ຝ່າຍຕໍ່ຕ້ານຊີເຣຍ ເສຍຫາຍໜັກ ໃນການຕໍ່ສູ້ກັບ ຝ່າຍລັດຖະບານ (ສະໄລດ໌)

ນັກ​ເຄື່ອນ​ໄຫວຊີ​ເຣຍ ກຸ່ມ​ນຶ່ງ ກ່າວ​ວ່າ ​ການ​ຍິງຖະຫລົ່ມ​ ຂອງ​
ຝ່າຍລັດຖະບານ ໄດ້​ສັງຫານ​ຢ່າງ​ໜ້ອຍ 18 ຄົນ​ ທີ່​ພາກ​ເໜືອ​
ຂອງຊີ​ເຣຍ ໃນ​ຂະນະ​ທີ່​ພວກ​ຕໍ່ຕ້ານ​ເສຍ​ຊີວິດ 28 ຄົນ ຢູ່ໃກ້
​ກັບ​ກຸງ Damascus ​ໃນ​ການ​ຕໍ່ສູ້​ກັນ​ກັບ ​ທະຫານ​ລັດຖະບານ.

ກຸ່ມ​ສິ້​ງຊອມສິດ​ທິມະນຸດຊີ​ເຣຍ ກ່າວ​ວ່າ ​ໃນ​ວັນ​ອາທິດວານ​ນີ້
​ຝ່າຍ​ລັດຖະບານ ໄດ້​ຍິງ​ປືນ​ຄົກຖ​ະຫລົ່ມ​ໃສ່ ເມືອງ Ariha ທາງ
ພາ​ກ​ຕາ​ເວັນ​ຕົກ​ສຽງເໜືອ​ຂອງປະ​ເທດ​ ຊຶ່ງສ່ວນ​ໃຫຍ່​ແມ່ນ​ຢູ່​
ໃຕ້​ການ​ຄວບ​ຄຸມ​ຂອງພວກ​ນັກ​ລົບ​ຝ່າຍ​ຄ້ານ. ກຸ່ມ​ດັ່ງກ່າວ​ເວົ້າ
ວ່າ ຜູ້​ເຄາະ​ຮ້າຍ​ມີຮວ​ມທັງ ຜູ້​ຍິງ​ສອງ​ຄົນ ​ແລະ​ເດັກນ້ອຍ​ນຶ່ງ​ຄົນ.

ກ່ອນ​ໜ້າ​ນັ້ນ ພວກຝ່າຍຄ້ານ ​ແລະ​ທະຫານ​ລັດຖະບານ ​ໄດ້​ສູ້​
ລົບ​ກັນ​ຢ່າງດຸ​ເດືອດ ທີ່​ເມືອງ Adra ໃກ້​ກັບ​ກຸງ Damascus. ​
ກຸ່ມ​ສິ້ງຊອມສິດ​ທິມະ​ນຸດຊີ​ເຣຍກ່າວ​ວ່າ ນອກຈາກພວກ​ຝ່າຍ
ຕໍ່ຕ້ານ​ທີ່​ຖືກ​ຂ້າ​ຕາ​ຍ​ນັ້ນ​ແລ້ວ ຜູ້​ນໍາ​ຄົນ​ນຶ່ງ ​ແລະ​ສະ​ມາ​ຊິກ​ຈໍາ
ນວນ​ນຶ່ງ​ຂອງ ໜ່ວຍ​ພິທັກສາ​ທາ​ລະນະ​ລັດ ຫລື Republican
Guard ອັນ​ເປັນກອງ​ກໍາລັງ​ພິ​ເສດ​ຊັ້ນ​ຫົວ​ກະທິ ຂອງ​ລັດຖະ
ບານ ​ກໍໄດ້​ເສຍ​ຊີວິດ​ ​ໃນ​ການປະ​ທະ​ກັນນັ້ນ.

ບໍ່​ມີ​ການ​ຢັ້ງຢືນ​ທີ່ເປັນ​ເອກ​ກະລາດ ຕໍ່ລາຍ​ງາ​ນ​ເຫລົ່າ​ນີ້.