ລັດຖະບານຂອງ Greece ໄດ້ມີການຕຽມພ້ອມເພື່ອຮັບມືກັບການນັດຢຸດງານເປັນເວລາ
48 ຊົ່ວໂມງ ຂະນະທີ່ສະມາຊິກສະພາພວມທຳການອະພິປາຍ ກ່ຽວກັບແຜນການປະຕິຮູບ
ເພື່ອທຳການປະຢັດມັດທະຍັດຮອບໃໝ່.
ເຈົ້າໜ້າທີ່ຄົນນຶ່ງຂອງສະຫະພັນກຳມະບານທີ່ຄວມຄຸມການສັນຈອນທາງອາກາດຂອງ
Greece ກ່າວວ່າ ສະໜາມບິນຕ່າງໆຈະປິດໃຫ້ບໍລິການເປັນ ເວລາ 4 ຊົ່ວໂມງ
ໃນຕອນເຊົ້າແລະໃນຕອນແລງ ທັງໃນວັນອັງຄານມື້ນີ້ແລະວັນພຸດມື້ອື່ນ.
ການນັດຢຸດງານທີ່ວ່ານີ້ແມ່ນຈະລົບກວນຫຼືບໍ່ກໍເຮັດໃຫ້ການບໍລິການຕ່າງໆຂອງລັດຖະບານ
ຍຸຕິລົງ. ພວກທ່ານໝໍ, ພວກຄົນຂັບລົດໂຮງໝໍ, ພວກນັກຂ່າວ, ແລະແມ່ນກະທັງພວກນັກ
ສະແດງ ທີ່ໄດ້ຮັບເງິນເດືອນຈາກລັດຖະບານ ກໍຈະເຂົ້າຮ່ວມການປະທ້ວງນັດຢຸດງານ
ໃນຄັ້ງນີ້.
ໃນຂະນະດຽວກັນ, ທ່ານ Nicolas Sarkozy ປະທານາທິບໍດີຝຣັ່ງ ກ່າວວ່າ ບັນດາ
ທະນາຄານຝຣັ່ງ ໄດ້ຕົງລົງທີ່ຈະຊ່ອຍເຫຼືອ Greece ໃຫ້ລຸດພົ້ນອອກ ຈາກວິກິດການ
ໜີ້ສິນອັນ ແລະວ່າຈະຍືດເວລາໃນການໃຊ້ໜີ້ຂອງລັດຖະບານ Greece ນັ້ນອອກໄປ
ຊຶ່ງພວມຢູ່ໃນລະຫວ່າງການດຳເນີນຄວາມພະຍາຍາມ ເພື່ອຮັບຜ່ານແຜນການປະຢັດ
ມັດທະຍັດຮອບໃໝ່ ເພື່ອໃຫ້ Greece ລອດພົ້ນຈາກການລົ້ມລະລາຍນັ້ນ.
