ລິ້ງ ສຳຫລັບເຂົ້າຫາ

ວັນພະຫັດ, ໒໘ ມີນາ ໒໐໒໔

ທະຫານ ຢຶດອຳນາດ ຢູ່ Guinea-Bissau


ທະຫານ Guinea Bissau ຫຼັງຈາກເສັດສິ້ນການຖະແຫຼງຂ່າວ ທີ່ກອງບັນຊາການທະຫານ ໃນນະຄອນຫຼວງ Bissau (19 ມີນາ 2012)
ທະຫານ Guinea Bissau ຫຼັງຈາກເສັດສິ້ນການຖະແຫຼງຂ່າວ ທີ່ກອງບັນຊາການທະຫານ ໃນນະຄອນຫຼວງ Bissau (19 ມີນາ 2012)

ພວກ​ທີ່​ເຫັນ​ເຫດການ​ກ່າວ​ວ່າ ທະຫານ​ໃນ​ Guinea-Bissau ​ໄດ້​ເຂົ້າຄວບ​ຄຸມຖະໜົນຫົນ
ທາງ​ສາຍ​ຕ່າງໆ​ໃນ​ນະຄອນຫຼວງ Bissau ​ໃນ​ອັນ​ທີ່​ປາກົດ​ວ່າ​ ເປັນ ການ​ພະຍາຍາມ​ກໍ່​ລັດ
ຖະປະຫານ.

ພວກ​ທະຫານ​ໄດ້​ໂຈມ​ຕີ​ເຮືອນ ​ຂອງ​ຜູ້​ສະມັກ​ປະທານາທິບໍ​ດີ​ ທີ່​ມີ​ຄະ​ແນນ​ນິຍົມ​ນຳໜ້າ​ໝູ່ຄື​
ທ່ານ Carlos Gomes, Jr. ທີ່​ກຳລັງ​ຈະ​ອອກຈາກ​ຕຳ​ແໜ່​ງນາຍົກລັດຖະມົນຕີ​ນັ້ນ. ທ່ານ
ຢູ່​ໃສ​ໃນ​ເວລາ​ນີ້ຍັງ​ບໍ່​ມີ​ໃຜ​ຮູ້ຈັກ.

ພວກ​ທີ່​ເຫັນ​ເຫດການ​ກ່າວ​ວ່າ ນອກ​ນັ້ນ ທະຫານ​ຍັງ​ໄດ້​ຈັບ​ພວກ​ນັກ​ການ​ເມືອງຈຳນວນ​ນຶ່ງ
ແລະ​ເຂົ້າຄວບ​ຄຸມ​ສຳນັກງານ​ໃຫຍ່ຂອງ​ພັກ​ລັດຖະບານ ແລະ​ວິທະຍຸແຫ່ງ​ຊາດ ຂະນະ​ທີ່ໄດ້​
ຍິນສຽງ​ປືນ​ແລະ​ຈະ​ຫຼວດດັງ​ຂຶ້ນຢູ່ໃນ​ນະຄອນຫຼວງຂອງປະ​ເທດ​ດັ່ງກ່າວ.

ປະຊາ​ຄົມ​ເສດຖະກິດ​ຂອງ​ບັນດາ​ລັດ​ອາ​ຟ​ຣິກາ​ຕາ​ເວັນ​ຕົກທີ່​ຮູ້​ກັນ​ໃນ​ນາມ​ກຸ່ມ ECOWAS
ໄດ້​ປະກາດ​ວ່າ ຕົນ​ຂໍ​ປະນາມ​ການ​ພະຍ​ະຍາ​ຍາມ​ໃດໆ​ກໍ​ຕາມ​ເພື່ອກໍ່​ການ​ລັດຖະປະຫານຂຶ້ນ
ນັ້ນ.

ສະຖານທູດ​ສະຫະລັດ​ທີ່​ນະຄອນ Dakar ປະ​ເທດ Senegal ຊຶ່ງ​ມີໜ້າ​ທີ່​ຮັບຜິດ​ຊອບກວມ
ທັງ​ Guinea-Bissau ນຳ​ນັ້ນ ​ໄດ້​ອອກແຈ້ງ​ການ​ສຸກ​ເສີນ​ເຕືອນ​ປະຊາ​ຊົນ​ອາ​ເມຣິກັນ​ຢູ່​ໃນ
ປະ​ເທດ​ເພື່ອນ​ບ້ານ​ດັ່ງກ່າວ ບໍ່​ໃຫ້​ເຂົ້າ​ໄປ​ໃນ​ເຂດ​ໃຈກາງນະຄອນຫຼວງ Bissau. ​ແຈ້ງ​ການ
ເວົ້າວ່າລາຍ​ງານ​ກ່ຽວ​ກັບ​ຄວາມ​ຮຸນ​ແຮງຢູ່​ໃນ​ນະຄອນຫຼວງອາດ​ຍັງ​ຜົນ​ມາ​ຈາກ​ການ​ກໍ່ຫຼືການ
ພະຍາຍາມ​ກໍ່​ລັດຖະປະຫານແລະ​ມີ​ຄວາມ​ເປັນ​ໄປ​ໄດ້​ເພີ່ມ​ຂຶ້ນກ່ຽວ​ກັບ​ການ​ບໍ່​ມີ​ສະຖຽນລະ
ພາບ​ທາງ​ດ້ານ​ການເມືອງ​ແລະ​ຄວາມ​ວຸ້ນວາຍໃນ​ດ້ານ​ພົນລະ​ເຮືອນ​ຫຼື​ທະຫານ​ແມ່ນ​ຍັງ​ມີ​ຢູ່​ສູງ.

ເຫດ​ຮ້າຍ​ທີ່​ວ່າ​ນີ້ມີ​ຂຶ້ນນຶ່ງ​ມື້ກ່ອນ​ຈະ​ເລີ່​ມການ​ໂຄສະນາ​ຫາ​ສຽງ​ສຳລັບ​ການ​ເລືອກຕັ້ງປະທາ
ນາທິບໍດີຮອບ​ສອງຢູ່​ໃນ Guinea-Bissau.

ພັກ​ຝ່າຍ​ຄ້ານ​ຂອງ Guinea-Bissau ທີ່​ນຳ​ໂດຍ​ທ່ານ Kumba Yala ຊຶ່ງ​ໄດ້ຮັບ​ຄະ​ແນນ
ເປັນ​ທີ​ສອງ​ໃນ​ການ​ເລືອກ​ຕັ້ງຮອບ​ທຳ​ອິດ​ນັ້ນ​ໄດ້​ຮຽກຮ້ອງ​ບໍ່​ໃຫ້​ປະຊາ​ຊົນ​ໄປ​ປ່ອນ​ບັດຮອບ
ສອງ​ໃນ​ວັນ​ທີ 29 ​ເດືອນ​ນີ້ ​ແລະ​ໄດ້​ເຕືອນ​ກ່ຽວ​ກັບ​ການ​ໂຄສະນາ​ຫາ​ສຽງ. ທ່ານ Yala ​
ແມ່ນ​ນຶ່ງ​ໃນ​ບັນດາ​ຜູ້​ສະມັກ 5 ທ່ານ ທີ່​ອ້າງ​ວ່າ ​ໄດ້​ມີ​ການ​ສໍ້​ໂກງ​ຄະ​ແນນ​ສຽງ​ໃນການ​ເລືອກ
ຕັ້ງຮອບ​ທຳ​ອິດ​ນັ້ນ.

XS
SM
MD
LG