ລິ້ງ ສຳຫລັບເຂົ້າຫາ

ວັນສຸກ, ໒໓ ກຸມພາ ໒໐໒໔

ຜູ້ຊາຍກຣິສ ຍິງຕົວຕາຍ ຍ້ອນມາດຕາການ ປະຫຍັດມັດຖະຍັດ ຂອງລັດຖະບານ (ເບິ່ງສະໄລດ໌)


ຝູງຊົນພາກັນເຕົ້າໂຮມກັນຢູ່ກ້ອງຕົ້ນໄມ້ ບ່ອນທີ່ Demitris Chrisstoulas ຍິງຕົວເອງຕາຍ ທີ່ຈະຕຸລັດ Syntagma ໃນກູງ Ethens ວັນພະຫັດ ທີ່ 5, 2012.
ຝູງຊົນພາກັນເຕົ້າໂຮມກັນຢູ່ກ້ອງຕົ້ນໄມ້ ບ່ອນທີ່ Demitris Chrisstoulas ຍິງຕົວເອງຕາຍ ທີ່ຈະຕຸລັດ Syntagma ໃນກູງ Ethens ວັນພະຫັດ ທີ່ 5, 2012.

ຜູ້​ຊາຍຊາວ​ກຣິສ ບໍານານ​ແລ້ວຄົນ​ນຶ່ງ ​ທີ່​ໄດ້ຍິງ​ຕົວ​ເອງ​ຕາຍຢູ່​ກາງນະຄອນຫລວງ
ເອ​ເທ​ນສ໌ ​ໃນ​ອາທິດນີ້ ​ໄດ້​ຂຽນ​ໜັງສື​ບອກ​ວ່າ ລາວຂ້າ​ຕົວ​ເອງ​ຕາຍ ກໍ​ເພາະວ່າ
ມາດຕາ​ການມັດ​ຖະຍັດທາງ​ດ້ານ​ການເງິນຂອງລັດຖະບານ ເຮັດ​ໃຫ້​ລາວ​ບໍ່ມີ​ເງິນ
​ໃຊ້ເລີຍ.

ການ​ເອົາ​ມາດ​ຕະການ​ອັນຮ້າຍ​ແຮງ​ຂອງນາຍ​ໝໍ​ຢາທີ່​ໄປບໍານານ​ແລ້ວຄົນ​ນີ້ ໄດ້​ເຮັດ
ໃຫ້​ລາວ​ກາຍ​ມາ​ເປັນສັນຍາ​ລັກ ທີ່​ໜ້າ​ສະ​ລົດ​ໃຈ​ຂອງ​ຊະ​ຕາ​ກໍາ​ທາງ​ເສດຖະກິດ​ຂອງ
​ປະ​ເທດ ທີ່​ມີ​ໜີ້​ສິນ​ທ່ວມຫົວ​ນັ້ນ.

ບັນດາໜັງສື​ພີ​ມກຣິສ​ໄດ້​ລົງ​ຂ່າວ​ ໃນ​ວັນ​ພະຫັດ​ວານ​ນີ້ ກ່ຽວ​ກັບ​ເນື້ອ​ໃນ​ຂອງໜັງສື
ທີ່ຂຽນລາ​ຂ້າ​ຕົວ​ຕາຍ​ຂອງ ທ່ານ Dimitris Christoulas ອາຍຸ 77 ປີ ຊຶ່ງລາວຂຽນ​
ວ່າ ມາດຕາການ​ປະ​ຫຍັດມັດ​ຖະຍັດ ທີ່ລັດຖະບານ​ກຣິສ​ໄດ້​ປະກາດ​ໃຊ້ເພື່ອ​ແລກ​ກັບ​
ການ​ຊ່ວຍ​ເຫລືອກອບ​ກູ້​ໜີ້​ສິນ​ໃຫ້​ ຂອງ​ນາໆ​ຊາດ​ນັ້ນ ​ແມ່ນ​ໄດ້ກວດເອົາ​ໄປ​ຈົນ​ໝົດ
ກ້ຽງ ເງິ​ນບໍານານ​ທີ່​ລາວ​ຄິດ​ວ່າ​ຈະ​ເອົາ​ໄວ້​ໃຊ້​ລ້ຽງ​ດູຕົນ​ເອງໃນ​ເວລາ​ກີ​ນ​ເບ້ຍ​ບໍານານນັ້ນ.

ທ່ານ Chritoulas ຍິງຕົວ​ຕາຍຢູ່​ທີ່​ຫົວ ​ໃນ​ຕອນ​ເຊົ້າ​ວັນ​ພຸດ ​ເວລາ​ທີ່ຜູ້ຄົນ​ກໍາລັງໜາ​
ແໜ້ນ​ພາກັນຟ້າວ​ຟັ່ງໄປ​ການ ຢູ່ຈະຕຸ​ລັດ Syntagma ກາງ​ເມືອງຫລວງ​ເອ​ເທັນ​ສ໌.
ໜັງສື​ທີ່​ລາວ​ຂຽນ​ປະ​ໄວ້ເວົ້າ​ວ່າ ລາວ​ໄດ້​ຕົກ​ຕໍ່າ​ເຖິງຂັ້ນ​ທີ່ຕ້ອງ​ໄດ້ໄປຊອກ​ກິນນໍາ​ກະ​
ໂຫລ່ງຂີ້​ເຫຍື້ອ ​ເພື່ອຍັງ​ຊີບ ​ແລະ​ບໍ່​ມີ​ທາງ​ອອກທີ່​ມີ​ກຽດ​ແບບ​ໃດ​ອີກ​ແລ້ວ.”

ເບິ່ງຮູບສະໄລດ໌ຊາວກຣິສສະແດງຄວາມເສຍໃຈນໍານາຍ Dimitris Christoulas
ທີ່ຂ້າໂຕຕາຍ:

XS
SM
MD
LG