ລິ້ງ ສຳຫລັບເຂົ້າຫາ

ວັນສຸກ, ໒໙ ມີນາ ໒໐໒໔

ມີການຮຽກຮ້ອງ ໃຫ້ສົ່ງກຳລັງ ຮັກສາສັນຕິພາບ ສປຊ ໄປຍັງ Guinea Bissau


ນາຍພົນ Agusto Mario ເສນາທິການຂອງກອງທັບ Guinea-Bissau ໃນຮູບທີ່ຖ່າຍຢູ່ສະໜາມບິນນະຄອນ Bissau ເມື່ອວັນທີ 16 ເມສາຜ່ານມານີ້.
ນາຍພົນ Agusto Mario ເສນາທິການຂອງກອງທັບ Guinea-Bissau ໃນຮູບທີ່ຖ່າຍຢູ່ສະໜາມບິນນະຄອນ Bissau ເມື່ອວັນທີ 16 ເມສາຜ່ານມານີ້.

ລັດຖະມົນຕີ​ການ​ຕ່າງປະ​ເທດ​ຂອງ Guinea Bissau ຮຽກຮ້ອງ​ໃຫ້​ສະພາ​ຄວາມ​ໝັ້ນຄົງ
ຂອງ​ອົງການ​ສະຫະ​ປະຊາ​ຊາດ ອະນຸດ​ມັດ​ການ​ສົ່ງ​ກຳລັງ​ຮັກສາສັນຕິພາບ​ໄປ​ຍັງ​ປະ​ເທດ
ດັ່ງກ່າວ ​ເພື່ອ​ຊ່ອຍ​ຟື້ນຟູ​ຄວາມ​ປອດ​ໄພຫຼັງຈາກ​ໄດ້ມີ​ການ​ກໍ່​ລັດຖະປະຫານ​ຂອງ​ພວກ​ທະ
ຫານ​ໃນ​ສັບປະດາ​ແລ້ວ.

ລັດຖະມົນຕີ​ການ​ຕ່າງປະ​ເທດ Mamadu Jalo Pires ​ໄດ້​ຮຽກຮ້ອງ​ໃຫ້​ສະພາ​ຄວາມ​ໝັ້ນ
ຄົງທີ່​ມີ​ສະມາຊິກ 15 ປະ​ເທດ ສົ່ງ​ກຳລັງ​ຮັກສາ​ສັນຕິພາບ​ ໄປຍັງ Guinea Bissau ຊຶ່ງ​
ເປັນປະ​ເທດນ້ອຍໆ​ທີ່​ຕັ້ງຢູ່​ໃນ​ເຂດ​ອາ​ຟຣິກາ​ຕາ​ເວັນຕົກ​ຈົນ​ກວ່າ​ປະ​ເທດ​ດັ່ງກ່າວຈະ​ສາມາດ​
ຟື້ນຟູ​ການ​ປົກຄອງ​ຂອງ​ພົນລະ​ເຮືອນ​ໄດ້.

ແຕ່​ແນວ​ໃດ​ກໍ​ຕາມ ພວກ​ນັກ​ການ​ທູດ​ກ່າວ​ວ່າທາງ​ສະພາ​ຄວາມ​ໝັ້ນຄົງ​ຢາກ​ໃຫ້ມີ​ການ​ໄກ່
ເກ່ຍຂອງ​ທຸກໆ​ອົງການ​ຈັດຕັ້ງ​ໃນ​ພູມີພາກ ​ເຊັ່ນ ​ສະຫະພາບ​ອາ​ຟຣິກາ ປະຊາ​ຄົມ​ເສດຖະ
ກິດ​ຂອງ​ບັນດາ​ລັດ​ໃນ​ອາ​ຟຣິກາ​ຕາ​ເວັນ​ຕົກຫຼື ECOWAS ​ເສຍກ່ອນໆ​ທີ່​ຈະ​ອະນຸມັດ​ໃຫ້​
ມີ​ການ​ສົ່ງກຳລັງ​ຮັກສາ​ສັນຕິພາບ​ເຂົ້າ​ໄປ.

ກຸ່ມ ECOWAS ​ໄດ້​ປະນາມ​ແຜນການ​ຂອງ​ພວກ​ທະຫານ ​ທີ່​ຈະ​ຈັດການ​ເລືອກຕັ້ງພາຍ​
ໃນ​ເວລາ​ສອງ​ປີ ​ໂດຍ​ກ່າວ​ຫາ​ພວກ​ຜູ້ນຳ​ທະຫານ​ວ່າບໍ່ເອົາຫົວຊາ​ຕໍ່​ຄວາມ​ເຂົ້າ​ໃຈ​ທີ່​ໄດ້​ມີ
ການ​ບັນລຸ​ກັນ​ກ່ອນ​ໜ້ານີ້ ທີ່​ໃຫ້​ຟື້ນຟູ​ການ​ປົກຄອງ​ແບບ​ປະຊາ​ທິປະ​ໄຕ​ໃນ​ທັນທີ ຢູ່​ໃນ​ປະ
ເທດ​ດັ່ງກ່າວ.

XS
SM
MD
LG