ປະຊາຊົນປະມານ 50 ຄົນເສຍຊີວິດແລະຫລາຍກວ່າ 20 ຄົນໄດ້ຮັບບາດເຈັບໃນອຸບັດເຫດທ້ອງຖະໜົນສາຍນຶ່ງ ໃນພາກຕາເວັນອອກຂອງປະເທດໃນວັນເສົາວານນີ້. ທ່ານ Alhassane Conde ເຈົ້າໜ້າທີ່ລັດຖະບານທ້ອງຖິ່ນ ໄດ້ອອກຖະແຫລງການສະບັບນຶ່ງທີ່ ກ່າວວ່າ ລົດບັນທຸກຄັນນຶ່ງໄດ້ພົວພັນໃນອຸບັດເຫດດັ່ງກ່າວ ແລະທ່ານ ໄດ້ສະແດງຄວາມເສົ້າສະຫລົດໃຈໄປຍັງຄອບຄົວພວກໄດ້ຮັບເຄາະ ຮ້າຍໃນຄັ້ງນີ້.
ອົງການຂ່າວຝຣັ່ງ ອ້າງຄໍາເວົ້າຂອງຜູ້ທີ່ເຫັນເຫດການຄົນນຶ່ງ ທີ່ກ່າວ ວ່າ ໄດ້ມີການດຶງສົບຂອງພວກທີ່ເສຍຊີວິດ 46 ສົບອອກຈາກຊາກຫັກພັງ ແລະວ່າ 4 ຄົນຕື່ມອີກໄດ້ເສຍຊີວິດກ່ອນໄປຮອດໂຮງໝໍ. ຜູ້ທີ່ເຫັນເຫດການຄົນນີ້ກ່າວຕື່ມວ່າ ມີ 27 ຄົນໄດ້ຮັບບາດເຈັບ.
ໃນການກ່າວທາງໂທລະສັບ ຜູ້ເຫັນເຫດການຄົນນີ້ກ່າວຕື່ມວ່າ ອຸບັດເຫດດັ່ງກ່າວເກີດຂຶ້ນບົນຖະໜົນສາຍນຶ່ງລະຫວ່າງເມືອງ Moribadou ແລະເມືອງ Beyla ໃນຂະນະທີ່ລົດບັນທຸກຄັນນີ້ແລ່ນລົງຄ້ອຍ ແລະລະບົບຫ້າມ ຫລື brake ເກີດຕິດຂັດບໍ່ທໍາງານ. ຜູ້ກ່ຽວເວົ້າຕື່ມວ່າ ລົດບັນທຸກຄັນນີ້ກໍາລັງບັນທຸກຄົນໄປຕະຫຼາດປະຈໍາອາທິດໃນເມືອງ Beyla.