ທີ່ປະເທດກຣີສພວກພະນັກງານຂອງທະນາຄານໄດ້ພາກັນ
ນັດຢຸດງານເພື່ອປະທ້ວງຕໍ່ການເສຍຊີວິດຂອງພະນັກງານ
3 ຄົນ ທີ່ຕົກຄ້າງຢູ່ຂ້າງໃນຂອງທະນາຄານທີ່ພວກປະທ້ວງ
ຈູດ ໃນມື້ວານນີ້.
ຊາວກຣີສຈຳນວນຫລາຍພັນຄົນໄດ້ປະທະກັບພວກ
ຕຳຫລວດໃນວັນພຸດວານນີ້ໃນລະຫວ່າງການເດີນ
ຂະບວນທີ່ນະຄອນຫລວງເອເທັນ ເພື່ອປະທ້ວງຕໍ່
ແຜນການປະຢັດມັດທະຍັດຂອງລັດຖະບານທີ່ມີຈຸດ
ມຸ່ງໝາຍຈະຊ່ອຍກຣີສໃຫ້ລອດພົ້ນຈາກການລົ້ມລະລາຍນັ້ນ.
ລັດຖະມົນຕີການເງິນຂອງກຣີສທ່ານ GEORGE PAPACONSTAN
TINOUກ່າວຕໍ່ສະພາແຫ່ງຊາດ ໃນວັນພະຫັດມື້ນີ້ວ່າ ຄວາມຫວັງອັນດຽວ
ຂອງກຣີສທີ່ຈະຫລີກລ່ຽງບໍ່ໃຫ້ເກີີດການລົ້ມລະລາຍ ກໍຄືຕົກລົງຮັບເອົາ
ແຜນການປະຢັດມັດທະຍັດ ຕະຫລອດທັງການກູ້ຢືມຈາກສະຫະພາບຢູໂຣບ
ແລະກອງທຶນສາກົນ IMF.
ເປັນທີ່ຄາດກັນວ່າບັນດາສະມາຊິກສະພາຂອງກຣີສຈະລົງຄະແນນສຽງ
ກ່ຽວກັບແຜນການດັ່ງກ່າວ ພາຍໃນທ້າຍອາທິດນີ້.
