ລິ້ງ ສຳຫລັບເຂົ້າຫາ

ຊາວກຣິສທໍາການປະທ້ວງ ຕາມຖະໜົນໃນກຸງເອເທັນສ໌ (ເບິ່ງວີດີໂອ)

  • ສິງ ບູຣົມມະວົງ

ການປະທ້ວງທີ່ກຸງອາເທັນ, ກຣິສ. ວັນທີ 4 ຕຸລາ 2011.

ພວກ​ປະ​ທ້ວງ​ກຣິສພາກັນ​ເດີນ​ຂະ​ບວນ​ໄປ​ຕາມ​ຖະໜົນ​ຫົນທາງ​ສາຍ ຕ່າງໆ​ໃນ​ກຸງ Athens ​ໃນ​ວັນ​ອັງ​ຄານ​ມື້​ນີ້​ເພື່ອ​ສະ​ແດງ​ຄວາມ​ບໍ່ພໍ​ໃຈ ຂອງ​ເຂົາ​ເຈົ້າ​ນໍາ​ແຜນການ​ປະຢັດ​ມັດທະ​ຍັດ​ຕ່າງໆ​ສໍາລັບ​ປະ​ເທດ​ຂອງ​ເຂົາ​ເຈົ້າ.

ພວກ​ປະ​ທ້ວງ​ໄດ້​ພາກັນ​ຕັນ​ທາງ​ເຂົ້າ​ຫາຕຶກ​ອາຄານ​ໂຮງການ​ລັດຖະບານຫລາຍ​ແຫ່ງ ຮວມທັງ​ພວກ​ຕຶກ​ກະຊວງ​ການ​ເງິນ​ແລະ​ກະຊວງ​ແຮງງານ​ນໍາ​.

ພວກ​ເດີນ​ຂະ​ບວນປະ​ທ້ວງ​ກ່າວ​ວ່າ ພວກ​ເຂົາ​ເຈົ້າ​ບໍ່​ຢາກ​ເສຍ​ວຽກ​ເສຍ​ການ ຫລື​ຕັດ​ຄ່າ​ຈ້າງ​ເງິນ​ເດືອນ​ຂອງ​ເຂົາ​ເຈົ້າ​ລົງ ​ອັນ​ເປັນ​ພາກສ່ວນ​ນຶ່ງ​ໃນ​ການ​ຂະຫຍາ​ຍມາດ​ຕະການ​ປະຢັດ​ມັດທະຍັດ​ອອກ​ອີກ ​ເພື່ອ​ເອົາ​ໃຈ​ພວກເຈົ້າໜີ້​ຕ່າງປະ​ເທດແລະ​ເພື່ອ​ຫລີກ​ລ້ຽງ​ບໍ່ໃຫ້ວິ​ກິດ​ການ​ດ້ານເສດ ຖະກິດ​ຮ້າຍແຮງຂຶ້ນຕື່ມ.

ພວກ​ສະມາຊິກ​ປະ​ເທດ​ໃຊ້​ເງິນ​ຢູ​ໂຣ ​ແລະ​ກອງ​ທຶນ​ສາກົນ​ກໍາລັງ​ພະຍາຍາມ​ຕັດສິນ​ໃຈ​ວ່າ
ຈະ​ປ່ອຍ​ເງິນ​ກູ້​ຢືມ​ງວດ​ຕໍ່​ໄປ​ໃຫ້ກຣິສຫລື​ບໍ​ນັ້ນ. ກ່ອນຈະ​ປ່ອຍ​ເງິນງວດ​ຕໍ່ໄປ ປະຊາ​ຄົມ​ໂລກແມ່ນຢາກເຫັນຮ່ອງຮອຍ​ຕ່າງໆ​ໃນ​ການ​ຕັດ​ຄ່າ​ໃຊ້​ຈ່າຍ​ລົງ​ຢ່າງ​ຫລວງຫລາຍ​ຂອງ
ລັດຖະບານ​ກຣິສນັ້ນ.

ກຣິສປະກາດ​ໃຫ້​ຮູ້​ໃນ​ວັນ​ອາທິດ​ຜ່ານ​ມາ​ນີ້​ວ່າ ຕົນ​ຈະ​ພາດ​ເປົ້າ​ໝາຍ​ໃນ​ການ​ລົດ​ໜີ້​ສິນລົງ​
ນັ້ນ ເກືອ​ບ 1 ​ເປີ​ເຊັນ.

ເບິ່ງວີດີໂອລາຍງານພາສາອັງກິດ:

XS
SM
MD
LG