ລິ້ງ ສຳຫລັບເຂົ້າຫາ

ວັນພຸດ, ໒໒ ພຶດສະພາ ໒໐໒໔

ເຈົ້າໜ້າທີ່ກຣິສ ພົບປະກັບ ພວກເຈົ້າໜີ້ຕ່າງປະເທດ ເພື່ອ ພິຈາລະນາ ຄຳຮ້ອງຂໍຂອງກຣີສ


ນາຍົກລັດຖະມົນຕີກຣິສ ທ່ານ Alexis Tsipras ກ່າວໃນ ກອງປະຊຸມຖະແຫລງຂ່າວ ຫຼັງຈາກເຂົ້າຮ່ວມກອງປະຊຸມສຸດຍອດ ບັນດາຜູ້ນຳ ສະຫະພາບຢູໂຣບ ໃນນະຄອນ Brussels, ວັນທີ 12 ກຸມພາ 2015.
ນາຍົກລັດຖະມົນຕີກຣິສ ທ່ານ Alexis Tsipras ກ່າວໃນ ກອງປະຊຸມຖະແຫລງຂ່າວ ຫຼັງຈາກເຂົ້າຮ່ວມກອງປະຊຸມສຸດຍອດ ບັນດາຜູ້ນຳ ສະຫະພາບຢູໂຣບ ໃນນະຄອນ Brussels, ວັນທີ 12 ກຸມພາ 2015.

ກຣິສ ​ແລະ ບັນດາ​ເຈົ້າໜີ້​ຂອງ​ຕົນ ມີ​ແຜນ​ທີ່​ຈະ​ພົບ​ປະກັນ​ໃນ
​ວັນ​ສຸກ​ມື້​ນີ້ ​ເພື່ອເ​ປີດ​ການ​ສົນ​ທະ​ນາ​ທາງ​ດ້ານ​ເທັກນິກຕ່າງໆ
ກ່ຽວ​ກັບການຮຽກຮ້ອງຂອງກຣິສ ​ທີ່ຢາກໃຫ້ຫລຸດໜີ້​ຈຳນວນ
ມະຫາສານຂອງຕົນລົງແລະ​ໃຫ້​ຜ່ອນ​ຜັນມາດຕະການ​ປະຢັດ
​ມັດທະຍັດ ທີ່​ບັນດາ​ຜູ້​ໃຫ້ເງິນ​ກູ້​ຢືມ​ໄດ້​ວາງ​ອອກ​ໃຫ້ Athens
ປະຕິບັດ​ຕາມ​ນັ້ນ.

ລັດຖະມົນຕີ​ການ​ເງິນ​ຂອງ​ເນ​ເ​ທີ​ແລນ ທ່ານ Jeroen
Dijsselbloem ​ໄດ້​ກ່າວ​ວ່າ ການ​ປະຊຸມ​ແມ່ນ​ແນໃສ່​ເພື່ອ​ຊອກ
ຫາພື້ນຖານ​ຮ່ວມ​ກັນ​ລະຫວ່າງ ​ເປົ້າໝາຍ​ຂອງກຣິສ ​ເພື່ອຍຸດຕິ
ອັນ​ທີ່​ຕົນ​ເຫັນ​ວ່າ ມາດຕາ​ການປະຢັດ​ມັດທະຍັດ​ແບບທຳລາຍ
​ແລະ ຈຸດຢືນທີ່​ໜັກ​ແໜ້ນ​ຂອງຢູ​ໂຣບ ​ຕໍ່​ການ​ປ່ຽງ​ແປງ​ເງື່ອນ​ໄຂ​ຕ່າງໆ​ຂອງເງິນກູ້ຢືມ 300
ພັນລ້ານໂດລາ ​ແກ່ Athens ນັ້ນ.

