ນາຍົກລັດຖະມົນຕີກຣິສ ທ່ານ Alexis Tsipras ກ່າວວ່າ ທ່ານ
ມີຄວາມໝັ້ນໃຈທີ່ຈະປະຕິບັດທັນກັບກຳນົດ “ເສັ້ນຕາຍຂັ້ນສຸດ
ທ້າຍ” ພາຍໃນທ້າຍອາທິດ ນີ້ທີ່ບັນດາຜູ້ນຳຢູໂຣບໄດ້ໃຫ້ເວລາ
ແກ່ທ່ານເພື່ອໃຫ້ບັນລຸຂໍ້ຕົກລົງກ່ຽວກັບການກອບກູ້ເສດຖະກິດ.
ຢູ່ໃນຄຳປາໄສໃນວັນພຸດມື້ນີ້ ຕໍ່ສະພາຢູໂຣບ ນາຍົກລັດຖະມົນ
ຕີ Tsipras ຍັງໄດ້ກ່າວປ້ອງກັນຄວາມລັງເລໃຈ ປະເທດຂອງ
ທ່ານ ໃນການຕົກລົງຮັບເອົາມາດ ຕະການປະຢັດມັດທະຍັດທີ່
ເຂັ້ມງວດເພື່ອເປັນການແລກປ່ຽນກັບການຊ່ວຍເຫຼືອດ້ານ
ການເງິນ.
ຜູ້ນຳກຣິສກ່າວວ່າ ການປະຕິຮູບໃດໆກໍຕາມ ແມ່ນຕ້ອງໄດ້ແບ່ງປັນຄວາມຍາກລຳບາກ
ລະຫວ່າງປະຊາຊົນ ສ້າງວຽກງານ ແລະຊຸກຍູ້ວິສາຫະກິດ ແລະການເປັນໜີ້ສິນສາທາ
ລະນະໃດໆ ຕ້ອງເປັນທີ່ອຸ້ມຊູໄດ້ແບບຍືນຍົງ.
ຫລັງຈາກການປະຊຸມສຸກເສີນໃນວັນອັງຄານວານນີ້ ບັນດາຜູ້ນຳເຂດຢູໂຣ ກ່າວວ່າ ເຂົາ
ເຈົ້າບໍ່ມີຄວາມປະທັບໃຈ ກັບຂໍ້ສະເໜີເທື່ອຫຼ້າສຸດຂອງທ່ານ Tsipras.
ປະທານສະພາຢູໂຣບ ທ່ານ Donald Tusk ໄດ້ກ່າວວ່າ “ຂ້າພະເຈົ້າຕ້ອງເວົ້າອອກມາ
ດັງໆ ແລະແຈ້ງຂາວວ່າ ເສັ້ນຕາຍສິ້ນສຸດລົງ ໃນອາທິດນີ້” ແລະທ່ານໄດ້ເຕືອນວ່າ ການ
ບໍ່ສາມາດບັນລຸຂໍ້ຕົກລົງກັນ “ອາດຈະນຳໄປສູ່ ການລົ້ມລະ ລາຍຂອງກຣິສ ແລະການ
ລົ້ມລະລາຍຂອງລະບົບທະນາຄານກຣີສດ້ວຍ.”
ກຳມາທິການກິດຈະການເສດຖະກິດ ຂອງສະຫະພາບຢູໂຣບ ທ່ານ Pierre Moscovici
ໄດ້ມີຄວາມເຫັນໄປທາງບວກຫລາຍກວ່າໝູ່ ໂດຍກ່າວວ່າ ທ່ານເຊື່ອວ່າ ຂໍ້ຕົກລົງນີ້
ສາມາດບັນລຸກັນໄດ້ ໃນວັນອາທິດຈະມາເຖິງນີ້ ເວລາສະມາ ຊິກທັງໝົດ 28 ປະເທດ
ຂອງສະຫະພາບຢູໂຣບ ຈະພົບປະກັນເພື່ອສົນທະນາຫາລືກ່ຽວກັບວິກິດການ.
ທ່ານ Moscovici ໄດ້ກ່າວຕໍ່ໂທລະພາບຝຣັ່ງ 2 ໃນວັນພຸດມື້ນີ້ວ່າ “ໜ່ວຍໝາກບານ
ແມ່ນເປັນທີ່ແຈ້ງຂາວ ຢູ່ໃນເຂດຂອງເຈົ້າໜ້າທີ່ກຣິສ”.
ຢູ່ໃນຮ່ອງຮອຍທີ່ວ່າສະຖານະການແມ່ນຮ້າຍແຮງສ່ຳໃດນັ້ນ ບັນດາຜູ້ນຳຢູໂຣບ ໄດ້ເລີ້ມ
ທຳການກະກຽມ ເພື່ອໃຫ້ກຣິສອອກຈາກເຂດໃຊ້ເງິນຢູໂຣ ທີ່ມີສະມາຊິກ 19 ປະເທດນັ້ນ.
ປະທານຄະນະກຳມາທິການຢູໂຣບ ທ່ານ Jean-Claude Juncker ກ່່າວວ່າ “ທາງຄະ
ນະກຳມາທິການໄດ້ກະກຽມທຸກຢ່າງ. ພວກເຮົາມີວີທີທາງອອກແກ່ກຣິສ ກະກຽມຢ່າງລະອຽດແລ້ວ.”
ບັນດາຜູ້ໃຫ້ເງິນກູ້ຢືມຂອງນາໆຊາດ ແກ່ກຣິສ ໄດ້ເພີ້ມຄວາມບໍ່ພໍໃຈກັບນາຍົກລັດຖະ
ມົນຕີ Tsipras ທີ່ບໍ່ສາມາດໃນວັນອັງຄານວານນີ້ ແມ່ນແຕ່ນຳສະເໜີ ຢ່າງເປັນລາຍ
ລັກອັກສອນກ່ຽວກັບແຜນການກອບກູ້ເສດຖະກິດສະບັບໃໝ່.
