ລັດຖະມົນຕີການເງິນຂອງກຣິສ ໄດ້ກ່າວຫາ ພວກໃຫ້ເງິນກູ້
ຢືມແກ່ Athens ວ່່າ ເປັນ “ພວກກໍ່ການຮ້າຍ.”
ທ່ານ Yanis Varoufakis ໄດ້ກ່າວຕໍ່ໜັງສືພິມ El Mundo
ຂອງສະເປນວ່າ ພວກເຈົ້າໜ້າໜີ້ທີ່ໃຫ້ເງິນກູ້ຢືມກຳລັງປະຕິ
ບັດກັບກຣິສ “ແບບພວກກໍ່ການຮ້າຍ.” ທ່ານກ່າວວ່າ “ອັນທີ່
Brussel ແລະສາມຝ່າຍຕ້ອງການໃນມື້ນີ້ “ແມ່ນ” ການລົງ
ປະຊາມະຕິ ‘ເຫັນພ້ອມ’ ເປັນຝ່າຍຊະນະເພື່ອເຂົາເຈົ້າຈະໄດ້
ສ້າງຄວາມອັບ ອາຍຂາຍໜ້າໃຫ້ແກ່ປະຊາຊົນກຣິສ.”
ການສຳພາດດັ່ງກ່າວ ໄດ້ພິມເຜີຍແຜ່ໃນວັນເສົາມື້ນີ້ ນຶ່ງມື້ກ່ອນ
ກຣິສ ລົງປະຊາມະຕິ ກ່ຽວກັບເງື່ອນໄຂໃນການຊ່ວຍກອບກູ້ເສດຖະກິດຂອງຢູໂຣບ.
ນາຍົກລັດຖະມົນຕີກຣິສ ທ່ານ Alexis Tsipras ກຳລັງຮຽກຮ້ອງໃຫ້ບັນດາຜູ້ມີສິດປ່ອນ
ບັດ ໄປລົງຄະແນນສຽງ “ຄັດຄ້ານ” ກ່ຽວກັບວ່າ ກຣິສຄວນຮັບເອົາເງື່ອນໄຂເຫຼົ່ານັ້ນຫລື
ບໍ່.
ທ່ານ Tsipras ກ່າວໃນວັນສຸກວານນີ້ວ່າ ການລົງຄະແນນສຽງ “ຄັດຄ້ານ” ອາດຈະໃຫ້
ໂອກາດແກ່ກຣີສ “ໄດ້ຢູ່ຢ່າງມີກຽດສັກສີໃນຢູໂຣບ" ແລະໃຫ້ Athens ມີອຳນາດຕໍ່ລອງຫລາຍຂື້ນ ໃນກາເຈລະຈາ ກັບພວກໃຫ້ເງິນກູ້ຢືມຢູໂຣບ.
ທ່ານ ໄດ້ຖະແຫລງຕໍ່ການໂຮມຊຸມນຸມກັນ ຂອງ 25,000 ຄົນ ທີ່ສະໜັບສະໜູນໃຫ້ລົງ
ຄະແນນສຽງ “ຄັດຄ້ານ” ຢູ່ໃນເຂດໃຈກາງນະຄອນ Athens ໂດຍມີປ້າຍນຶ່ງອ່ານວ່າ
“ໃນວັນທີ 5 ກໍລະກົດພວກເຮົາຈະຂຽນປະຫວັດສາດໃໝ່ດ້ວຍ ການລົງຄະແນນ ຄັດຄ້ານ.”
“ຂ້າພະເຈົ້າຈະບໍ່ຮ້ອງໃຫ້ ຂ້າພະເຈົ້າຈະບໍ່ຢ້ານກົວ ຂ້າພະເຈົ້າຈະກ່າວວ່າ ບໍ່ຫຼື ຄັດຄ້ານ”
ບັນດາຜູ້ສະໜັບສະໜູນ ທ່ານ Tsipras ພາກັນຮ້ອງໂຮ ໃນຂະນະທີ່ເຂົາເຈົ້າ ພາກັນເດີນຂະບວນໄປຍັງຈະຕຸລັດ Syntagma ບ່ອນທີ່ໄດ້ມີການໂຮມຊຸມຕໍ່ຕ້ານການປະຢັດ
ມັດທະຍັດຄັ້ງທີ່ຜ່ານມາ.
ໃນຂະນະທີ່ການເດີນຂະບວນໄດ້ດຳເນີນໄປນັ້ນ ຕຳຫລວດໄດ້ແກວ່ງລະເບີດທີ່ເຮັດໃຫ້ແຕກຕື່ນສັບສົນເຂົ້າໃສ່ແລະປະທະ ກັບພວກຜູ້ປະທ້ວງ ກ່ອນສະຖາ ນະການງຽບສະ
ຫງົບລົງ. ຕຳຫລວດກຣິສ ກ່າວວ່າ ສອງຄົນໄດ້ຖືກກັກໂຕໄວ້.
Greece's Financial Condition Getting Worse
