ຕະຫຼາດຮຸ້ນໃນທົ່ວໂລກ ໄດ້ຖີບຕົວສູງຂຶ້ນ ໃນວັນພຸດມື້ນີ້ ຫຼັງຈາກທີ່ ບັນດາຜູ້ນຳຂອງ
ສະຫະລັດ ໄດ້ປະກາດມາດຕະການດ້ານການເງິນຂະໜາດໃຫຍ່ ເພື່ອຮັບມືກັບການ
ລະບາດຂອງໄວຣັສໂຄໂຣນາ.
ດັດຊະນີ ນິກເຄອິ (Nikkei) ຂອງຍີ່ປຸ່ນ ໄດ້ຖີບໂຕສູງຂຶ້ນ 8 ເປີິເຊັນ ໃນຕອນປິດ
ຕະຫຼາດ ໃນຂະນະທີ່ ດັດຊະນີ ແຮງ ເຊັງ (Hang Seng) ຂອງຮົງກົງ ກໍມີລາຄາ
ສູງຂຶ້ນເຖິງ 4 ເປີເຊັນ ໃນຕອນປິດຕະຫຼາດ ແລະຕິດຕາມມາດ້ວຍ ດັດຊະນີ ຊຽງໄຮ
ກໍສູງຂຶ້ນເຖິງ 2 ເປີເຊັນ.
ສ່ວນຕະຫຼາດຮຸ້ນຂອງຢູໂຣບ ກໍໄດ້ຕິດຕາມມາ ດ້ວຍການໄຂຕະຫຼາດຊື້ຂາຍຮຸ້ນ ຢ່າງ
ແຂງຂັນ ແລະ ຮຸ້ນໃນອະນາຄົດຂອງສະຫະລັດ ບົ່ງບອກວ່າ ຈະມີລາຄາສູງຂຶ້ນ ເມື່ອ ຕະຫຼາດຮຸ້ນທັງຫຼາຍເປີດຕໍ່ມາໃນມື້ນີ້.
ຄວາມບໍ່ແນ່ນອນ ກ່ຽວກັບໄວຣັສໂຄໂຣນາ ແລະຜົນກະທົບຂອງມັນຕໍ່ເສດຖະກິດນັ້ນ
ໄດ້ເຮັດໃຫ້ຕະຫຼາດຮຸ້ນທັງຫຼາຍສັ່ນຄອນ ເປັນເວລາຫຼາຍເດືອນແລ້ວ ແລະໄດ້ເຮັດໃຫ້
ລາຄາຮຸ້ນຕ່າງໆ ຕົກລົງເລື້ອຍມາ ໃນຂະນະດຽວກັນ ລັດຖະ ບານຂອງປະເທດຕ່າງໆ
ແລະທະນາຄານກາງທັງຫຼາຍ ໄດ້ຟ້າວອອກມາດຕະການກອບກູ້ເສດຖະກິດ.
