ການນັດຢຸດງານປະທ້ວງໃນກຣີສນັ້ນ ໄດ້ເຮັດໃຫ້ສາຍການບິນທັງຫລາຍຕ້ອງໄດ້ຍົກເລີກ ຖ້ຽວບິນພານິດທັງໝົດໃນທົ່ວປະເທດ.
ພວກປະທ້ວງຍັງສືບຕໍ່ການເດີນຂະບວນແລະຢຸດເຮັດການເພື່ອສະແດງໃຫ້ເຫັນເຖິງຄວາມ
ບໍ່ພໍໃຈ ກັບແຜນການປະຢັດມັດມະຍັດຄັ້ງລ່າສຸດຂອງລັດຖະບານເອເທນສ໌ ເພື່ອຫລີກ
ລ່ຽງການຜິດສັນຍາຊໍາລະໜີ້ຂອງກຣີສນັ້ນ.
ພວກເຈົ້າໜ້າທີ່ກຣີສຄາດວ່າການປະທ້ວງໃນວັນພຸດມື້ນີ້ຈະສົ່ງຜົນກະທົບຕໍ່ການບໍລິການ
ຂົນສົ່ງສາທາລະນະ. ສາຍການບິນ Aegean Air ກ່າວວ່າ ຖ້ຽວບິນທັງໝົດຂອງວັນ
ພຸດມື້ນີ້ ໄດ້ຖືກລົບລ້າງ ຍ້ອນວ່າພວກພະນັກ ງານປະຈໍາຫໍບັງຄັບການບິນກໍພາກັນເຂົ້າ
ຮ່ວມການນັດຢຸດງານ. ການບໍລິ ການທາງລົດເມ ກໍ່າປັ່ນຂ້າມຟາກ ແລະລົດໄຟກໍຄາດ
ວ່າ ຈະໄດ້ຮັບການ ລົບກວນເຊ່ນດຽວກັນ.
ໂຮງຮຽນແລະທີ່ທຳການລັດຖະບານຫລາຍແຫ່ງ ກໍປິດລົງໃນວັນພຸດມື້ນີ້.
ພວກປະທ້ວງໄດ້ຕັນທາງເຂົ້າຕຶກໂຮງການລັດຖະບານຫລາຍໆແຫ່ງເມື່ອ ວັນອັງຄານ
ວານນີ້ ໂຮມທັງກະຊວງການເງິນ ແລະກະຊວງແຮງງານຂອງ ກຣີກນໍາດ້ວຍ.
ເວລານີ້ ພວກສະມາຊິກປະເທດທີ່ໃຊ້ເງິນຢູໂຣ ແລະອົງການກອງທຶນສາກົນ ກໍາລັງ
ພະຍາຍາມຕັດສິນໃຈວ່າ ຈະອະນຸມັດຫຼືປ່ອຍຈ່າຍງວດໜ້າໃຫ້ກຣີສຫລືບໍ່. ກ່ອນຈະ
ປ່ອຍເງິນດັ່ງກ່າວນີ້ ປະຊາຄົມນານາຊາດ ກໍາລັງສຶກສາເບິ່ງຮ່ອງຮອຍ ຂອງການຕັດ
ການໃຊ້ຈ່າຍທີ່ສໍາຄັນຕ່າງໆ ຂອງລັດຖະບານກຣີສ.
ປະເທດກຣີສ ໄດ້ປະກາດເມື່ອວັນອາທິດຜ່ານມາວ່າ ຕົນຈະພາດເປົ້າໝາຍໃນການ
ຕັດໜີ້ລົງ ເກືອບນຶ່ງເປີເຊັນ.
ເບິ່ງວີດີໂອ ລາຍງານທີ່ກ່ຽວຂ້ອງກັນ ພາສາອັງກິດ: