ່າວວ່າ ຜູ້ໂຈມຕີຈຳນວນນຶ່ງ ໄດ້ເປີດສາກລະດົມຍິງໃສ່ລົດ ປະ
ມານ 1 ໂມງເຊົ້າ ຕາມເວລາທ້ອງຖິ່ນ ໃນວັນອັງຄານມື້ນີ້.
ມີຜູ້ເຄາະຮ້າຍຈຳນວນນຶ່ງ ໄດ້ເດີນທາງໄປກັບລົດໂດຍສານ ທີ່ມຸ້ງໜ້າສູ່ພາກໃຕ້ຂອງ
ອັຟການິສຖານ.
ສາເຫດຂອງການໂຈມຕີຍັງບໍ່ທັນມີການລະບຸກັນເທື່ອ ແລະກໍບໍ່ທັນມີກຸ່ມໃດອ້າງເອົາ
ຄວາມຮັບຜິດຊອບໃນການໂຈມຕີ ຊຶ່ງຫລ້າສຸດແມ່ນແນໃສ່ບັນດາລົດໂດຍ ສານຢູ່ໃນ
ອັຟການິສຖານ.
ໃນເດືອນແລ້ວນີ້ ພວກມືປືນໄດ້ລັກພາໂຕສະມາຊິກ 30 ຄົນຂອງພວກຊົນກຸ່ມນ້ອຍ
Hazara ຊຶ່ງເປັນຊາວມຸສລິມນິກາຍ Shi’ite ທີ່ເດີນທາງໄປກັບລົດໂດຍສານ ໃນແຂວງ
Zabul.
ພວກທີ່ຖືກລັກພາໂຕ ຍັງຫາຍສາບສູນຢູ່.
ຊາວ Hazara ໄດ້ຕົກເປັນເປົ້າໝາຍໃນການວາງລະເບີດ ການລັກພາໂຕ ແລະການໂຈມ
ຕີຕ່າງໆໃນໄລຍະສອງສາມປີທີ່ຜ່ານມາໂດຍພວກຫົວຮຸນແຮງຈັດ Taliban ແລະພວກ
ຫົວຮຸນແຮງຈັດ Sunni ອື່ນໆຢູ່ໃນອັຟການິສຖານ ແລະປາກິສຖານ.
ອັຟການິສຖານ ຍັງສືບຕໍ່ປະເຊີນກັບຄວາມຮຸນແຮງຢູ່ເປັນປະຈຳ ເຖິງແມ່ນວ່າ ສະຫະລັດ
ພວມສືບຕໍ່ຫລຸດຜ່ອນການມີໜ້າທາງດ້ານທະຫານຂອງຕົນລົງຢູ່ໃນປະເທດດັ່ງກ່າວ ຫລັງ
ຈາກທີ່ໄດ້ເກີດສົງຄາມມາເກືອບ 14 ປີ.