​ໃນ​ຂະນະ​ທີ່ ນາຍົກລັດຖະມົນຕີຄົນ​ໃໝ່​ ທີ່​ນິຍົມ​ຊາຍ​ຂອງ​ກຣິສ ທ່ານ Alexis Tsipras
​ໄດ້​ເຂົ້າຮ່ວມ​ກອງ​ປະຊຸມສຸດ​ຍອດ​ສະຫະພາບ​ຢູ​ໂຣບ ​ເປັນເທື່ອທຳອິດ ຢູ່​ທີ່ນະຄອນ
Brussels ໃນ​ວັນພະຫັດ​ວານ​ນີ້ ທ່ານໄດ້ບັນລຸ​ຂໍ້​ຕົກລົງ ເພື່ອໃຫ້ບັນດາ​ເຈົ້າ​ໜ້າ​ທີ່​ກຣິສ
ພົບປະກັບ ບັນດາ​ຜູ້ຕາງໜ້າ​ຂອງ​ເຂດໃຊ້ເງິນ​ຢູ​ໂຣ ທະນາຄານ​ກາງ​ຢູ​ໂຣບ ​ແລະ ອົງການ​
ກອງ​ທຶນ​ສາກົນ.

ນາຍົກລັດຖະມົນຕີ​ເຢຍຣະມັນ ທ່ານ​ນາງ Angela Merkel ຜູ້​ເປັນ​ປະທານ​ຂອງ​ການ
ສະໜັບສະໜຸນ​ມາດຕະ​ການ​ປະຢັດ​ມັດທະຍັດ ​ໄດ້​ຍົກຍ້ອງ ຄວາມ​ເປັນ​ໄປ​ໄດ້​ກ່ຽວກັບ
ຄວາມຄືບໜ້າ ​ໃນສາຍ​ພົວພັນທີ່ ເປັນບັນຫາໂຕ້​ຖຽງ​ກັນກັບ​ບັນດາ​ຜູ້​ໃຫ້ເງິນ​ກູ້​ຢືມ​ ​ຂອງ
​ລັດຖະບານ​ກຣິດຊຸດ​ໃໝ່ນັ້ນ.

ທ່ານ​ນາງ​ເວົ້າວ່າ “ຢູ​ໂຣບ​ແມ່ນ​ເລັງໄປໃສ່​ທາງ ທີ່​ມີການຜ່ອນ​ສັ້ນຜ່ອນ​ຍາວ​ກັນ
ສະ​ເໝີມາ.”

ກຣິສຢາກ​ໃຫ້​ບັນ​ດາ​ເຈົ້າໜີ້​ຂອງ​ຕົນ ​ໃຫ້​ເງິນ​ກູ້​ຢືມ​ເປັນ​ຂັ້ນໆ ​ສຳ​ຫລັບ 2-3 ​ເດືອນ.
Athens ກ່າວ​ວ່າ ຕົນ​ຕ້ອງການ​ເວລາ​ໃນ​ການ​ເຈລະຈາ ກ່ຽວກັບການ​ປ່ຽນ​ແປງມາດ​
ຕະການ​ປະຢັດ​ມັດທະຍັດ ທີ່​ບັງຄັບ​ໃຊ້ຕໍ່​ປະ​ເທດ ຊຶ່ງ​ຢູ່​ພາຍ​ໃຕ້​ແຜນ​ດັ່ງກ່າວ​ນັ້ນ ​ເງິ​ນ
ເດືອນ ​ແລະ​ເງິນ​ເບ້ຍ​ບຳນານ ​ຕ່າງໆ ໄດ້​ຖືກ​ຕັດລົງ ພາສີ​ຕ່າງໆ​ໄດ້​ເພີ້​ມຂຶ້ນ ​ແລະ
ພະນັກງານ​ລັດຖະກອນ ຫຼາຍພັນ​ຄົນ​ໄດ້​ຖືກ​ປົດ​ອອກ​ຈາກ​ວຽກງານ.

GREECE BAILOUT VIDEO
please wait
Embed

No media source currently available

0:00 0:01:22 0:00

XS
SM
MD
LG