ຫ້ອງການໄອຍະການ ປາຣີ ກ່າວວ່າ ຜູ້ຍິງຄົນໜຶ່ງ ໄດ້ລະເບີດ
ໂຕເອງຕາຍ ໃນວັນພຸດມື້ນີ້ຢູ່ຊານເມືອງ ນະຄອນຫລວງປາຣີ
ໃນຂະນະທີ່ ເຈົ້າໜ້າທີ່ຕຳຫລວດ ຖະຫລົ່ມເປົ້າໝາຍຜູ້ຕ້ອງສົງ
ໄສຫົວຣຸນແຮງລັດອິສລາມ ທີ່ເປັນຫົວໜ້າວາງແຜນການໂຈມ
ຕີ ນະຄອນຫລວງ ໃນວັນສຸກທີ່ຜ່ານມາ.
ບັນດາເຈົ້າໜ້າທີ່ກ່າວວ່າ ເຂົາເຈົ້າໄດ້ຊອກຫາ ທ້າວ Abdel-
hamid Abaasoud ຊາວ Belgian ເຊື້ອສາຍ Marroc ແລະ
ຢ່າງໜ້ອຍໜຶ່ງຄົນຍັງຢູ່ໃນ ເຮືອນຫ້ອງແຖວ ແຫ່ງໜຶ່່ງໃນເມືອງ
Saint-Dennis ຫ້າຊົ່ວໂມງຫລັງຈາກການປະຕິບັດງານໄດ້
ເລີ້ມຂື້ນ.
ຕຳຫລວດກ່າວວ່າ ເພີ້ມໃສ່ຜູ້ວາງລະເບີດສະລະຊີບດັ່ງກ່າວ ອີກຄົນໜຶ່ງໄດ້ຖືກສັງຫານ
ແລະເຈົ້າໜ້າທີ່ຕຳຫລວດສາມຄົນໄດ້ຮັບບາດເຈັບ.
ຖະແຫລງການຈາກຫ້ອງການໄອຍະການກ່າວວ່າ ສາມຄົນຈາກ apartment ນັ້ນໄດ້ຖືກ
ຈັບ ແລະອີກສອງຄົນໄດ້ຖືກກັກໄວ້ຢູ່ໃກ້ໆກັບບ່ອນເກີດເຫດ.
ບັນດາເຈົ້າໜ້າທີ່ຍັງຊອກຫາຜູ້ຕ້ອງສົງໄສຄົນອຶ່ນໆ ທີ່ພົວພັນກັບການໂຈມຕີໃນເດືອນ
ພະຈິກ ທີ 13 ທີ່ເຮັດໃຫ້ມີຜູ້ເສຍຊີວິດ 129 ຄົນ ແລະໄດ້ຮັບບາດເຈັບຫຼາຍກວ່າ 300
ຄົນ. ເຈົ້າໜ້າທີ່ສາມທ່ານ ໄດ້ກ່າວໃນຕອນແລງວັນອັງຄານວານນີ້ ໂດຍບໍ່ບອກຊື່ ເພາະ
ວ່າເຂົາເຈົ້າບໍ່ໄດ້ຮັບອະນຸຍາດ ບອກເຖິງລາຍລະອຽດ ກ່ຽວກັບການສືບສວນທີ່ຍັງດຳ
ເນີນຢູ່ ໂດຍກ່າວວ່າ ການວິໃຈຂອງການໂຈມຕີໃນວັນສຸກທີ່ຜ່ານມາ ໄດ້ສະແດງໃຫ້ເຫັນ
ວ່າຄົນໜຶ່ງທີ່ພົວພັນໂດຍກົງ ຍັງຈັບໂຕບໍ່ທັນໄດ້.
ບັນດາເຈົ້າໜ້າທີ່ ກ່າວວ່າ ຜູ້ລັກລອບຫລົບໜີໄປ ຍັງບໍ່ທັນບົ່ໂຕໄດ້ເທື່ອ. ບັນດາເຈົ້າໜ້າ
ທີ່ ຝຣັ່ງ ແລະແບນຢຽມ ໄດ້ອອກໝາຍຈັບໂຕ ທ້າວ Salah Abdeshlam ທີ່ເກີດຢູ່ໃນ
ແບນຢຽມ ຊຶ່ງອ້າຍຂອງລາວຮວມຢູ່ໃນບັນດາຜູ້ໂຈມຕີດັ່ງກ່າວ.
ຜູ້ໂຈມຕີເຈັດຄົນໄດ້ເສຍຊີວິດໃນຄືນນັ້ນ ອີກສາມຄົນຢູ່ອ້ອມແອ້ມເດີ່ນກິລາແຫ່ງຊາດ ສາມຄົນຢູ່ໃນໂຮງສະແດງດົນຕີ Bataclan ແລະອີກໜຶ່ງຄົນຢູ່ຮ້ານອາຫານທີ່ຢູ່ໃກ້ນັ້ນ
ໃນລະຫວ່າງການໂຈມຕີ.
ເຈົ້າໜ້າທີ່ກ່າວວ່າ ທິມມືປືນທິມໜຶ່ງ ຍັງໄດ້ເປີດສາກຍິງຢ່າງຕໍ່ເນື່ອງໃສ່ຈຸດເຕົ້າໂຮມກາງ
ຄືນຂອງຄຸ້ມບ້ານ ໃນນະຄອນປາຣີ ອັນເປັນບ່ອນທີ່ນິຍົມທີ່ສຸດ.
ຕຳຫລວດນະຄອນຫລວງປາຣີ ຍັງກ່າວໃນວັນອັງຄານວານນີ້ວ່າ 16 ຄົນໄດ້ຖືກຈັບ ແລະ
ຖືກກັກຂັງຢູ່ໃນຂົງເຂດ ນັບແຕ່ວັນອາທິດເປັນຕົ້ນມາ ໃນຖານພົວພັນກັບການໂຈມຕີ
ແລະອາວຸດຫົກກະບອກໄດ້ຖືກຍຶດ ນັບແຕ່ໄດ້ປະກາດພາວະສຸກເສີນໃນວັນເສົາທີ່
ຜ່ານມາ.
ນ້ອງຊາຍຄົນທີ່ສາມຂອງ ທ້່າວ Abdeslam ຄືທ້າວ Mohammed ໄດ້ຖືກກັກໄວ້ຊົ່ວ
ລະຍະໜຶ່ງໃນທ້າຍສັບປະດາໂດຍເຈົ້າໜ້າທີ່ຕຳຫລວດ.
