ຫລັງຈາກໄດ້ມີການແບ່ງແຍກກັນ ມາໄດ້ຫລາຍເດືອນແລ້ວ ພວກຜູ້ບັນຊາການຂອງອົງ ການ NATO ບັດນີ້ ໄດ້ມີຄວາມເຫັນພ້ອມນຳກັນ ກ່ຽວກັບການຮັບມືກັບບັນຫາທ້າທາຍ ທີ່ບັນດາສະມາຊິກປະເທດຕ່າງໆປະເຊີນໜ້າ ທາງພາກຕາເວັນອອກແລະພາກໃຕ້ ອີງ ຕາມຄຳເວົ້າຂອງນາຍພົນອະວຸໂສສະຫະລັດ ທີ່ກ່າວໃນວັນພະຫັດວ່ານນີ້.
ປະທານເສນາທິການຮ່ວມ ຂອງກອງທັບ ນາຍພົນ Joe Dunford ກ່າວວ່າ ບັນດາປະເທດພັນທະມິດໄດ້ມີ “ຮູບພາບຄ້າຍຄືກັນ” ລະຫວ່າງກອງປະຊຸມສຸດຍອດລັດຖະມົນຕີ ປ້ອງກັນປະເທດຂອງອົງການ NATO ແລະສາມາດສຶກສາເບິ່ງບັນຫາດ້ານຄວາມປອດ ໄພ ພ້ອມດ້ວຍຍຸດທະສາດທີ່ສາມາດເອົາໄຊຊະນະຫລາຍຂຶ້ນ.
ນາຍພົນ Danford ໄດ້ກ່າວຕໍ່ບັນດານັກຂ່າວ ທີ່ເດີນທາງໄປກັບທ່ານ ຈາກນະຄອນ Brussels ມາຍັງສະຫະລັດວ່າ “ຂ້າພະເຈົ້າຄິດວ່ານີ້ ເປັນກອງປະຊຸມ ທີ່ມີໝາກຜົນ ຫລາຍກວ່າ ກອງປະຊຸມ ໃນເດືອນກຸມພາຜ່ານມາ. ໂດຍເປັນທີ່ເຂົ້າໃຈທົ່ວໄປແລ້ວ
ເປັນການທ້າທາຍທຳມະດາຕໍ່ພາກໃຕ້ ແລະພາກຕາເວັນອອກ ທີ່ມີຢູ່ນັ້ນ.”
ປະທານ Dunford ແລະປະທານເສນາທິການຮ່ວມຄົນກ່ອນນາຍພົນ Martin Demp-
sey ຕ່າງກໍໄດ້ສະແດງຄວາມບໍ່ດີໃຈ ຫຼັງຈາກກອງປະຊຸມລັດຖະມົນຕີປ້ອງກັນປະເທດ ຄັ້ງກ່ອນຊຶ່ງບັນດາປະເທດພັນທະມິດໄດ້ຖົກຖຽງກັນກ່ຽວກັບວ່າອົງການ NATO ຄວນ ທີ່ຈະໃຫ້ຄວາມສຳຄັນສຸດ ໃນການເພັ່ງເລັງໃສ່ໄພຂົ່ມຂູ່ຈາກການຮຸກຮານຂອງຣັດເຊຍ ຢູ່ທາງພາກຕາເວັນອອກ ຫລືໄພຂົ່ມຂູ່ຂອງພວກນັກລົບອິສລາມ ຕໍ່ອົງການ NATO ຢູ່ທາງພາກໃຕ້.
ບັນດາຜູ້ນຳສະຫະລັດ ໄດ້ຮຽກຮ້ອງໃຫ້ປະເທດພັນທະມິດ ເພັ່ງເລັງໃສ່ໄພຂົ່ມຂູ່ທັງສອງ ພ້ອມໆກັນ ເຖິງແມ່ນວ່າຜົນປະໂຫຍດ ດ້ານຄວາມໝັ້ນຄົງຂອງແຕ່ລະປະເທດ ໃນອັນ ທີ່ນາຍພົນ Dan Ford ອ້າງເຖິງວ່າເປັນວິທີຮັບມືແບບ “360 ອົງສາ” ນັ້ນ. ທ່ານກ່າວວ່າ “ຂ້າພະເຈົ້າຄິດວ່າ ພວກເຮົາມາຮອດທີ່ນັ້ນແລ້ວ.”
