ການເຈລະຈາກັນ ລະຫວ່າງ Greece ແລະເຈົ້າໜີ້ຢູໂຣບ ໄດ້ຍຸດຕິລົງໃນວັນພຸດວານນີ້ ໂດຍປາດສະຈາກການຜ່ອນສັ້ນຜ່ອນຍາວ ກ່ຽວກັບການຊ່ອຍກອບກູ້ເສດຖະກິດເປັນເງິນມະຫາສານ ແລະມາດຕະການປະຢັດມັດທະຍັດ ທີ່ໃຫ້ Athens ປະຕິບັດຕາມນັ້ນ.
ທັງສອງຝ່າຍ ບໍ່ໄດ້ແມ່ນແຕ່ຕົກລົງກັນ ກ່ຽວກັບການອອກ
ຖະແຫຼງການຮ່ວມ ຫຼັງຈາກການ ເຈລະຈາຢ່າງສຸກເສີນເປັນ
ເວລາ 7 ຊົ່ວໂມງ ລະຫວ່າງ ລັດຖະມົນຕີການເງິນ Greece
ທ່ານ Yanis Varoufakis ແລະບັນດາລັດຖະມົນຕີການເງິນ
ຂອງເຂດໃຊ້ເງິນຢູໂຣ ທີ່ນະ ຄອນ Brussels.
ທ່ານ Jeroen Dijsselbloem ປະທານຂອງລັດຖະມົນຕີການເງິນເຂດຢູໂຣ ໄດ້ກ່າວວ່າ ມັນບໍ່ມີຄວາມຄືບໜ້າພຽງພໍ ແມ່ນແຕ່ຈະຕົກລົງກັນວ່າ ຈະໂອ້ລົມກັນກ່ຽວກັບເລື້ອງຫຍັງ
ເວ ລາທັງສອງຝ່າຍພົບປະກັນອີກ ໃນວັນຈັນຈະມາເຖິງນີ້.
ທ່ານ Dijsselbloem ໄດ້ກ່າວວ່າ “ພວກເຮົາ ບໍ່ໄດ້ຮອດວ່າ ເຂົ້າເຖິງລາຍລະອຽດຂອງ
ຂໍ້ສະເໜີດ້ວຍຊ້ຳ ພວກເຮົາບໍ່ໄດ້ເຂົ້າເຖິງການເຈລະຈາຂອງເນື້ອຫາຂອງໂຄງການທັງຫຼາຍ ຫຼື ໂຄງການໃດນຶ່ງເລີຍ ພວກເຮົາໄດ້ພະຍາຍາມ ທີ່ຈະເຮັດຂັ້ນຕອນຕໍ່ໄປ ໃນອີກ 2-3 ມື້
ຕໍ່ໜ້ານີ້ ພວກເຮົາກໍຍັງເຮັດບໍ່ໄດ້ຊ້ຳ”
ລັດຖະບານຊຸດໃໝ່ ທີ່ອຽງຊ້າຍຂອງ Greece ທີ່ໄດ້ຖືກເລືອກໃຫ້ເຂົ້າຮັບໜ້າທີ່ໃນເດືອນ
ແລ້ວນີ້ ແມ່ນຂໍຮ້ອງໃຫ້ເປີດການເຈລະຈາຄືນໃໝ່ ກ່ຽວກັບເງິນກູ້ຢືມ 300 ພັນລ້ານໂດລາ ແທນທີ່ຈະຊອກຫາທາງເພື່ອຕໍ່ອາຍຸ ເວລາພາກສ່ວນຫຼ້າສຸດຈະໝົດອາຍຸລົງໃນທ້າຍເດືອນ
ກຸມພານີ້.
