ນາຍົກລັດຖະມົນຕີກຣີສ ທ່ານ Alexis Tsipras ໄດ້ພົບປະກັບ
ເຈົ້າໜ້າກະຊວງການເງິນ ໃນວັນພະຫັດມື້ນີ້ ນຶ່ງມື້ຫຼັງຈາກກຣີສ
ໄດ້ຂໍຮ້ອງໃຫ້ປະເທດເພື່ອນບ້ານຢູໂຣບຊ່ອຍກອບກູ້ເສດຖະກິດ
ຂອງປະເທດຄັ້ງໃໝ່ ໄປອີກຕື່ມ 3 ປີ.
ທ່ານ Tsipras ແລະຜູ້ຊ່ອຍຂອງທ່ານ ແມ່ນກຳລັງດຳເນີນການ
ໃນແຜນການຂັ້ນສຸດທ້າຍກ່ອນເສັ້ນຕາຍໃນວັນສຸກມື້ອື່ນນີ້. ນາ
ຍົກລັດຖະມົນຕີ ໄດ້ສະແດງອອກ ໃນຄຳຮ້ອງຂໍໃຫ້ຊ່ອຍກອບກູ້
ເສດຖະກິດຂອງທ່ານໂດຍສັນຍາວ່າ “ຈະຈັດຕັ້ງປະຕິບັດໃນທັນ
ທີ” ການປະຕິຮູບດ້ານພາສີ ແລະລະບົບເບ້ຍບຳນານ.”
ພວກເຈົ້າໜີ້ທັງຫຼາຍແມ່ນຄາດວ່າຈະໃຫ້ຄຳຕອບຕໍ່ຄຳຮ້ອງຂໍຊ່ອຍກອບ ກູ້ເສດຖະກິດຂອງກຣີສ ຫຼັງຈາກກອງປະຊຸມສຸດຍອດຂອງບັນດາ 28 ສະມາຊິກສະຫະພາບຢູໂຣບ ໃນວັນອາທິດຈະມານີ້.
ຖ້າວ່າການກອບ ກູ້ເສດຖະກິດຂອງກຣີສ ບໍ່ໄດ້ຮັບການອະນຸມັດ Athens ກໍຈະໄດ້ອອກຈາກກຸ່ມປະເທດທີ່ໃຊ້ເງິນຢູໂຣ ຊຶ່ງມັນຈະເປັນປະເທດທຳອິດ ທີ່ໄດ້ອອກຈາກກຸ່ມປະເທດທີ່ໃຊ້ເງິນຢູໂຣ ໃນປະຫວັດສາດ 16 ປີຂອງກຸ່ມ.
ກຣີສ ໄດ້ຮັບການຊ່ອຍເຫລືອຫຼາຍກວ່າ 300 ພັນລ້ານໂດລ່າແລ້ວ ໃນການກອບກູ້ເສດຖະ
ກິດ ໃນຮອບຫຼາຍກວ່າ 5 ປີ ທີ່ຜ່ານມານີ້.
ການທີ່ກຣີສ ບໍ່ສາມາດຈ່າຍໜີ້ຂອງຕົນ ໃນມູນຄ່າ 1 ລ້ານ 8 ແສນ ໂດລ່າ ຕໍ່ອົງການກອງ
ທຶນສາກົນ ຫຼື IMF ໃນສັບປະດາຜ່ານມານີ້ ເວລາບັນດາລັດຖະມົນຕີການເງິນຂອງຢູໂຣບ ໄດ້ປະຕິເສດບໍ່ຍອມຕໍ່ອາຍຸການກອບກູ້ເສດຖະກິດຂອງກຣີສອອກໄປເພື່ອອຳນວຍໃຫ້ກຣີສ
ສາມາດໃຊ້ໜີ້ ຕໍ່ອົງການກອງທຶນດັ່ງກ່າວນີ້.
