ຮຸ້ນໃນຕະຫຼາດເອເຊຍແລະຢູໂຣບ ຕົກລາຄາອີກໃນວັນອັງຄານມື້ນີ້ ໃນທ່າມກາງທີ່ພວກນັກ
ລົງທຶນພາກັນສະແດງປະຕິກິລິຍາຕໍ່ການລົດລະດັບຄວາມໜ້າເຊື່ອຖືດ້ານສິນເຊື່ອຂອງລັດຖະ
ບານສະຫະລັດທີ່ບໍ່ເຄີຍມີມາກ່ອນນັ້ນ ແລະຄວາມເປັນຫ່ວງກັງວົນທີ່ເຮື້ອຮັງກ່ຽວກັບບັນຫາ
ໜີ້ສິນຂອງຢູໂຣບແລະການເຕີບໂຕດ້ານເສດຖະກິດຂອງໂລກນັ້ນ.
ດັດຊະນີຮຸ້ນ Nikkei ຍີ່ປຸ່ນລົດລົງ 1.68 ເປີເຊັນເວລາຕະຫຼາດອັດລົງໃນວັນອັງຄານມື້ນີ້
ຊຶ່ງຟື້ນໂຕຄືນຈາກລາຄາທີ່ຕົກລົງຫລາຍກວ່າ 4 ເປີເຊັນກ່ອນໜ້ານັ້ນ. ບັນດານັກວິເຄາະ
ກ່າວວ່າ ພວກຊື້ຮຸ້ນບາງຄົນພາກັນຊອກຊື້ຮຸ້ນທີ່ລາຄາຖືກລົງ. ດັດຊະນີຮຸ້ນ Hang Seng
ທີ່ຮອງກົງ ລົດລົງ 5.66 ເປີເຊັນເວລາຕະຫຼາດອັດ ໃນຂະນະດຽວກັນດັດຊະນີຮຸ້ນ KOS
PI ທີ່ກຸງໂຊນກໍລົດລົງຕໍ່າສຸດໃນຮອບປີປາຍຜ່ານມາ.
ສ່ວນລາຄາຮຸ້ນໃນຕະຫຼາດຢູໂຣບກໍາລັງລົດລົງອີກຫລັງຈາກຂຶ້ນມາໜ້ອຍນຶ່ງໃນຕອນໄຂ
ຕະຫຼາດ . ສ່ວນລາຄາຊຶ້ລ່ວງໜ້າຂອງຮຸ້ນກ່ອນໄຂຕະຫຼາດຮຸ້ນໃນສະຫະລັດ ແມ່ນຂຶ້ນໆ
ລົງໆໃນຂະນະທີ່ພວກນັກລົງທຶນລໍຖ້າເບິ່ງວ່າ ທະນາຄານແຫ່ງຊາດສະຫະລັດຈະທໍາການ
ເຄື່ອນໄຫວແນວໃດຫລືບໍ່ ຫລັງຈາກທະນາຄານດັ່ງກ່າວທໍາການພົບປະກັນເປັນປະຈໍາ
ເປັນເວລາ 1 ມື້ ຊຶ່ງກໍານົດມີຂຶ້ນໃນກຸງວໍຊິງຕັນໃນວັນອັງ ຄານມື້ນີ້.
ທີ່ຕະຫລາດຮຸ້ນ Wall Street ທີ່ນະຄອນນີວຢອກໃນວັນຈັນວານນີ້ ດັດຊະນີຮຸ້ນທີ່ວັດ
ແທກການເຄື່ອນໄຫວຂອງຕະຫຼາດຮຸ້ນຂອງສະຫະລັດຢ່າງກວ້າງຂວາງ ກໍຄືຮຸ້ນຂອງບໍລິ
ສັດ S&P 500 ໄດ້ລົດລົງເກືອບ 7 ເປີເຊັນ ຊຶ່ງນັບວ່າເປັນການລົດລົງຄັ້ງໃຫຍ່ທີ່ສຸດນັບ
ແຕ່ເດືອນທັນວາປີ 2008 ເປັນຕົ້ນມາ. ດັດຊະນີຮຸ້ນລາຍໃຫຍ່ໆໃນຢູໂຣບໄດ້ຫລຸດລົງ
3 ຫາ 5 ເປີເຊັນ.
ໃນການຊື້ຂາຍຮຸ້ນກັນໃນວັນຈັນວານນີ້ ແມ່ນເປັນໂອກາດທໍາອິດທີ່ພວກນັກລົງທຶນ
ສ່ວນຫລາຍໄດ້ສະແດງປະຕິກິລິຍາຕໍ່ການປ່ຽນແປງໃນການໃຫ້ຄະແນນຄວາມໜ້າເຊື່ອ
ຖືດ້ານສິນເຊື່ອຂອງອົງການ S&P ຊຶ່ງໄດ້ປະກາດໃຫ້ຮູ້ໃນແລງວັນສຸກຜ່ານມາ ຫລັງ
ຈາກຕະຫຼາດໂລກປິດລົງແລ້ວ. ບັດນີ້ ຄະແນນຄວາມໜ້າເຊື່ອຖືຂອງສະຫະລັດແມ່ນຢູ່
ໃນລະດັບ AA+ ຫລື 2 A ບວກ ຊຶ່ງເປັນລະດັບນຶ່ງຕໍ່າລົງຈາກລະດັບສູງສຸດ 3 A ນັ້ນ.
ເຖິງຢ່າງໃດກໍດີ ພວກນັກລົງທຶນພາກັນສືບຕໍ່ຊື້ພັນທະບັດກະຊວງການເງິນສະຫະລັດ
ໃນການສະແຫວງຫາຄວາມປອດໄພຈາກບັນຫາໜີ້ສິນລັດຖະບານແລະຄວາມບໍ່ທຸ່ນທ່ຽງ
ຂອງລາຄາຕະຫຼາດຮຸ້ນນັ້ນ.
