ກຣີສໄດ້ຍື່ນ ຂໍ້ສະເໜີການປະຕິຮູບເສດຖະກິດ ຕໍ່ບັນດາ
ເຈົ້າໜີ້ຢູໂຣບ ຊຶ່ງເປັນສ່ວນນຶ່ງຂອງຂໍ້ຕົກລົງຂໍເລື່ອນການ
ໃຊ້ໜີ້ເງິນກູ້ມະຫາສານຂອງຕົນ ທີ່ EU ໃຫ້ມາເພື່ອກອບກູ້
ເສດຖະກິດ ອອກໄປໃນໄລຍະ 4 ເດືອນນັ້ນ.
ທ່ານ Jeroen Dijsselbloem ທີ່ນຳພາກຸ່ມລັດຖະມົນຕີການເງິນ
ໃນເຂດໃຊ້ເງິນຢູໂຣ ກ່າວໃນວັນອັງຄານມື້ນີ້ ວ່າ ລາຍການຂອງ
ມາດຕະການປະຕິຮູບຕ່າງໆ ຂອງລັດຖະບານກຣີສ ແມ່ນໄດ້ຮັບ
ແລ້ວ ຕາມກຳນົດເວລາ.
ທ່ານ Dijsselbloem ກ່າວຕໍ່ບັນດາຜູ້ແທນສະຫະພາບຢູໂຣບວ່າ “ພວກເຂົາເຈົ້າ ໄດ້ສົ່ງໜັງສືສະບັບນຶ່ງ ມາໃຫ້ຂ້າພະເຈົ້າເມື່ອຄືນແລ້ວນີ້ ແລະ ມັນກຳລັງຖືກສັ່ງຊາເບິ່ງໃນຂະນະນີ້ ໂດຍສະຖາບັນຕ່າງໆ ສະນັ້ນ ພວກເຮົາຈະໄດ້ຍິນ ຈາກພວກເຂົາເຈົ້າໃນມື້ນີ້ຕາມທີຫຼັງ.”
ແຫລ່ງຂ່າວ ທີ່ໃກ້ຊິດກັບຄະນະກຳມາທິການຢູໂຣບກ່າວວ່າລາຍການຂໍ້ສະເໜີນັ້ນ ແມ່ນ
“ມີຄວາມພ້ອມພຽງຢ່າງຮອບດ້ານ ອັນເປັນຈຸດເລີ້ມຕົ້ນໄດ້” ສຳຫລັບການທົບທວນ
ຄືນ ທີ່ເປັນຜົນສຳເລັດ. ແຫລ່ງຂ່າວໄດ້ “ໃຫ້ການຊຸກຍູ້ເປັນການພິເສດ ເຖິງຄວາມ ໝັ້ນໝາຍອັນແຂງແຮງ ໃນການປາບປາມການຫລີກລ່ຽງບໍ່ຈ່າຍພາສີ ແລະ ການສໍ້ລາດບັງຫລວງ.”
ຕະຫລາດຮຸ້ນຂອງກຣີສ ໄດ້ສະໜອງຕອບໄປໃນທາງບວກກ່ຽວກັບ ການເຄື່ອນໄຫວ
ດັ່ງກ່າວ ໂດຍຖີບຕົວຂຶ້ນ 7 ເປີເຊັນ ໃນການຊື້ຂາຍ ຂັ້ນຕົ້ນໆ.
ຂໍ້ສະເໜີຕ່າງໆແມ່ນແນໃສ່ ເພື່ອຟື້ນຟູເສດຖະກິດ ທີ່ລົ້ມລຸກຄຸກຄານ ຂອງປະເທດ ແລະ
ການຕັດການໃຊ້ຈ່າຍຂອງລັດຖະບານລົງ ເພື່ອແລກປ່ຽນກັບການຕໍ່ເວລາໃຊ້ໜີ້ ເງິນກູ້
ຢືມ ຈຳນວນຫຼາຍກວ່າ 270 ພັນລ້ານດອນລາ ຊຶ່ງມີກຳນົດຈະໝົດອາຍຸລົງ ໃນອາທິດນີ້
ອອກ ໄປ. ກຣີສ ໄດ້ມີຄວາມເຫັນຈຳນວນນຶ່ງ ໃນການກຳນົດການປະຕິຮູບທີ່ຕົນຕ້ອງການ ຢາກເຮັດ ເພື່ອຮັກສາໄວ້ກ່ຽວກັບການກອບກູ້ເສດຖະກິດ ແຕ່ເງື່ອນໄຂຕ່າງໆນັ້ນ ຈະຕ້ອງ
ໄດ້ຮັບການອະນຸມັດໂດຍ ບັນດຜູ້ໃຫ້ເງິນ ກູ້ຢືມຢູໂຣບ ທະນາຄານກາງຢູໂຣບ ແລະ
ອົງການກອງທຶນສາກົນ.