ຕະຫຼາດຮຸ້ນໂລກ ໄດ້ຂຶ້ນລາຄາຢ່າງໃຫຍ່ໃນວັນຈັນວານນີ້ ໃນບໍ່
ເທົ່າໃດຊົ່ວໂມງ ຫຼັງຈາກທີ່ກຣິສ ທີ່ມີໜີ້ສິນ ແລະບັນດາປະເທດ
ເພື່ອນບ້ານຢູໂຣບ ໄດ້ບັນລຸຂໍ້ຕົກລົງ ໄປສູ່ການຊ່ອຍກອບກູ້ເສດ
ຖະກິດ ຄັ້ງທີ 3 ສຳຫຼັບ Athens.
ຕະຫຼາດຮຸ້ນສະຫະລັດ ໄດ້ຖີບຕົວສູງຂຶ້ນ ຫຼາຍກວ່າ 1 ເປີເຊັນ
ໃນການຊື້ຂາຍໃນວັນຈັນວານນີ້ ຄ້າຍຄືກັນກັບຕະຫຼາດຮຸ້ນ
ໃນຢູໂຣບແລະໃນເອເຊຍ.
ປະທານາທິບໍດີສະຫະລັດ ທ່ານ ບາຣັກ ໂອບາມາ ສະແດງ
ຄວາມຍິນດີຕໍ່ຂໍ້ຕົກລົງທີ່ວ່ານີ້ ຊຶ່ງທ່ານໄດ້ກ່າວວ່າ “ມັນໄດ້
ສະທ້ອນເຖິງການເອົາບາດກ້າວທີ່ຕັ້ງໜ້າຕັ້ງຕາ ຂອງບັນດາເຈົ້າໜີ້ຂອງກຣິສ ທີ່ໄດ້ໃຫ້ການສະໜັບສະໜຸນທາງການເງິນ” ທີ່ຊ່ອຍກອບກູ້ Athens ໃຫ້ກັບຄືນສູ່ການເຕີບໃຫຍ່ຂະຫຍາຍຕົວ ແລະສາມາດໃຊ້ໜີ້ໃນໄລຍະຍາວ.” ນອກນັ້ນ ທ່ານຍັງໄດ້ສະແດງ
ຄວາມຫວັງອອກມາວ່າ ບັນດາຜູ້ນຳຢູໂຣບ ແລະກຣິສ “ໄດ້ປະຕິບັດຕາມຂັ້ນຕອນຂອງການດຳເນີນງານທີ່ສຳຄັນ ຊຶ່ງຈຳເປັນທີ່ຕ້ອງໄດ້ບັນລຸນັ້ນ.”
ບັນດາຜູ້ນຳດ້ານການເງິນໂລກ ຍັງໄດ້ຍິນດີກັບຂໍ້ຕົກລົງທີ່ວ່ານີ້ ທີ່ອະນຸຍາດໃຫ້ Athensຍັງ
ສາມາດຢູ່ໃນກຸ່ມ 19 ປະເທດທີ່ໃຊ້ເງິນຢູໂຣ ໂດຍຕົກລົງ ທີ່ຈະປະຕິບັດຕາມມາດຕະການ
ປະຢັດມັດທະຍັດທີ່ເຂັ້ມງວດສະບັບໃໝ່ ຂອງ ບັນດາເຈົ້າໜີ້ຢູໂຣບ ທັງຫຼາຍ.
ນຶ່ງໃນບັນດາເຈົ້າໜີ້ ກໍຄືອົງການກອງທຶນສາກົນ ຫຼື IMF ໄດ້ກ່າວວ່າ “ຕົນຈະຕຽມພ້ອມທີ່ຈະໃຫ້ການຊ່ອຍເຫຼືອເຈົ້າໜ້າທີ່ຂອງກິຣສ” ໃນການຈະເຮັດໃຫ້ເສດຖະກິດຂອງກິຣສ ກັບຄືນສູ່ສະພາບປົກກະຕິ.
ໃນການກັບຄືນສູ່ Athens ຫຼັງຈາກທີ່ໄດ້ເຈລະຈາຫຼາຍຮອບຢ່າງຍືດຍາວແລ້ວນາຍົກລັດ ຖະມົນຕີຂອງກຣິສທ່ານ Alexis Tsipras ທ່ານຍັງໄດ້ປະເຊີນໜ້າກັບກໍ່ກະບົດໂດຍລັດຖະບານປະສົມ ທີ່ອຽງຊ້າຍຂອງທ່ານ ໃນຂະນະທີ່ທ່ານຊອກຫາທາງຮັບເອົາຂໍ້ຕົກລົງຈາກທາງລັດຖະສະພາ ກ່ຽວກັບການຕັດການໃຊ້ຈ່າຍແລະເບັ້ຍບຳນານລົງ ແລະຂຶ້ນພາສີນັ້ນ.
ສະມາຊິກ ລັດຖະສະພາບາງທ່ານ ໄດ້ກ່າວວ່າ ພວກເຂົາເຈົ້າ ຈະບໍ່ສະໜັບສະໜຸນຂໍ້ຕົກລົງ
ທີ່ວ່ານີ້ ຊຶ່ງລັດຖະມົນຕີກະຊວງແຮງງານທ່ານ Panos Skourletis ໄດ້ເອີ້ນຂໍ້ຕົກລົງດັ່ງກ່າວ
ນີ້ວ່າ ບໍ່ສາມາດນຳໄປປະຕິບັດໄດ້.
ທ່ານ ຄາດຄະເນເຖິງການຕັດງົບປະມານຢ່າງໃຫຍ່ຫຼວງ ຊຶ່ງໄດ້ຈັດໃຫ້ເປັນຈຸດເລີ້ມຕົ້ນຂັ້ນທຳອິດຂອງການເຈລະຈາກອບກູ້ເສດຖະກິດ ທີ່ນຳໄປສູ່ການເລືອກຕັ້ງໃນປີນີ້. ຄູ່ພາຄີທີ່ກຳ
ສຽງສ່ວນ ຢູ່ໃນລັດຖະບານປະສົມຂອງກຣິສ ທີ່ປົກຄອງປະເທດຢູ່ໃນຂະນະນີ້ ໄດ້ເອີ້ນຂໍ້ຕົກ
ລົງນີ້ວ່າ ການກໍ່ລັດຖະປະຫານ ພາຍໃຕ້ການນຳພາຂອງເຢຍຣະມັນ.
