ທະຫານຫຼາຍສິບຄົນໄດ້ຍຶດຄອງພື້ນທີ່ຕ່າງໆຂອງ ສານສູງສຸດຂອງປະເທດ ກີນີ ບິສຊາວ ອີງຕາມການກ່າວຂອງສານວັນອັງຄານວານນີ້ ເຮັດໃຫ້ວິກິດການຫຼັງຈາກການເລືອກຕັ້ງຮຸນແຮງຂຶ້ນ ເຊິ່ງໄດ້ສົ່ງຜົນໃຫ້ມີການແຕ່ງຕັ້ງຂອງຄູ່ແຂ່ງເປັນປະທານາທິບໍດີ ແລະ ກີດກັ້ນສື່ມວນຊົນລັດຖະບານ.
ທະຫານຂອງປະເທດໃນອາຟຣິກາຕາເວັນຕົກ ຊຶ່ງໄດ້ເຂົ້າແຊກແຊງຢ່າງເປັນປະຈຳໃນການເມືອງຫວ່າງບໍ່ເທົ່າໃດທົດສະວັດທີ່ຜ່ານມານີ້ ໄດ້ປະກາດວ່າຈະຮັກສາຄວາມເປັນກາງກ່ອນການເລື້ອຕັ້ງໃນເດືອນທັນວາຈະມາເຖິງນີ້. ແຕ່ການປາກົດໂຕອາທິດແລ້ວນີ້ຂອງພວກເຈົ້າໜ້າທີ່ອະວຸໂສທະຫານຢູ່ພິທີຮັບຕຳແໜ່ງທີ່ມີການໂຕ້ແຍ້ງຂອງ ທ່ານອູມາໂຣ ຊິສໂຊໂກ ອຳບາໂລ ໃນນາມປະທານາທິບໍດີ ປາກົດວ່າສົ່ງສັນຍານວ່າຕົນໄດ້ເລືອກຝ່າຍໃດຝ່າຍນຶ່ງ
ຄະນະກຳມາທິການເລືອກຕັ້ງໄດ້ຢືນຢັນຊ້ຳແລ້ວຊ້ຳອີກວ່າ ທ່ານອຳບາໂລ ໃນນາມຜູ້ຊະນະຮອບສຸດທ້າຍຂອງວັນທີ 29 ທັນວາ ເຖິງແມ່ນວ່າມີການຕຳນິຈາກສານສູງສຸດ ແລະໄດ້ປະກາດເປັນຜູ້ຮອງຊະນະເລີດ ທີ່ຄະນະກຳມາທິການ ບໍ່ໃຫ້ຄວາມນັບຖືຄຳສັ່ງຂອງສານ ເພື່ອປະຕິບັດການກວດສອບຢ່າງເຕັມທີ່ຈອງການປ່ອນບັດ.
ໃນວັນຈັນທີ່ຜ່ານມາ ພວກທະຫານທີ່ຢູ່ເດີ່ນສານສູງສຸດໃນນະຄອນບິສຊາວ ເມືອງຫຼວງ ໄດ້ກີດກັ້ນທາງເຂົ້າຂອງພວກໄອຍະການ ແລະພວກເຈົ້າໜ້າທີ່ ທີ່ໂຄສົກສານ ທ່ານຊາລິໂມ ວີເອຣາ ໄດ້ກ່າວຕໍ່ພວກນັກຂ່າວຣອຍເຕີ.
ທ່ານກ່າວເພີ້ມວ່າ ສານຢູ່ແຫ່ງອື່ນໆໄດ້ມີທະຫານຢູ່ທີ່ນັ້ນ “ພວກທະຫານຍັງປະຕິເສດບໍ່ໃຫ້ເຂົ້າໄປສານສູງສຸດ ທີ່ບໍ່ສາມາດເຮັດວຽກໄດ້.”
ວິທະຍຸລັດຖະບານໄດ້ມິດງຽບ ແລະໂທລະພາບລັດຖະບານໄດ້ສະແດງໃຫ້ເຫັນພຽງແຕ່ໜ້າທີ່ບໍ່ມີຫຍັງໝົດ ນັບແຕ່ງວັນທີ 29 ກຸມພາເຫັນຕົ້ນມາ. ຖະໜົນຫົນທາງຢູ່ນະຄອນບິສຊາວຍັງມິດງຽບ.
