ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

24 ຄົນ ເສຍຊີວິດ ໃນເຫດແຕກຕື່ນຢຽບ​ກັນ​ ຢູ່ປະເທດ ກີນີ


ແຜນທີ່ ປະເທດກີນີ, ອາຟຣິກາ
ແຜນທີ່ ປະເທດກີນີ, ອາຟຣິກາ

ປະທານາທິບໍດີ ຂອງ​ປະ​ເທດ​ກີ​ນີ ​ທ່ານ Alpha Conde ໄດ້
​ປະກາດ ອາ​ທິດຂອງ​ການ​ໄວ້​ອາ​ໄລ ຫຼັງຈາກໄດ້ມີ​ການ​ແຕກ​ຕື່ນ
​ແລ່​ນ​ຢຽບ​ກັນ​ຕາຍ ​ໃນ​ລະຫວ່າງ ການສະ​ແດງ​ດົນຕີ​ ຢູ່​ນະຄອນ
ຫລວງ​ຂອງ​ປະ​ເທດ.

ອົງການ​ຂ່າວຝຣັ່ງ ກ່າວວ່າ ການແລ່ນຢຽບ​ກັນ​ຕາຍ ​ເກີດ​ຂຶ້ນ
​ໃນ​ແລງ​ ວັນ​ອັງຄານ​ວານ​ນີ້ ​ຢູ່ຊາຍ​ຫາດ​ແຫ່ງ​ນຶ່ງ ​ໃນ​ນະຄອນ
ຫລວງ Conakry ບ່ອນ​ທີ່​ຫລາຍ​ພັນ​ຄົນ​ໄດ້​ໄປ​ເຕົ້າ​ໂຮມ​ກັນ ​
ເພື່ອ​ຊົມ​ການສະ​ແດງ​ຄອນ​ເສີດ ສະຫລອງການ​ສິ້ນສຸດ​ລົງ​ຂອງ
​ເດືອນ​ອົດ​ອາຫານ ຣາມາດາ​ນ.

ພວກ​ເຫັນ​ເຫດການ​ເວົ້າ​ວ່າ ພວກ​ເສຍ​ຊີວິດ​ມີ​ຮວມທັງ​ເດັກນ້ອຍ. ລາຍ​ງານ​ຂ່າວ​ບອກ​ວ່າ
ການ​ຢຽບ​ກັນ​ຕາຍ​ເກີດ​ຂຶ້ນ ຍ້ອນ​ຜູ້​ຄົນ​ຈຳນວນ​ຫລວງ​ຫລາຍ ພາກັນ​ຍາດ​ກັນ​ອອກ​ຈາກ
​ບໍລິ​ເວນໄປ ຜ່ານ​ປະຕູ​ທາງ​ອອກ​ທີ່​ນ້ອຍໆ.

ຖະ​ແຫລ​ງການ​ສະບັບ​ນຶ່ງ ຈາກ​ຫ້ອງ​ວ່າການ​ປະທາ​ນາ​ທິບໍ​ດີ ​ເອີ້ນ​ເຫດການ​ດັ່ງກ່າວ​ນີ້ ​
ເປັນ “ໂສກ​ນາດຕະກຳ” ​ແຕ່​ບໍ່​ໄດ້ໃຫ້​ຈຳນວນ​ຄົນ​ທີ່​ເສຍ​ຊີວິດ.

ລັດຖະບານ​ກ່າວ​ວ່າ ຕົນ​ກຳລັງ​ສືບສວນ​ຫາ​ສາ​ເຫດ​ຢູ່.

XS
SM
MD
LG