ຜູ້ນຳຂອງພັກຝ່າຍຄ້ານທີ່ສຳຄັນຂອງ Guinea ສະຫະພາບກຳ
ລັງເພື່ອປະຊາທິປະໄຕ ໄດ້ຮຽກຮ້ອງ ໃຫ້ມີການເລືອກຕັ້ງໃໝ່
ໂດຍກ່າວວ່າ ໄດ້ມີການສໍ້ໂກງຄະແນນໃນການປ່ອນບັດເລືອກ
ຕັ້ງປະທານາທິບໍດີໃນວັນອາທິດແລ້ວນີ້.
ທ່ານ Cellou Dalein Diallo ກ່າວວ່າ ຝ່າຍຄ້ານ ບໍ່ຍອມຮັບ
ເອົາຜົນຂອງການເລືອກຕັ້ງ ຊຶ່ງເປັນທີ່ຄາດກັນວ່າ ຈະປະກາດ
ໃຫ້ຮູ້ໃນເຊົ້າວັນອັງຄານມື້ນີ້ ຫຼືບໍ່ກໍວັນພຸດມື້ອື່ນ ເພາະວ່າ ການ
ລົງຄະແນນສຽງນັ້ນ ແມ່ນສັນນິຖານກັນວ່າ ເປັນການສໍ້ໂກງ
ຄະແນນສຽງຢ່າງໃຫຍ່ ທີ່ເຂົ້າຂ້າງຜູ້ນຳທີ່ກຳອຳນາດຢູ່ໃນຂະ
ນະນີ້ ກໍຄືທ່ານ Alpha Conde.
ຜູ້ນຳຝ່າຍຄ້ານອີກຄົນນຶ່ງ ທ່ານ Sydia Toure ຈາກພັກສະຫະພາບກຳລັງປະຊາທິປະໄຕ
ຫຼື Union of Republican Force ໄດ້ບອກກັບ VOA ໃນວັນອາທິດຜ່ານມານີ້ວ່າ ມີຫຼາຍກວ່າ 20 ເປີເຊັນ ຂອງຄະແນນສຽງທີ່ເປັນບັດ ແລະ 30 ເປີເຊັນ ຂອງຊອງຄະແນນ ນັ້ນແມ່ນບໍ່ມີໃຫ້ໃນສະຖານທີ່ປ່ອນບັດ ແລະວ່າຈຳນວນຂອງພວກທະຫານ ໄດ້ພາກັນໄປປ່ອນ
ບັດເປັນຈຳນວນຫຼາຍ ທີ່ເລືອກເອົາປະທານາທິບໍດີ Conde.
ທ່ານ Diallo ໄດ້ກ່າວວ່າ ມັນຄວນຈະມີການເລືອກຕັ້ງໃໝ່ເພື່ອໃຫ້ Guinea ມີສັນຕິພາບ
ແລະມີສະຖຽນລະພາບ.
ທ່ານກ່າວວ່າ “ການຄຸ້ມຄອງຈັດການເລືອກຕັ້ງນັ້ນແມ່ນບໍ່ດີ; ພວກເຮົາແມ່ນມີບັນຫາຫຼາຍ ທັງເລື້ອງເຄື່ອງໃຊ້ຂອງສອຍ. ພວກເຮົາມີບັນຫາເລື້ອງການຈັດຕັ້ງ ພວກເຮົາມີບັນຫາເລື້ອງຄວາມປອດໄພ. ໃນເຂດທ້ອງຖິ່ນຂອງຂ້າພະເຈົ້າ ທີ່ເມືອງ Gaoual ພວກເຮົາຍິ່ງມີບັນ ຫາໃນເລື້ອງອຸບປະກອນເຄື່ອງໃຊ້ສອຍຫຼາຍ. ພວກເຮົາຈຳເປັນທີ່ຈະຕ້ອງມີການເລືອກຕັ້ງໃໝ່. ຂ້າພະເຈົ້າບໍ່ຮູ້ດອກວ່າເມື່ອໃດພວກເຮົາຈຶ່ງຈະມີ ແຕ່ວ່າເພື່ອໃຫ້ມີສັນຕິພາບ, ຄວາມປອດໄພ ຂອງGuinea ແລ້ວນັ້ນ ພວກເຮົາຈຳເປັນຈະມີການເລືອກຕັ້ງໃໝ່.”
ເມື່ອມີການຖາມວ່າ ຈະເອົາເງິນມາຈາກໃສ ເພື່ີອຈັດໃຫ້ມີການເລືອກຕັ້ງໃໝ່ນີ້ທ່ານ Diallo ໄດ້ກ່າວວ່າ ການເລືອກຕັ້ງທີ່ເຊື່ອຖືໄດ້ໃນ Guinea ນັ້ນ ແມ່ນບໍ່ແມ່ນກ່ຽວກັບເລື້ອງເງິນ ແລະມັນກັບແມ່ນການຂາດການຈັດຕັ້ງແລະຄຸ້ມຄອງທີ່ດີ.
