ເປັນທີ່ຄາດກັນຢ່າງກວ້າງຂວາງວ່າ ນາຍົກລັດຖະມົນຕີກຣິສ
ທ່ານ Alexis Tsipras ຈະສັບຊ້ອນຄະນະລັດຖະບານຂອງ
ທ່ານ ໃນບໍ່ເທົ່າໃດມື້ຂ້າງໜ້ານີ້ ຊຶ່ງບັດນີ້ ກຣິສໄດ້ຮັບກອງທຶນ
ສຸກເສີນໃນວົງເງິນທີ່ເພີ້ມຂຶ້ນ ຈາກ ທະນາຄານກາງ ຢູໂຣບ.
ການຊ່ວຍບັນເທົາຈາກຜູ້ໃຫ້ເງິນກູ້ຢືມຢູໂຣບ ມີຂຶ້ນຫຼັງຈາກ
ການລົງຄະແນນສຽງ ໂດຍບັນດາສະມາຊິກສະພາແຫ່ງຊາດ
ກຣິສ ໃນວັນພະຫັດວານນີ້ ໃຫ້ການອະນຸ ມັດຕໍ່ມາດຕະການ
ມັດທະຍັດທີ່ເຄັ່ງຄັດສະບັບໃໝ່ ຮວມທັງການຂື້ນພາສີ ແລະ
ຕັດເງິນເບ້ຍບຳນານ. ການລົງຄະແນນສຽງດັ່ງກ່າວ ໄດ້ກໍ່ໃຫ້
ເກີດຄວາມບໍ່ພໍໃຈ ຈາກສະມາຊິກພັກຈຳນວນໜຶ່ງຂອງທ່ານTsipras ເອງ ພ້ອມທັງການ
ປະທ້ວງຢູ່ຕາມຖະໜົນຫົນທາງໂດຍປະຊາຊົນກຣິສ ຜູ້ທີ່ກ່າວວ່າ ປະເທດຊາດ ໄດ້ຮັບ
ຄວາມຍາກລຳບາກຢູ່ແລ້ວ ຈາກມາດຕະການຕັດການໃຊ້ຈ່າຍຂອງລັດຖະບານ.
Athens ກ່າວວ່າ ເງິນທຶນໃໝ່ຂອງຢູໂຣບ ຈະອະນຸຍາດໃຫ້ສາມາດເປີດທະນາ ຄານ ທີ່
ໄດ້ປິດລົງໄປນັບຕັ້ງແຕ່ທ້າຍເດືອນມິຖຸນາແລ້ວນັ້ນ ຄືນອີກ. ບັນດາລູກຄ້າທະນາຄານ
ໄດ້ຖືກຈຳກັດໃນການຖອນເງິນພຽງແຕ່ 67 ໂດລາ ຫລື 60 ຢູໂຣ ຕໍ່ມື້ ຈາກຕູ້ຖອນເງິນ
ຢູ່ແຄມຖະໜົນ.
ລັດຖະບານ ໄດ້ກ່າວໃນຂະນະທີ່ທະນາຄານເປີດຄືນອີກວ່າ ການຖອນເງິນແບບ ຈຳກັດ
ຕໍ່ມື້ນັ້ນ ມີທ່າທາງວ່າຈະໄດ້ຮັບການຜ່ອນຜັນ ຈະເປັນຈຳກັດຕໍ່ໜຶ່ງອາທິດ ແຕ່ຍັງບໍ່ທັນໄດ້
ປະກາດເທື່ອ.
ນາຍົກລັດຖະມົນຕີ ເຢຍຣະມັນ ທ່ານນາງ Angela Merkel ໄດ້ກ່າວໃນວັນສຸກມື້ນີ້ ຕໍ່
ສະພາຕໍ່າເຢຍຣະມັນ ໃນຄວາມພະຍາຍາມທີ່ຈະຊັກຊວນໃຫ້ບັນດາສະມາຊິກສະພາ
ໃຫ້ສະໜັບສະໜູນການເຈລະຈາກ່ຽວກັບຂໍ້ຕົກລົງ ເພື່ອຊ່ວຍກອບກູ້ເສດຖະກິດ່ຂອງ
ກຣິສສະບັບໃໝ. ເຢຣະມັນ ຊຶ່ງເປັນປະເທດທີ່ຮັ່ງມີທີ່ສຸດໃນຢູໂຣບ ເປັນໜຶ່ງໃນບັນດາ
ຜູ້ໃຫ້ເງິນກູ້ຢືມແກ່ກຣິສ ແລະຄາດວ່າບັນດາ ສະມາຊິກສະພາ ຈະໃຫ້ການອະນຸມັດຕໍ່
ການເຈລະຈາຄັ້ງໃໝ່ສຳລັບ Athens.
