ລິ້ງ ສຳຫລັບເຂົ້າຫາ

ຕະຫຼາດຮຸ້ນໃນໂລກ ສືບຕໍ່ຕົກລາຄາ ໃນວັນສຸກມື້ນີ້ (ເບິ່ງວີດີໂອ)

  • ໄພສານ ວໍຣະຈັກ

ຜູ້ຊາຍຄົນນຶ່ງຍ່າງຜ່ານກະດານສະແດງລາຄາດັດຊະນີຮຸ້ນທີ່ຮົງກົງ (19 ສິງຫາ 2011)

ຕະຫຼາດຮຸ້ນໃນທົ່ວຂົງເຂດເອເຊຍແລະຢູໂຣບໄດ້ປະສົບກັບການຕົກລາຄາຢ່າງໃຫຍ່ອີກຄັ້ງນຶ່ງ
ໃນວັນສຸກມື້ນີ້ຂະນະທີ່ມີຄວາມຢ້ານກົວກັນເພີ່ມຂຶ້ນກ່ຽວກັບວິກິດການໜີ້ສິນຂອງຢູໂຣບແລະ
ເສດຖະກິດທີ່ພວມດີ້ນຮົນຂອງສະຫະລັດ.

ດັດຊະນີຮຸ້ນ Nikkei ຂອງຍີ່ປຸ່ນໄດ້ຕົກລົງຫຼາຍກວ່າ 2 ເປີເຊັນເຄິ່ງໃນຕອນປິດຕະຫຼາດຂະ
ນະທີ່ດັດຊະນີຮຸ້ນ Kospi ຂອງເກົາຫຼີໃຕ້ ຕົກລາຄາຫຼາຍກວ່າ 6 ເປີເຊັນໃນຕອນທ້າຍຂອງ
ການຊື້ຂາຍມື້ນີ້. ດັດຊະນີຮຸ້ນຂອງຮົງກົງ ຊິດນີ ສິງກະໂແລະໄຕ້ຫວັນຕ່າງກໍຕົກລາຄາຫຼາຍ
ກວ່າ 3 ເປີເຊັນໃນຕອນອັດຕະຫຼາດຂອງວັນພະຫັດວານນີ້.

ດັດຊະນີຮຸ້ນທີ່ສຳຄັນໆຂອງຢູໂຣບກໍໄດ້ຕົກລາຄາຢ່າງນ້ອຍ 2 ເປີເຊັນໃນຕອນທ່ຽງຂອງ
ວັນສຸກມື້ນີ້.

ການຂາຍຮຸ້ນອອກຢູ່ທີ່ເອເຊຍແລະຢູໂຣບຍັງດຳເນີນຢູ່ຕໍ່ມາ ໃນການຕົກລາຄາຄັ້ງໃຫຍ່ຂອງ
ຕະຫຼາດຮຸ້ນ Wall Street ສະຫະລັດ ໃນວັນພະຫັດວານນີ້. ດັດຊະນີຮຸ້ນ Dow Jones
S&P ແລະ Nasdaq ຕ່າງກໍຕົກລາຄາລະຫວ່າງ 4 ຫາ 5 ເປີ ເຊັນ.

ພວກນັກລົງທຶນມີຄວາມວິຕົກກັງວົນກ່ຽວກັບການພະຍາກອນທີ່ວ່າເສດຖະກິດຈະຂະຫຍາຍ
ໂຕໜ້ອຍລົງຢູ່ໃນສະຫະລັດ ຮວມທັງລາຍງານຕ່າງໆ ກ່ຽວກັບການຖີບໂຕຂຶ້ນຂອງເງິນເຟີ້
ການປົດຄົນງານອອກຈາກວຽກ ບວກໃສ່ກັບຄວາມວິຕົກກັງວົນ ທີ່ຍັງດຳເນີນຢູ່ຕໍ່ມາ ກ່ຽວ
ກັບວິກິດການໜີ້ສິນຂອງຢູໂຣບນຳດ້ວຍ.

ເບິ່ງວີດີໂອ ລາຍງານຂ່າວພາສາອັງກິດ ທີ່ກ່ຽວຂ້ອງກັນ:

XS
SM
MD
LG